ತುಳು ಬಾಸೆನ್ ಅಧಿಕೃತ ಮಲ್ತುಜಿಡ ತುಳುನಾಡುಡ್ ಚುನಾವಣೆಗ್ ಬಹಿಷ್ಕಾರ : ಚಂದ್ರಹಾಸ ದೇವಾಡಿಗ
ತುಳುನಾಡು ಬೊಕ್ಕ ತುಳು ಭಾಷೆಗ್ ಆವೊಂದುಪ್ಪುನ ನಿರಂತರ ಅವಗಣನೆ ಇನಿ ಕೋಡೆದ ಅತ್ತ್. ತುಳುನಾಡುಡ್ ಆಯ್ಕೆ ಆದ್ ಪೋಯಿನ ಮಾತಾ ಜನಪ್ರತಿನಿಧಿಕುಲು ಬಜೀ ಸುಳ್ಳು ಭರವಸೆಲೆನ್ ಮಾತ್ರ ಕೊರ್ತೆರ್ ಅತ್ತಾವಂದೆ ತುಳುವೆರೆನ ಆಸೆ ಅಭಿಲಾಷೆಲೆನ್ ಇದಮುಟ ಈಡೇರಿಸಾವರೆಗ್ ಆತುಜಿ. ಇಂಚಪ್ಪೊಗ್ ತುರ್ತಾದ್ ಕರ್ನಾಟಕ ಸರಕಾರ ತುಳುನ್ ಅಧಿಕೃತ ಭಾಷೆ ಪಂಡುದ್ ಘೋಷಣೆ ಮಲ್ಪರೆಗ್ ವರದಿ ಸಮಿತಿ ರೂಪಿಕರಿಸಾದ್ ವರದಿ ಮಂಡಿಸಾಯೆರ್, ಸರ್ಕಾರ ಇದಮುಟ್ಟ ಒವ್ವೇ ಪ್ರತಿಕ್ರಿಯೆನ್ ಕೊರ್ತುಜಿ. ನನ ಕೆಲವು ದಿನ ಮಾತ್ರ ಇಪ್ಪುನ ಇತ್ತೆದ ಸರಕಾರ ತುಳು ಭಾಷೆನ್ ಅಧಿಕೃತ ಮಲ್ತುಜಿಡ ತುಳುನಾಡೊರ್ಮೆ ಚುನಾವಣೆ ಬಹಿಷ್ಕಾರ ಮಲ್ಪೊಡಾಪುಂಡ್ ಪಂಡುದ್ ಮೂಡುಬಿದ್ರೆ ತುಳುಕೂಟದ ಬೊಕ್ಕ ಅಖಿಲ ಭಾರತ ತುಳು ಒಕ್ಕೂಟದ ಖಜಾಂಜಿ ಚಂದ್ರಹಾಸ ದೇವಾಡಿಗ ಪಂಡೆರ್.
ಆರು ಬೇತೆ ಬೇತೆ ತುಳು ಸಂಘಟನೆಲು ಕದ್ರಿ ಗೋ ರಕ್ಷನಾಥ ಸಭಾಂಗಣಡ್ ಆಯೋಜನೆ ಮಲ್ದಿನ “ನಿಕಲು ಬರೋರ್ಚಿ ಯೆಂಕ್ಲು ಓಟು ಪಾಡುಜ” ಅಭಿಯಾನದ ಪೂರ್ವಭಾವಿ ಸಭೆನ್ ಉದ್ದೇಶಿಸಾದ್ ಪಾತೆರಿಯೆರ್.
ಸಭೆನ್ ಉದ್ದೇಶಿಸಾದ್ ಪಾತೆರಿನ ತುಳುನಾಡ ರಕ್ಷಣಾ ವೇದಿಕೆದ ಅಧ್ಯಕ್ಷೆರಾಯಿನ ಯೋಗೀಶ್ ಶೆಟ್ಟಿ ಜಪ್ಪು ಮೇರು ಪಾತೆರ್ದ್ ತುಳುವೆರೆಗ್ ಆಪಿನ ಈ ಅನ್ಯಾಯ ಸಹಿಸರೆಗಾಪುಜಿ. ಇತ್ತೆಲಾ ನಮ ಆರಿಸಾದಿನ ಜನಪ್ರತಿನಿಧಿಲೆಗ್ ಬೊಕ್ಕ ಸರಕಾರಗ್ ನಮ್ಮ ಬಗ್ಗೆ ನಿರ್ಲಕ್ಷ ದೋರಣೆಯಾಂಡ ತುಳುನಾಡುದ ಪ್ರತಿ ಗ್ರಾಮೊಡುಲಾ ಚುನಾವಣಾ ಬಹಿಷ್ಕಾರ ಅಭಿಯಾನನ್ ಮಲ್ಪುನ ಅನಿವಾರ್ಯ ಪಂಡುದು ಎಚ್ಚರ ಕೊರಿಯೆರ್.
ಕಾರ್ಯಕ್ರಮಗ್ ತುಳು ಕೂಟ ಬೆದ್ರ, ತುಳುನಾಡ ರಕ್ಷಣಾ ವೇದಿಕೆ, ತುಳುವರ್ಲ್ಡ್ ಮಂಗಳೂರು, ನಮ್ಮ ತುಳುನಾಡು ಟ್ರಸ್ಟ್, ತುಳುವರೇ ಆಯನ ಕೂಟ ಕುಡ್ಲ, ನಮ ತುಳುವೆರ್ ಸಂಘಟನೆಲು ಬೆಂಬಲ ಕೊರ್ದ್ ಪಾಲ್ ಪಡೆಯೆರ್.
ಸಭೆಟ್ ಕೆ ಲಕ್ಷ್ಮೀನಾರಾಯಣ ರೈ ಹರೇಕಳ, ಜ್ಯೋತಿಕ ಜೈನ್, ಶಮಿನ ಆಳ್ವಾ, ಮಂಜುನಾಥ ಅಡಪ, ಜಿವಿಎಸ್ ಉಳ್ಳಾಲ್, ರಾಜೇಶ ಹೆಗ್ಡೆ ಪೊಳಲಿ, ಕ್ಲಿಟಸ್ ಲೋಬೊ, ಪ್ರಶಾಂತ್ ಭಟ್ ಕಡಬ,ಗೀತಾ ಜೆ ಹೆಗಡೆ, ಭಾರತಿ ರೈ, ಯಶು ಪಕ್ಕಳ ತಲಪಾಡಿ, ಸುರೇಶ್ ಕೋಟ್ಯಾನ್, ರೂಪೇಶ್ ರೈ, ಹರಿಚಂದ್ರ ಕೋಟೆ ಕಾರು, ವಿಜೇತ್ ಮಂಗಳೂರು, ಶಾಲಿನಿ ರೈ, ವೀಣಾ ಜೆ ಶೆಟ್ಟಿ, ಕುಸುಮ ಆರ್ ಶೆಟ್ಟಿ, ರೋಶನ್ ಡಿಸೋಜಾ, ಶಾರದಾ ಶೆಟ್ಟಿ, ಹರೀಶ್ ಶೆಟ್ಟಿ ಶಕ್ತಿನಗರ, ವಿಕಾಸ್ ಮಂಗಳೂರು, ಪ್ರಜ್ವಲ್ ಆಳ್ವ, ಸುಮತಿ ಎಸ್ ಹೆಗಡೆ, ಕವಿತಾ ಮೊಕುಲು ಮಾತಾ ತನ್ನ ಅಭಿಪ್ರಾಯೊನ್ ಪಂಡೆರ್ . ಮಾರ್ಚ್ 24ತಾರೀಕುಗ್ ಹೋಟೆಲ್ ವುಡ್ ಲ್ಯಾಂಡ್ಸ್ ಡ್ ಈ ಬಗ್ಗೆ ಪತ್ರಿಕಾಗೋಷ್ಠಿ ಲೆಪ್ಪರೆಗ್ ತೀರ್ಮಾನ ಮಲ್ತೆರ್. ಡಾ. ರಾಜೇಶ್ ಕೃಷ್ಣ ಆಳ್ವಾ ಆರು ಪ್ರಾಸ್ತಾವಿಕವಾದ್ ಪಾತೆರ್ದ್ ದುಂಬುದ ಕಾರ್ಯಕ್ರಮದ ಬಗ್ಗೆ ರೂಪರೇಷೆ ಕೊರಿಯೆರು.
by 