ತುಳುನಡಕೆ ಪಂತೊದ ಉದಿಪನ

ತುಳುಸಂಸ್ಕ್ರತಿನ್ ಜೋಕ್ಲೆಗ್  ತೆರಿಪಾವುನ ನಿಟ್ಟುಡ್ ಶಾಲೆ ಜೋಕ್ಲೆಗ್ ಶಾಲೆಲೆಡ್ ಕಜ್ಜೊಲೆನ್ ಮಲ್ಪುನ ಮೂಲಕ ತುಳುಬಾಸೆಗ್ ನಾಡುಗ್ ವಿಶೇಷವಾಯಿನ ಕೊಡುಗೆ ಕೊರೊಂದುಪ್ಪುನ ತುಳುಕೂಟದ ಕಾರ್ಯ ಶ್ಲಾಘನೀಯ ಪಂಡುದ್ ಯುವ ಉದ್ಯಮಿ ವಿಕ್ರಮ್ ಪಂಡೆರ್.ತುಳುಕೂಟ ಉಡುಪಿದ ವತಿಡ್ದ್ ನಡತಿನ ಶಾಲೆಜೋಕ್ಲೆಗ್ ತುಳುನಡಕೆ ಪಂತೊದ ಲೇಸ್ ನ್  ಉದಿಪನ ಮಲ್ತುದ್ ಆರ್ ಪಾತೆರಿಯೆರ್.ತುಳುಕೂಟದ ಗುರ್ಕಾರೆ ಶ್ರೀ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ಮೇರ್ ಗುರ್ಕಾರ್ಮೆಡಿತ್ತೆರ್. ಕಜ್ಜೊಡ್ ಶಾಲೆದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರಾಯಿನ ಗುಂಡು ಬಿ. ಅಮೀನ್, ಉಡುಪಿದ ಪುಗಾರ್ತೆದ ವಕೀಲೆರಾಯಿನ ಬಿ. ಶಾಂತಾರಾಮ ಶೆಟ್ಟಿ, ನೂತನ್ ಕ್ರೆಡಿಟ್ ಕೋ-ಆಪರೇಟಿವ್ ಸೊಸೈಟಿದ ಪ್ರಧಾನ ವ್ಯವಸ್ಥಾಪಕೆರಾಯಿನ ಶ್ರೀ ಗಣೇಶ್ ಶೇರಿಗಾರ್,ಶಾಲೆದ ಮುಖ್ಯಶಿಕ್ಷಕಿ ಶ್ರೀಮತಿ ವಸಂತಿ ಉಪಸ್ಥಿತರಿತ್ತೆರ್.ತುಳುನಡಕೆದ ಸಂಚಾಲಕೆರ್ ದಯಾನಂದ ಡಿ. ಬತ್ತಿ ಬಿನ್ನೆರೆನ್ ಎದ್ಕೊಂಡೆರ್. ಸಂಘಟನಾ ಕಾರ್ರಂತೆರಾಯಿನ ವಿದ್ಯಾ ಸರಸ್ವತಿ ನಿರೂಪಣೆ ಮಲ್ತುದ್, ಕಾರ್ಯಂತೆರಾಯಿನ ಗಂಗಾಧರ ಕಿದಿಯೂರು ಸೊಲ್ಮೆ ಸಂದಾಯ್ತ ಮಲ್ತೆರ್. ಸಭಾಕಜ್ಜೊಡ್ ಬೊಕ್ಕ ಬೇತೆ ಬೇತೆ ಶಾಲೆದ ಜೋಕ್ಲೆಗ್ ತುಳುನಡಕೆ ಪಂತೊ ನಡತುಂಡ್.