*ತುಳುನಾಡ ರಕ್ಷಣಾ ವೇದಿಕೆ ಉಡುಪಿದ ವತಿಡ್ದ್ ನಡತಿನ ಆಟಿ ಅಮಾವಾಸ್ಯೆ ಪ್ರಯುಕ್ತ ಸಾರ್ವಜನಿಕೆರೆಗ್ ಪಾಲೆದ ಕತ್ತೆ ಕಷಾಯ ಬೊಕ್ಕ ಮೆಂತೆ ಗಂಜಿ ವಿತರಣಾ ಕಾರ್ಯಕ್ರಮೊಗ್ ಉಡುಪಿದ ಕ್ಲಾಕ್ ಟವರ್ ಕೈತಲುಡ್ ವೇದಿಕೆದ ಸ್ಥಾಪಕ ಗುರಿಕಾರೆರಾಯಿನ ಯೋಗಿಶ್ ಶೆಟ್ಟಿ ಜಪ್ಪು ಚಾಲನೆ ಕೊರಿಯೆರು ಈ ಪೊರ್ತುಡ್ ಉಡುಪಿ ಜಿಲ್ಲಾ ಘಟಕ ಅಧ್ಯಕ್ಷೆರಾಯಿನ ರೋಹಿತ್ ಕರಂಬಳ್ಳಿ ಪ್ರಧಾನ ಕಾರ್ಯದರ್ಶಿ ಆಜರುದ್ದೀನ್ ಸುಬ್ರಮಣ್ಯ ನಗರ, ಮಹಿಳಾ ಅದ್ಯಕ್ಷೆ ಸುಕನ್ಯ ಪ್ರಭಾಕರ್, ಉಡುಪಿ ತಾಲೂಕು ಘಟಕ ಅಧ್ಯಕ್ಷೆರಾದುಪ್ಪುನ ಕೃಷ್ಣಕುಮಾರ್ ಮಜೀದ್ ದೊಡ್ಡಣ್ಣಗುಡ್ಡೆ , ಶರತ್ ಕರಂಬಳ್ಳಿ ಸುಧಾಕರ್ ಕನ್ನರ್ಪಾಡಿ,ವಿಜಯ್ ಕರಂಬಳ್ಳಿ ಮೊಕುಉ ಉಪಸ್ಥಿತರಿತ್ತೆರು. ಕಾರ್ಯಕ್ರಮ ಉದಿಪನ ಮಲ್ತುದ್ ಪಾತೆರಿನ ಯೋಗಿಶ್ ಶೆಟ್ಟಿ ಜೆಪ್ಪು ಮೇರ್ ಇನಿತ್ತ ದಿನೊಟ್ ಪಾಲದ ಕೆತ್ತೆದ ಕಷಾಯ ತಯಾರು ಮಲ್ಪುನ ಕಷ್ಟದ ಕೆಲಸ ಆತುಂಡ್. ಅಂಚಾದ್ ದುಂಬುದ ಸಂಸ್ಕೃತಿ ಸಂಪ್ರದಾಯ ಒರಿಪಾವುನ ನಿಟ್ಟುಡ್ ಮರಿಯಾಲಡ್ ಬರ್ಪಿನ ಸೀಖ್ ಸಂಕಡೊಲೆಗ್ ಬೊಕ್ಕ ದೈಹಿಕ ಆರೋಗ್ಯ ರಕ್ಷಣೆ ಮಲ್ಪುನ ದಿಟ್ಟಿಡ್ ಇಂಚಿನ ಎಡ್ಡೆ ಸಮಾಜಮುಖಿ ಕಾರ್ಯಕ್ರಮ ತುಳುನಾಡ ರಕ್ಷಣಾ ವೇದಿಕೆ ಉಡುಪಿ ಜಿಲ್ಲಾ ಘಟಕ ಮಲ್ದಿನ ಶ್ಲಾಘನೀಯ ಪಂಡೆರ್.. ಸುಮಾರು 500ಕ್ ಲಾ ಜಾಸ್ತಿ ಜನ ಪಾಲೆದ ಕೆತ್ತೆ ಕಷಾಯ ಪರ್ದ್ ಮೆತ್ತೆಗಂಜಿ ತಿಂಡೆರ್.. ತುಳುನಾಡ ರಕ್ಷಣಾ ವೇದಿಕೆದ ಈ ಕಜ್ಜೊನ್ ಸಾರ್ವಜನಿಕೆರು ಮೆಚ್ಚುಗೆ ತೋಜಾಯೆರ್.
by 