ಕೆಮ್ತೂರು ದೊಡ್ಡಣ್ಣ ಶೆಟ್ರೆನ ತುಳುನಾಟಕ ಪರ್ಬ..

ತುಳುಕೂಟ ಉಡುಪಿ(ರಿ) ಆಯೋಜನೆಡ್ ಅಕಾಡೆಮಿ ಆಫ್ ಜನರಲ್ ಎಜ್ಯುಕೇಶನ್ ಮಣಿಪಾಲ ಬೊಕ್ಕ ಕನ್ನಡ ಬೊಕ್ಕ ಸಂಸ್ಕ್ರತಿ ಇಲಾಖೆ ಉಡುಪಿದ ಒತ್ತುಸೇರಿಗೆಡ್ ಇರ್ವತ್ತೊಂಜನೇ ವರ್ಸೊದ ಕೆಮ್ತೂರು ದೊಡ್ಡಣ್ಣ ಶೆಟ್ರೆನ ನೆಂಪುದ ತುಳುನಾಟಕ ಪರ್ಬ ಉಂದುವೇ ಬರ್ಪಿನ ಜನವರಿ 8 ತಾರೀಕುಡ್ದ್ 14 ತಾರೀಕುಮುಟ್ಟ ದಿನೊಲಾ ಬಯ್ಯಗ್ 6 ಗಂಟೆಗ್ ಉಡುಪಿ ಎಮ್.ಜಿ.ಎಮ್.ಕಾಲೇಜಿದ ಮುದ್ದಣ ಮಂಟಪೊಡ್ ನಡಪರೆಗುಂಡ್.
8 ತಾರೀಕುದಾನಿ ಐತಾರ ಬಯ್ಯಗ್ 5 ಗಂಟೆಗ್ ಮಾಜಿ ಸಚಿವೆರಾಯಿನ ಪ್ರಮೋದ್ ಮಧ್ವರಾಜ್ ಲೇಸ್ ದ ಉದಿಪನ ಮಲ್ಪರೆಗುಲ್ಲೆರ್.ಕಜ್ಜೊಡ್ ಮಲ್ಲ ಬಿನ್ನೆರಾದ್ ಮಹಾಲಕ್ಷ್ಮೀ ಕೋ ಆಪರೇಟಿವ್ ಸೊಸೈಟಿದ ಗುರಿಕಾರ್ರು ಯಶ್ಪಾಲ್ ಸುವರ್ಣ,ಉದ್ಯಮಿ ಪ್ರಸಾದ್ ರಾಜ್ ಕಾಂಚನ್,ಕನ್ನಡ,ಸಂಸ್ಕ್ರತಿ ಇಲಾಖೆ ಉಡುಪಿದ ನಿರ್ದೇಶಕೆರಾಯಿನ ಶ್ರೀಮತಿ ಪೂರ್ಣಿಮಾ, ಎಮ್.ಜಿ.ಎಮ್.ಕಾಲೇಜ್ ಉಡುಪಿದ ಪ್ರಾಂಶುಪಾಲೆರಾಯಿನ ಪ್ರೊಲಕ್ಷ್ಮೀನಾರಾಯಣ ಕಾರಂತ,ಮೊಕುಲು ಪಾಲ್ ಪಡೆಯರೆಗುಲ್ಲೆರ್.ತುಳುಕೂಟ(ರಿ).ಉಡುಪಿದ ಗುರಿಕಾರ್ರು ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಕಜ್ಜೊದ ಗುರ್ಕಾರ್ಮೆಡಿಪ್ಪುವೆರ್.ಆನಿ ಸಭಾಕಜ್ಜೊ ಆಯಿಬೊಕ್ಕ ರಂಗ ಸಿಂಧೂರ ಪೆರ್ಡೂರು ಮೊಕ್ಲೆನ “ಬಯ್ಯಮಲ್ಲಿಗೆ” ನಾಟಕ ಪ್ರದರ್ಶನ ನಡಪರೆಗುಂಡ್.
9 ತಾರೀಕು ಸೋಮಾರದಾನಿ ಬಯ್ಯಗ್ 6 ಗಂಟೆಗ್ ಸರಿಯಾದ್ ಭೂಮಿಗೀತ ಸಾಂಸ್ಕೃತಿಕ ವೇದಿಕೆ,ಪಟ್ಲದಕ್ಲೆಡ್ದ್ “ಹೇ ರಾಮ್” ನಾಟಕ, 10 ತಾರೀಕು ಅಂಗಾರೆದಾನಿ ಬಿಲ್ಲವ ಮಹಿಳಾ ಘಟಕ,ಬಿಲ್ಲವ ಸಮಾಜ ಸೇವಾ ಸಂಘ(ರಿ) ಮಲ್ಪೆದಕ್ಲೆಡ್ದ್ “ಮಹಿಮೆದ ಸಿರಿಕುಲು” ನಾಟಕ, 11 ತಾರೀಕು ಬುದಾರದಾನಿ ನವಸುಮ ರಂಗಮಂಚ (ರಿ) ಕೊಡವೂರುದಕ್ಲೆಡ್ದ್ “ಸಮ್ಗಾರನ ಸೆಡಕ್ದ ಬುಡೆದಿ” ನಾಟಕ, 12 ತಾರೀಕು ಗುರುವಾರದಾನಿ ಸಂಸ್ಕ್ರತಿ ವಿಶ್ವ ಪ್ರತಿಷ್ಠಾನ (ರಿ) ಉಡುಪಿ ಮೊಕ್ಲೆಡ್ದ್ “ಅಜ್ಜಯ್ಯನ ಕಥೆ ಕೇಣ್ದರಾ” ನಾಟಕ,13 ತಾರೀಕು ಶುಕ್ರಾರದಾನಿ ಅಮೋಘ(ರಿ) ಹಿರಿಯಡಕ ಮೊಕ್ಲೆಡ್ದ್ “ರೈಲು ಭೂತ” ನಾಟಕ,14 ತಾರೀಕು ಸನಿಯಾರದಾನಿ ಸುಮನಸಾ ಕೊಡವೂರು ಉಡುಪಿ (ರಿ) ಮೊಕ್ಲೆಡ್ದ್ “ಸುಳಿ ಸುರುಳಿ” ತುಳುನಾಟಕ ಪಂತೊಲು ಪ್ರದರ್ಶನ ಆವರೆಗುಂಡು.
ನಿರಂತರವಾದ್ 7 ದಿನ ನಡಪರೆಗುಪ್ಪುನ ಈ ತುಳುನಾಟಕ ಪಂತೊಲೆಡ್ ತುಳುಕಲಾಭಿಮಾನಿಲು ಹೆಚ್ಚಿಗೆ ಸಂಖ್ಯೆಡ್ ಪಾಲ್ ಪಡೆದ್ ಕಜ್ಜೊನ್ ಪೊರ್ಲು ಮಲ್ತ್ ಕೊರೊಡು ಪಂಡುದ್ ತುಳುಕೂಟ ಉಡುಪಿದ ಗುರಿಕಾರೆ ಬಿ.ಜಯಕರ ಶೆಟ್ಟಿ ಇಂದ್ರಾಳಿ,ಕಾರ್ಯಂತೆ ಗಂಗಾಧರ ಕಿದಿಯೂರು ಬೊಕ್ಕ ತುಳುನಾಟಕ ಪಂತೊದ ಸಂಚಾಲಕೆರಾಯಿನ ಬಿ.ಪ್ರಭಾಕರ ಭಂಡಾರಿ ಬಿನ್ನಪ ಮಲ್ತುದೆರ್.