ಕೆಮ್ತೂರು ತುಳುನಾಟಕ ಪರ್ಬ.

ತುಳುಕೂಟ ಉಡುಪಿ(ರಿ.), ಬೊಕ್ಕ ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿದ ಒತ್ತುಸೇರಿಗೆಡ್ 23ನೇ ವರ್ಸೊದ ಕೆಮ್ತೂರು ದೊಡ್ಡಣ ಶೆಟ್ರೆನ ನೆಂಪುದ ತುಳುನಾಟಕ ಪರ್ಬ ಉಂದುವೇ ಬರ್ಪಿನ 5ತಾರೀಕುಡ್ದ್ 10 ತಾರೀಕುಮುಟ್ಟ ಪ್ರತೀದಿನ ಬಯ್ಯಗ್ 6.30ಗಂಟೆಗ್ ಉಡುಪಿ ಎಮ್. ಜಿ. ಎಮ್. ಕಾಲೇಜಿದ ಮುದ್ದಣ ಮಂಟಪೊಡ್ ನಡಪರೆಗುಂಡ್.

5 ತಾರೀಕ್ ಬಯ್ಯಗ್ 5ಗಂಟೆಗ್ ಉದಿಪನದ ಲೇಸ್ ತುಳುಕೂಟದ ಗುರ್ಕಾರೆರಾಯಿನ ಶ್ರೀ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ನಡಪರೆಗುಂಡ್. ಉಡುಪಿ ಶಾಸಕೆರಾಯಿನ ಯಶ್ ಪಾಲ್ ಸುವರ್ಣ ಮೇರ್ ನಾಟಕ ಪರ್ಬದ ಉದಿಪನ ಮಲ್ಪರೆಗುಲ್ಲೆರ್. ಕಜ್ಜೊದ ಮಲ್ಲ ಬಿನ್ನೆರಾದ್ ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿದ ಗುರಿಕಾರೆರಾಯಿನ ಶ್ರೀ ತಾರಾನಾಥ ಗಟ್ಟಿ ಕಾಪಿಕಾಡ್, ಎಚ್ ಪಿ ಆರ್ ಸಮೂಹಸಂಸ್ಥೆ ಮಣಿಪಾಲದ ಗುರ್ಕಾರೆರಾಯಿನ ಶ್ರೀ ಹರಿಪ್ರಸಾದ್, ಅಖಿಲ ಭಾರತ ತುಳುಒಕ್ಕೂಟದ ಒತ್ತುಗುರ್ಕಾರೆರಾಯಿನ ಶ್ರೀ ಯೋಗೀಶ್ ಶೆಟ್ಟಿ ಜೆಪ್ಪುಪಾಲ್ ಪಡೆಯರೆಗುಲ್ಲೆರ್. ಆನಿ ಸಭಾಕಜ್ಜೊ ಮುಗೀನೇಡ್ ಬೊಕ್ಕ ಸುರುತ್ತ ನಾಟಕ ಪರ್ಬ ಸಂಸ್ಕ್ರತಿ ವಿಶ್ವ ಪ್ರತಿಷ್ಠಾನ (ರಿ). ಉಡುಪಿ ದಕ್ಲೆನ  ರವಿರಾಜ್ ಎಚ್. ಪಿ. ನಿರ್ದೇಶನದ ಶಿಲ್ಪಾ ಜೋಶಿ ತುಳುಕ್ ಅನುವಾದ ಮಲ್ದಿನ ತುದೆ ದಾಂಟಿ ಬೊಕ್ಕ ನಾಟಕ ನಡಪರೆಗುಂಡ್.

6 ತಾರೀಕುದಾನಿ ಸೋಮಾರ ಕರಾವಳಿ ಕಲಾವಿದರು(ರಿ) ಮಲ್ಪೆ ದಕ್ಲೆನ ನಾಗರಾಜ್ ವರ್ಕಾಡಿ ನಿರ್ದೇಶನದ ಅಕ್ಷಯ ಆರ್. ಶೆಟ್ಟಿ ರಚನೆದ   ಪೆರ್ಗ ನಾಟಕ ಪ್ರದರ್ಶನ ಆಪುಂಡ್.

7 ತಾರೀಕುದಾನಿ ಅಂಗಾರೆ ಭೂಮಿಗೀತ ಸಾಂಸ್ಕ್ರತಿಕ ವೇದಿಕೆ, ಪಟ್ಲದಕ್ಲೆನ  ಸಂತೋಷ್ ನಾಯಕ್ ಪಟ್ಲ  ರಂಗಪಠ್ಯ ಬೊಕ್ಕ ನಿರ್ದೇಶನದ, ಕೆ. ಪಿ. ಸುರೇಶ ಕನ್ನಡಗ್ ಅನುವಾದ ಮಲ್ದಿನ, ಐ ಕೆ ಬೊಳುವಾರು ತುಳುಕ್ ಅನುವಾದ ಮಲ್ದಿನ ದಿ ಫೈಯರ್  ನಾಟಕ ಪ್ರದರ್ಶನ ಆಪುಂಡ್.

8 ತಾರೀಕ್ ಬುದಾರದಾನಿ ಸುಮನಸಾ ಕೊಡವೂರು ಉಡುಪಿದಕ್ಲೆನ ವಿದ್ದು ಉಚ್ಚಿಲ್ ಪರಿಕಲ್ಪನೆ, ನಿರ್ದೇಶನದ, ಸಮೀರ್ ಪೇನ್ಕರ್ ಹಿಂದಿಗ್ ಮೂಲ, ಲತೇಶ್ ಪೂಜಾರಿ ಮುಂಬಯಿ ತುಳುಕ್ ಅನುವಾದ ಮಲ್ದಿನ ಈದಿ ನಾಟಕ ಪ್ರದರ್ಶನ ಆಪುಂಡ್.

9 ತಾರೀಕು ಗುರುವಾರದಾನಿ ರಂಗ ಮಿಲನ ಮುಂಬಯಿದಕ್ಲೆನ ಮನೋಹರ ಶೆಟ್ಟಿ ನಂದಳಿಕೆ ನಿರ್ದೇಶನದ ನಾರಾಯಣ ಶೆಟ್ಟಿ ನಂದಳಿಕೆ ತುಳುಕು ಅನುವಾದ ಮಲ್ದಿನ ಸೋಕ್ರಟಿಸ್ ನಾಟಕ ಪ್ರದರ್ಶನ ನಡಪುಂಡ್.

10ತಾರೀಕು ಶುಕ್ರಾರದಾನಿ ಭೂಮಿಕಾ (ರಿ.) ಹಾರಾಡಿ ದಕ್ಲೆನ ಬಿ. ಎಸ್. ರಾಮ್ ಶೆಟ್ಟಿ ಹಾರಾಡಿ ನಿರ್ದೇಶನದ ಸಿದ್ದಲಿಂಗ ಪಟ್ಟಣಶೆಟ್ಟಿ ಕನ್ನಡ ಅನುವಾದ ಮಲ್ದಿನ, ರವಿ ಎಸ್. ಪೂಜಾರಿ ತುಳುಕ್ ಅನುವಾದ ಮಲ್ದಿನ ಪೊರ್ತು ಕಂತಿನೆಡ್ದ್ ಪೊರ್ತು ಉದಿಪುನೇಟ ನಾಟಕ ಪ್ರದರ್ಶನ ನಡಪರೆಗುಂಡ್. ಪಂಡುದ್ ತುಳುಕೂಟ ಉಡುಪಿದ ಗುರ್ಕಾರೆರಾಯಿನ ಶ್ರೀ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ಪತ್ರಿಕಿಗೋಷ್ಠಿಡ್ ತೆರಿಪಾದೆರ್. ಈ ಪೊರ್ತುಡ್ ಕೆಮ್ತೂರು ತುಳುನಾಟಕ ಪರ್ಬದ ಸಂಚಾಲಕೆರಾಯಿನ ಶ್ರೀ ಬಿ. ಪ್ರಭಾಕರ ಭಂಡಾರಿ, ತುಳುಕೂಟದ ಕಾರ್ಯಂತೆರಾಯಿನ ಶ್ರೀ  ಗಂಗಾಧರ ಕಿದಿಯೂರು, ಒತ್ತು ಗುರ್ಕಾರೆರಾಯಿನ ಶ್ರೀ ದಿವಾಕರ ಸನಿಲ್, ಮಾಧ್ಯಮ ಸಂಚಾಲಕಿ ಭಾರತಿ ಟಿ. ಕೆ., ಪ್ರಕಾಶ್ ಸುವರ್ಣ ಕಟಪಾಡಿ ಉಪಸ್ಥಿತರಿತ್ತೆರ್.