ಡಿ.18 ಕ್ ಕರ್ನಾಟಕದ ರಾಜಧಾನಿಡ್ “ತುಳುವ-ಐಸಿರ” 2021..

ಕನ್ನಡ ಸಂಸ್ಕ್ರತಿ ಇಲಾಖೆ ಬೆಂಗಳೂರುದ ವಿಶೇಷ ಸಹಕಾರೊಡ್ ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿದ ವತಿಡ್ದ್ ತುಳುವ ಐಸಿರ 2021 ಡಿಸೆಂಬರ್ 18‌ತಾರೀಕು ಶನಿವಾರದಾನಿ ಬೆಂಗಳೂರುದ ರವೀಂದ್ರ ಕಲಾಕ್ಷೇತ್ರೊಡ್ ನಡಪರೆಗುಂಡ್.

ಆನಿ ಕಾಂಡೆ 9 ಗಂಟೆಡ್ದ್ ಗೌರವ ಚಾವಡಿ ಪ್ರಶಸ್ತಿ ಪ್ರಧಾನ ಬೊಕ್ಕ ದತ್ತಿ ಪುರಸ್ಕಾರ ಸಮಾರಂಭ ನಡಪರೆಗುಂಡ್.ಧರ್ಮ ಸ್ಥಳ ಗ್ರಾಮಾಭಿವ್ರದ್ಧಿ ಯೋಜನೆ ಬೆಂಗಳೂರು ನೆತ್ತ ಸ್ವಸಹಾಯ ಸಂಘದ ಸದಸ್ಯೆರೆಡ್ದ್ “ನ್ರತ್ಯ ವೈಭವ” ಮಧ್ಯಾಹ್ನ 12 ಗಂಟೆಡ್ದ್ “ಪಾತೆರಕತೆ” ಟ್ ದಿ| ಪ್ರಭಾಕರ ರೈ ಸಂಸ್ಕರಣೆ ಡಾ.ಕೆ.ಎನ್.ಅಡಿಗ ಮೆರೆಡ್ದ್ ನಡಪರೆಗುಂಡ್.ಈ ಲೇಸ್ ಡ್ ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿದ ಪದುಕೆರಾಯಿನ ಶ್ರೀ ಸರ್ವೋತ್ತಮ ಶೆಟ್ಟಿ ಗುರ್ಕಾರ್ಮೆಡಿಪ್ಪುವೆರ್.ಡಾ|ಉದಯ್ ಧರ್ಮಸ್ಥಳ, ಶ್ರೀ ಜಯಪ್ರಕಾಶ್ ಶೆಟ್ಟಿ, ಶ್ರೀ ವಿಶ್ವನಾಥ ಶೆಟ್ಟಿ ಪಳ್ಳಿ,ಶ್ರೀ ಮಾಧವ ಕುಲಾಲ್,ಶ್ರೀ ವೈ.ಜಯಂತ್ ರಾವ್,ಕು.ಅದಿತಿ ಪಾಲ್ ಪಡೆಯರೆಗುಲ್ಲೆರ್.ಮಧ್ಯಾಹ್ನ 1‌ಡ್ದ್ 3‌ ಗಂಟೆಮುಟ್ಟ ತುಳುವ ಐಸಿರ 2021 ಪಂಥೊಗ್ ಶ್ರೀಮತಿ ಉಷಾ ಪಿ.ರೈ ಬೊಕ್ಕ ಬೆಂಗಳೂರುದ ಮಾತಾ ತುಳುಸಂಘಟನೆದ ಗುರ್ಕಾರ್ಲು ಉದಿಪನ ಮಲ್ಪರೆಗುಲ್ಲೆರ್.ಮಧ್ಯಾಹ್ನ 3 ಡ್ದ್ 4 ಗಂಟೆಮುಟ್ಟ ಅಂತರಾಷ್ಟ್ರೀಯ ಖ್ಯಾತಿದ ಜಾದೂಗಾರೆರಾಯಿನ ಮೆಗಾಮ್ಯಾಜಿಕ್ ಸ್ಟಾರ್ ತುಳುನಾಡ ಮಾಯ್ಕಾರೆ ಕುದ್ರೋಳಿ ಗಣೇಶ್ ಬೊಕ್ಕ ತಂಡೊಡ್ದ್ “ವಿಸ್ಮಯ ಜಾದೂ” ನಡಪರೆಗುಂಡ್.4‌ಗಂಟೆಡ್ದ್ 6‍ಮುಟ್ಟ ಇನಾಮು ಪಟ್ಟುನ ಲೇಸ್ ಡ್ ಪೇಜಾವರ ಮಠ ಉಡುಪಿದ ಪರಮಪೂಜ್ಯ ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ ಆಶೀರ್ವಚನ ಮಲ್ಪರೆಗುಲ್ಲೆರ್.ಪ್ರಾಥಮಿಕ ಬೊಕ್ಕ ಪ್ರೌಢಶಿಕ್ಷಣ ಸಚಿವೆರಾಯಿನ ಬಿ.ಸಿ.ನಾಗೇಶ್ ಇನಾಮು ಪಟ್ಟರೆಗುಲ್ಲೆರ್.ಬೈಯಗ್ 5.30 ಗಂಟೆಗ್ ನಡಪುನ ಪದರಂಗಿತ ಡ್ ಬಹುಭಾಷಾ ತಾರಾ ಗಾಯಕೆರಾಯಿನ ಶ್ರೀ ರಮೇಶ್ ಚಂದ್ರ,ತುಳುನಾಡ್ದ ಗಾನಕೋಗಿಲೆ ಶ್ರೀಮತಿ ಕಲಾವತಿ ದಯಾನಂದ್,ಕಲರ್ಸ್ ಕನ್ನಡ ಖ್ಯಾತಿದ ಸಂದೇಶ್ ನೀರುಮಾರ್ಗ,ಛಾಯಾಪತಿ ಕಂಜಿಬೈಲು,ಸುಧಾಕರ ಶೆಟ್ಟಿ ಕಡಲ್ ದ ಉಡಲ್,ಡಾ| ಸುಶೀಲಾ ವಿದ್ಯಾರಣ್ಯ, ಎಸ್.ಕೆ.ಪ್ರಶಾಂತ್,ಪ್ರಶಾಂತ್ ಪಾವಂಜೆ ಬೊಕ್ಕ ಮಾ| ಭುವನ್ ಶೆಟ್ಟಿ ಪಾಲ್ ಪಡೆಯರೆಗುಲ್ಲೆರ್.

ಬೈಯಗ್ 6‌ಗಂಟೆಡ್ದ್ ಶರತ್ ಶೆಟ್ಟಿ ನೇತ್ರತ್ವದ ಕಿನ್ನಿಗೋಳಿದ ವಿಜಯ ಕಲಾವಿದೆರೆಡ್ದ್ ಕೇರಿಗೊರಿ ಕೇಸರಿ ತುಳುನಾಟಕ ನಡಪರೆಗುಂಡ್.ಈ ಮಾತಾ ಕಜ್ಜೊಲೆಡ್ ತುಳುಬಂಧುಲ್ ಪಾಲ್ ಪಡೆದ್ ಪೊರ್ಲು ಮಲ್ತ್ ಕೊರೊಡು ಪಂಡುದ್ ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆರಾಯಿನ ದಯಾನಂದ ಜಿ.ಕತ್ತಲ್ ಸಾರ್ ಬೊಕ್ಕ ಅಕಾಡೆಮಿದ ಮಾತಾ ಪದುಕೆರ್ ಬಿನ್ನಪ ಮಲ್ತುದೆರ್.