ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ವತಿಡ್ದ್ ದ.ಕ ಬೊಕ್ಕ ಒಡಿಪು ಜಿಲ್ಲೆದ ತುಳು ಕಲ್ಪಾದಿಲೆನ ಓದು ಬರವುದ ಕಜ್ಜಕೊಟ್ಯ ಉಂದುವೇ ಬರ್ಪಿನ ಜ.31 ತಾರೀಕುದಾನಿ ಸೋಮಾರ ಕಾಂಡೆ 10.30 ಗಂಟೆಗ್ ಕುಡ್ಲ ಉರ್ವಸ್ಟೋರ್ ದ ತುಳು ಭವನದ “ಸಿರಿ ಚಾವಡಿ” ಡ್ ನಡಪರೆಗುಂಡ್.
ಟೈಮ್ಸ್ ಆಫ್ ಕುಡ್ಲ ತುಳು ಪತ್ರಿಕೆದ ಮುಖ್ಯಸ್ಥೆರಾಯಿನ ಶ್ರೀ ಎಸ್.ಆರ್.ಬಂಡಿಮಾರ್ ಕಜ್ಜೊದ ಉದಿಪನ ಮಲ್ಪರೆಗುಲ್ಲೆರ್.ಮಂಗಳೂರು ಮಹಾನಗರ ಪಾಲಿಕೆದ ಮೇಯರ್ ಪ್ರೇಮಾನಂದ ಶೆಟ್ಟಿ ಕಜ್ಜೊಡ್ ಎಡ್ಡೆಪ್ಪುದ ಮದಿಪು ಕೊರ್ರೆಗುಲ್ಲೆರ್.ಮಂಗಳೂರು ಸಾರ್ವಜನಿಕ ಶಿಕ್ಷಣ ಇಲಾಖೆದ ಉಪನಿರ್ದೇಶಕೆರಾಯಿನ ಶ್ರೀ. ಸುಧಾಕರ ಕೆ.ಮಲ್ಲ ಬಿನ್ನೆರಾದುಪ್ಪುವೆರ್.
ಕಜ್ಜೊಡ್ ಸಂಪನ್ಮೂಲ ವ್ಯಕ್ತಿಯಾದ್ ತುಳು ಶಿಕ್ಷಣದ ಜವಾಬ್ದಾರಿ ಈ ವಿಷಯೊದ ಬಗ್ಗೆ ಪದವಿ ಪೂರ್ವ ಕಾಲೇಜ್ ಉಪ್ಪುಂದದ ಪ್ರಾಂಶುಪಾಲೆರಾಯಿನ ಶ್ರೀ ಬಿ.ಯಾದವ್ ಮೇರ್ ಸಂವಾದೊಡ್ ಪಾಲ್ ಪಡೆಯರೆಗುಲ್ಲೆರ್.
ಶ್ರೀ ಧ.ಮಂ.ತುಳುಪೀಠ ಬೊಕ್ಕ ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗ ಮಂಗಳೂರು ವಿಶ್ವವಿದ್ಯಾನಿಲಯದ ಶಿಕ್ಷಣ ಸಂಯೋಜಕೆರಾಯಿನ ಡಾ.ಮಾಧವ್ ಎಮ್.ಕೆ. ಶಾಲೆ ಶಾಲೆಡ್ ತುಳು ಅನುಷ್ಠಾನ ಈ ವಿಷಯದ ಬಗ್ಗೆ ಸಂವಾದೊಡ್ ಪಾಲ್ ಪಡೆಯರೆಗುಲ್ಲೆರ್.
ಮಧ್ಯಾಹ್ನ 2.30 ಗಂಟೆಗ್ ಮುಗಿತಲದ ಲೇಸ್ ಡ್ ಮಂಗಳೂರು ವಿಶ್ವವಿದ್ಯಾನಿಲಯದ ಉಪಕುಲಪತಿಲಾಯಿನ ಪ್ರೊ.ಪಿ.ಎಸ್.ಯಡಪಡಿತ್ತಾಯ ಮಲ್ಲ ಬಿನ್ನೆರಾದಿಪ್ಪುವೆರ್.ಶ್ರೀ ರಾಮಕುಂಜೇಶ್ವರ ಆಂಗ್ಲ ಮಾಧ್ಯಮ ಶಾಲೆ ರಾಮಕುಂಜದ ಕಾರ್ಯಂತೆರಾಯಿನ ಶ್ರೀ.ಕೆ.ಸೇಸಪ್ಪ ರೈ ಮೆರೆಗ್ ಕಜ್ಜೊಡ್ ತಮ್ಮನ ನಡಪರೆಗುಂಡ್.ಕಜ್ಜೊಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರೆರಾಯಿನ ಶ್ರೀ ದಯಾನಂದ ಕತ್ತಲ್ ಸಾರ್ ಮೇರ್ ಗುರ್ಕಾರ್ಮೆಡಿಪ್ಪುವೆರ್.ಕಜ್ಜೊಗ್ ತುಳು ಅಕಾಡೆಮಿದ ರಿಜಿಸ್ಟ್ರಾರ್ ಕವಿತಾ, ಸದಸ್ಯ ಸಂಚಾಲಕೆರಾಯಿನ ದಿನೇಶ್ ರೈ ಕಡಬ ಬೊಕ್ಕ ಅಕಾಡೆಮಿದ ಪದುಕೆರ್ ನಕುಲು ಮೋಕೆಡ್ ಎದ್ಕೊನುಂದುಲ್ಲೆರ್.
by 