ಕರ್ನಾಟಕ ಬ್ಯಾಂಕ್ ದ ನಿವ್ರತ್ತ ಅಧ್ಯಕ್ಷೆರಾಯಿನ ಪಿ.ಜಯರಾಮ‌ಭಟ್ ಮೆರೆಗ್ ಸಾರ್ವಜನಿಕ ಅಭಿವಂದನಾ ಕಾರ್ಯಕ್ರಮ ಕುಡ್ಲದ ಪುರಭವನದ ಕುದ್ಮುಲ್ ರಂಗರಾವ್ ಮಂಟಪೊಡ್ ನಡತುಂಡ್.ವೇದಿಕೆಡ್ ಧರ್ಮಸ್ಥಳದ ಧರ್ಮಾಧಿಕಾರಿ ಪರಮಪೂಜ್ಯ ವೀರೇಂದ್ರ ಹೆಗ್ಗಡೆ, ಎಮ್.ಬಿ.ಪುರಾಣಿಕ್,ಎ.ಜೆ.ಶೆಟ್ಟಿ,ನಿಟ್ಟೆ ವಿನಯ್ ಹೆಗ್ಡೆ, ನಾಡೋಜ ಡಾ| ಜಿ.ಶಂಕರ್ , ಪೊಳಲಿ ಜಯರಾಮ ಭಟ್,ಶುಭ ಜಯರಾಮ ಭಟ್ , ಕರ್ನಾಟಕ ಬ್ಯಾಂಕ್ ದ ಪೊಸ ಅಧ್ಯಕ್ಷೆರಾಯಿನ ಪ್ರದೀಪ್ ಕುಮಾರ್,ಮಹಾಬಲೇಶ್ವರ್ ಉಪಸ್ಥಿತರಿತ್ತೆರ್.ಅನನ್ಯ ಸಾಧನೆದ ಹರಿಕಾರೆರಾಯಿನ ಪೊಳಲಿ ಜಯರಾಮ ಭಟ್ ಮೇರ್ ಬ್ಯಾಂಕಿಂಗ್ ಕ್ಷೇತ್ರೊಡ್ ಅಪೂರ್ವ ಸೇವೆನ್ ಕೊರ್ದ್ ತುಳುನಾಡ್ದ ಪುದರುನ್ ದೇಶೊರ್ಮೆ ಬೆಳಗಾದೆರ್.
ಮೆರೆನ ನಿವ್ರತ್ತಿದ ಪೊರ್ತುಡ್ ಸಾರ್ವಜನಿಕ ಅಭಿವಂದನಾ ಕಾರ್ಯಕ್ರಮ ಕುಡ್ಲಡ್ ನಡಪುನ ಪೊರ್ತುಡ್ ವೇದಿಕೆಡ್ ಅತಿಥಿಲೆನ್ ಸ್ವಾಗತ ಮಲ್ಪನಗ ದ.ಕ. ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷೆರಾಯಿನ ಪ್ರದೀಪ್ ಕುಮಾರ್ ಕಲ್ಕೂರ ಮೇರ್ ಜಯರಾಮ ಭಟ್ರೆಗ್ ತುಳುಟ್ ಸ್ವಾಗತ ಮಲ್ತುದ್,ಆರು ಬ್ಯಾಂಕಿಂಗ್ ಕ್ಷೇತ್ರದೊಟ್ಟುಗ್ ತುಳನಾಡ್ದ ಸಂಸ್ಕ್ರತಿ ಸಂಪ್ರದಾಯೊಲೆನ್ ತನ್ನ ಬದುಕುಡ್ ಆಳವಡಿಸಾವೊಂದೆರ್ ಪಂಡುದ್ ತುಳುಟ್ ಕೊಂಡಾಡಿಯೆರ್.
ಈ ನಿಟ್ಟುಡ್ ಕನ್ನಡದ ಅಧ್ಯಕ್ಷೆರೆಗ್ ತುಳುತ್ತ ಬಗ್ಗೆ ಮೋಕೆ ಉಂಡು ಪನ್ಪಿನವ್ವೆನ್ ಸಭೆಟ್ ತೋಜಾಯೆರ್. ಇತ್ತೆದ ವೇದಿಕೆಲೆಡ್ ಹೆಚ್ಚಾದ್ ಕನ್ನಡೊಡೇ ಭಾಷಣ ಮಲ್ಪುನಕ್ಲೆನವ್ವೆನ್ ನಮ ತೂಪ.ಆಂಡ ಒರಿ ಕನ್ನಡದ ಅಧ್ಯಕ್ಷೆರ್ ತುಳುಟ್ ಪಾತೆರಿನವ್ವ್ ಮಾದರಿಯಾತುಂಡ್.ಅಲ್ಪ ಇತ್ತಿನ ಗಣ್ಯೆರೆಗ್ ಆರು ಪಾತೆರಿನ ಮಲ್ಲ ವಿಷಯ ಆದಿಪ್ಪಂದ್‌ ಆಂಡ ಅಲ್ಪ ಇತ್ತಿನ ತುಳುವೆರೆಗ್ ತುಳುಬಾಸೆಡ್ ಪಾತೆರಿನ ಕನ್ನಡ ಸಾಹಿತ್ಯ ಪರಿಷತ್ ದ ಅಧ್ಯಕ್ಷೆರ್ ತುಳುಟ್ ಪಾತೆರಿನ ಪೆರ್ಮೆ ತೋಜಿದುಂಡ್.ನನಲಾ ಕನ್ನಡ ಸಾಹಿತ್ಯ ಪರಿಷತ್ ಡ್ ತುಳುಭಾಷೆದ ಬುಲೆಚ್ಚಿಲ್ ಗ್ ಬೆರಿಬಲ ತಿಕ್ಕಡ್ ಪಂಡುದ್ ತುಳುವೆರೆನ ಆಶಯ.
by 