ತುಳು ಅಕಾಡೆಮಿ

ತುಳು ಸಾಹಿತ್ಯ ಅಕಾಡೆಮಿ: ಗೌರವ ಪ್ರಶಸ್ತಿ ಪ್ರಕಟ
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ  ಗೌರವ ಪ್ರಶಸ್ತಿನ್ ಪ್ರಕಟ ಮಲ್ದುಂಡ್. 2022 ಬೊಕ್ಕ 2023 ಬೊಕ್ಕ 2024 ಈ ಮೂಜಿ  ವರ್ಷದ  ಸಾಲುದ ಪ್ರಶಸ್ತಿನ್  9 ಮಂದಿ ಸಾಧಕೆರೆಗ್ ಘೋಷಣೆ ಮಲ್ದುಂಡ್.
2022ನೇ ಸಾಲುದ  ಸಂಶೋಧನೆ ಬೊಕ್ಕ  ಸಾಹಿತ್ಯ ಕ್ಷೇತ್ರದ ಪ್ರಶಸ್ತಿಗ್  ಡಾ. ರಘಪತಿ ಕೆಮ್ತೂರು ( 71). ಈ ಸಾಲುದ ತುಳು ನಾಟಕ ಸಿನಿಮಾ ಕ್ಷೇತ್ರದ ಪ್ರಶಸ್ತಿಗ್  ಶ್ರೀಮತಿ ರತ್ನಮಾಲ ಪುರಂದರ ಬೆಂಗಳೂರು (65) , ಜಾನಪದ ಕ್ಷೇತ್ರದ ಪ್ರಶಸ್ತಿಗೆ ಶ್ರೀ ಪ್ರಭಾಕರ ಶೇರಿಗಾರ ಉಡುಪಿ (70 ) ಆಯ್ಕೆಯಾತೆರ್.
2023ನೇ ಸಾಲುದ ತುಳು ಸಾಹಿತ್ಯ ಕ್ಷೇತ್ರದ ಪ್ರಶಸ್ತಿಗ್ ಸಿಮಂತೂರು ಚಂದ್ರಹಾಸ ಸುವರ್ಣ ಮುಂಬಯಿ (70) ಆಯ್ಕೆಯಾತೆರ್.ಈ ಸಾಲುದ  ನಾಟಕ ಕ್ಷೇತ್ರದ ಪ್ರಶಸ್ತಿಗ್ ನೆಕ್ಕಿದ ಪುಣಿ ಗೋಪಾಲಕೃಷ್ಣ ಬೆಂಗಳೂರು (77) ಆಯ್ಕೆಯಾತೆರ್. ಜಾನಪದ ಕ್ಷೇತ್ರದ ಪ್ರಶಸ್ತಿಗ್ ಲಕ್ಷ್ಮಣ ಕಾಂತ ಕಣಂತೂರು (65) ಆಯ್ಕೆಯಾತೆರ್
2024ನೇ ಸಾಲುದನ ಸಾಹಿತ್ಯ ಕ್ಷೇತ್ರದ ಪ್ರಶಸ್ತಿಗ್  ಶ್ರೀ ಯಶವಂತ ಬೋಳೂರು(70) ಆಯ್ಕೆಯಾತೆರ್. ಈ ಸಾಲುದ  ನಾಟಕ, ಸಿನಿಮಾ ಕ್ಷೇತ್ರದ ಪ್ರಶಸ್ತಿಗ್ ಶ್ರೀಮತಿ ಸರೋಜಿನಿ ಎಸ್. ಶೆಟ್ಟಿ(65) ಆಯ್ಕೆಯಾತೆರ್. ಕೃಷಿ ಜನಪದ ಕ್ಷೇತ್ರದ ಪ್ರಶಸ್ತಿಗ್ ಬೆಳ್ತಂಗಡಿದ ಬಿ.ಕೆ. ದೇವರಾವ್ (80) ಆಯ್ಕೆಯಾತೆರ್.
ಪ್ರಶಸ್ತಿ ಐವ ಸಾವಿರ ರೂಪಾಯಿ ಪಣವು ಬೊಕ್ಕ ಪ್ರಶಸ್ತಿ ಪತ್ರ ಬೊಕ್ಕ ಪ್ರಶಸ್ತಿ ಫಲಕ  ಉಪ್ಪುಂಡ್. ಪ್ರಶಸ್ತಿ ಪ್ರಧಾನ ಸಮಾರಂಭ  ಮಾ.15ಗ್  ಮಂಗಳೂರುದ  ಉರ್ವಾಸ್ಟೋರ್ ಡುಪ್ಪುನ  ತುಳುಭವನಡ್ ನಡಪರೆಗುಂಡ್  ಪಂಡುದು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ  ಅಧ್ಯಕ್ಷೆರಾಯಿನ ತಾರಾನಾಥ್ ಗಟ್ಟಿ ಕಾಪಿಕಾಡ್ ಮೇರು ಪ್ರಕಟಣೆಡ್  ತೆರಿಪಾದೆರ್.