ಸಾಹಿತ್ಯದ ಬೆನ್ನಿಡ್‌ ಸಂಸ್ಕ್ರತಿದ ರಕ್ಷಣೆ: ಕತ್ತಲ್ಸಾರ್

ತುಳು ಅಕಾಡೆಮಿದ ಸಿರಿಚಾವಡಿಡ್ : ತುಳು-ಕನ್ನಡ ಸಾಹಿತ್ಯೋತ್ಸವದ ಕಲರವ :

ಮಂಗಳೂರು : ಸಾಹಿತ್ಯದ ಬೆನ್ನಿಡ್ ತುಳುನಾಡುದ ಸಂಸ್ಕೃತಿ-ಸಂಸ್ಕಾರ ಒರಿದುಂಡ್, ಪೊಸ ಚಿಗುರುಲೆಗ್ ಸೂಕ್ತ ವೇದಿಕೆ ಕೊರ್ದ್ ಬುಲೆಪಾವುನ ಬೇಲೆ ಆವೊಡು. , ತುಳು ಸಾಹಿತ್ಯ ಅಕಾಡೆಮಿ‌ ಇಂಚಿನ ಕಾರ್ಯಕ್ರಮೊಲೆಗ್ ವಿಶೇಷ ಮಾನ್ಯತೆ ಕೊರ್ಪಿನೇಟ್ ದುಂಬಾತಿನೆಡ್ದಾವರ ನಿರಂತರವಾದ್ ಆಯೋಜನೆ‌ ಮಲ್ಪರೆಗ್ ಕಾರಣ ಆತುಂಡ್ ಪಂಡುದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆರಾಯಿನ ದಯಾನಂದ ಜಿ. ಕತ್ತಲ್‌ಸಾರ್ ಪಂಡೆರ್.
ಆರು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಯ ಸಿರಿ ಚಾವಡಿಡ್‌‌ ನಡತಿನ ಕನ್ನಡ-ತುಳು ಸಾಹಿತ್ಯೋತ್ಸವ ಕಾರ್ಯಕ್ರಮೊನ್ ಉದೀಪನ ಮಲ್ತುದ್ ಪಾತೆರಿಯೆರ್.
ಕನ್ನಡ ಸಾಹಿತ್ಯ ಪರಿಷತ್ ದ ಮಾಜಿ ರಾಜ್ಯಾಧ್ಯಕ್ಷೆರಾಯಿನ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಕಜ್ಜೊಗ್ ಶುಭ ಹಾರೈಸಿಯೆರ್.
ಕಾರ್ಯಕ್ರಮೊಡ್ ಸಾಹಿತಿ ಬೊಕ್ಕ ಸಂಘಟಕೆ ಪಿ. ವಿ. ಪ್ರದೀಪ್‌ಕುಮಾರ್ ಮೆರೆನ‌ “ಸೂತ್ರದಾರ” ಕಾದಂಬರಿನ್ ಅಳುಪ ವಂಶಸ್ಥೆರಾಯಿನ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆ ಡಾ.ಆಕಾಶ್‌ರಾಜ್ ಜೈನ್ ಮೇರು ಲೋಕಾರ್ಪಣೆ ಮಲ್ತುದ್ , ಎಡ್ಡೆಪ್ಪು ಬಯಕಿಯೆರ್.
ಕಾರ್ಯಕ್ರಮೊನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ, ಕಥಾ ಬಿಂದು ಪ್ರಕಾಶನ ಮಂಗಳೂರು, ಕಲ್ಕೂರ ಪ್ರತಿಷ್ಠಾನ ಮೊಕ್ಲೆನ ಒತ್ತುಸೇರಿಗೆಡ್ ನಡತುಂಡ್.
ಕರ್ನಾಟಕ ಸರಕಾರದ ಕರ್ನಾಟಕ ಅಲೆಮಾರಿ ಬೊಕ್ಕ ಅರೆಅಲೆಮಾರಿ ಅಭಿವೃದ್ಧಿ ನಿಗಮದ ಅಧ್ಯಕ್ಷ ಕೆ.ರವೀಂದ್ರ ಶೆಟ್ಟಿ ಉಳಿದೊಟ್ಟು ಮೇರು ವಿಶೇಷವಾದ್ ಪಾತೆರಿಯೆರ್.

ವೇದಿಕೆಡ್ ಡಾ. ಶೇಖರ ಅಜೆಕಾರು ಅಧ್ಯಕ್ಷೆರು ಪತ್ರಕರ್ತರ ವೇದಿಕೆ ಉಡುಪಿ, ನಿವೃತ್ತ ಬ್ಯಾಂಕ್ ಅಧಿಕಾರಿ ಬೆಟ್ಟಂಪ್ಪಾಡಿ ಸುಂದರ ಶೆಟ್ಟಿ, ಬಜಪೆ ವಿಮಾನ ಪ್ರಾಧಿಕಾರದ ನಿವೃತ್ತ ನಿರ್ದೇಶಕ ಎಂ. ಆರ್ ವಾಸುದೇವ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರಾಯಿನ ನಿಟ್ಟೆ ಶಶಿಧರ್ ಶೆಟ್ಟಿ, ಕಾರ್ಯಕ್ರಮದ ಸದಸ್ಯ ಸಂಚಾಲಕೆರಾಯಿನ ನರೇಂದ್ರ ಕೆರೆಕಾಡು ಉಪಸ್ಥಿತರಿತ್ತೆರ್.
ಪುತ್ತೂರುದ ಸತ್ಯಶಾಂತ ಪ್ರತಿಷ್ಠಾನದ ಅಧ್ಯಕ್ಷೆ ಶಾಂತಾ ಕುಂಟೀನಿ ಸ್ವಾಗತ ಮಲ್ತುದ್, ಕಾರ್ಯಕ್ರಮದ ಸಂಘಟಕೆ‌ ಸಾಹಿತಿ ಪಿ.ವಿ.ಪ್ರದೀಪ್‌ಕುಮಾರ್ ಪ್ರಾಸ್ತವಿಕ ಪಾತೆರಿಯೆರ್, ಶ್ರೀ ಗುರು ಚೈತನ್ಯ ಪ್ರತಿಷ್ಠಾನದ ಅಧ್ಯಕ್ಷ ಹೊನ್ನಯ್ಯ ಸೊಲ್ಮೆ ಸಂದಾಯ್ತ ಮಲ್ತೆರ್, ನವೀನ್ ಕುಲಾಲ್ ಬೊಕ್ಕ ರಶ್ಮಿ ಸನಿಲ್ ಕಾರ್ಯಕ್ರಮದ ನಿರೂಪಣೆ ಮಲ್ತೆರ್.