ಅಪ್ಪೆ ಬಾಸೆದ ಬುಲೆಚ್ಚಿಲ್ ಗ್ ತುಳುವೆರೆನ ಮಲ್ಲ ಉಡಲೇ ಕಾರಣ: ಡಾ.ಆಕಾಶ್ ರಾಜ್

ಅಪ್ಪೆ ಬಾಸೆದ ಬುಲೆಚ್ಚಿಲ್ ಗ್ ತುಳುವೆರೆನ ಮಲ್ಲ ಉಡಲೇ ಕಾರಣ  ಆತುಂಡ್.
ತುಳುವೆರ್ ಪಿರಾಕುಡಿಂಚಿಲಾ ಭಾಷೆದ ವಿಚಾರೊಡ್ ತೋಜಾಯಿನ ಉಡಲ ಮಲ್ಲಾದಿಗೆನೇ ನಮ್ಮ ತುಳು ಅಪ್ಪೆಬಾಸೆದ ಬುಲೆಚ್ಚಿಲ್ ಗ್ ಕಾರಣ ಆತುಂಡ್ . ಈ ನಿಟ್ಟುಡ್ ನಮ್ಮ ಸಂಸ್ಕೃತಿ,ಆಚಾರ ವಿಚಾರೊಲೆನ್ ಒರಿಪಾದ್ ಬುಲೆಪಾವರೆಗ್ ಪೂರಕವಾಯಿನ ಅಪ್ಪೆಬಾಸೆದ ಬುಲೆಚ್ವಿಲ್ ದ ಬಗ್ಗೆ ದುಂಬುದ ದಿನೊಕ್ಲೆಡ್ ಹೆಚ್ಚಿಗೆ ಗಮನ ಕೊರ್ಪಿನ ಅಗತ್ಯ ಉಂಡು ಪಂಡುದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರಾಯಿನ ಡಾ.ಆಕಾಶ್ ರಾಜ್ ಜೈನ್ ಪಂಡೆರ್.

ಆರು ಜೈ ತುಳುನಾಡ್ ಸಂಘಟನೆದ ಉಡುಪಿ ಘಟಕದ ವತಿಡ್ದ್ ಕೈತಲ್ದ ಸಂಘ, ಸಂಸ್ಥೆಲೆನ ಸಹಭಾಗಿತ್ವೊಡ್ ಕೊಡವೂರುದ ಸರಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಡ್ ತುಳು ಲಿಪಿತ್ತ ಪುದರ್ ಪಲವೆ ಅನಾವರಣ,ಸಾಧಕೆರೆನ ಮಾನಾದಿಗೆದ ಕಜ್ಜೊಡ್ ಮಲ್ಲ ಬಿನ್ನೆರಾದ್ ಪಾತೆರಿಯೆರ್.
ಮಾನಾದಿಗೆ ದೆತೊಂದ್ ಪಾತೆರಿನ ಖ್ಯಾತ ಸಾಹಿತಿ ಮಲ್ಪೆ ಬಾ.ಸಾಮಗ ಮೇರು ಸಮಸ್ತ ತುಳುವೆರ್ ಒಂಜೇ ಸೂರುದಡಿಟ್ ಸಂಘಟಿತೆರಾದ್ ಪೊರಂಬಾಟ ಮಲ್ತುಂಡ ನಮ್ಮ ತುಳು ಭಾಷೆಗ್ ಸಂವಿಧಾನಾತ್ಮಕವಾದ್ ಸಿಕ್ಕೊಡಾಯಿನ ಸ್ಥಾನಮಾನ,ಅವಕಾಶೊಲ್ ಶೀಘ್ರೊಡೇ ತಿಕ್ಕುಂಡ್ ಪಂಡೆರ್. ಕಾರ್ಯಕ್ರಮೊಡ್ ತುಳು ಲಿಪಿ ಪರೀಕ್ಷೆಡ್ ಇಂಚಪ್ಪೊಗ್ ಪಾಸ್ ಆಯಿನಕ್ಲೆಗ್ ಪ್ರಮಾಣ ಪತ್ರ ಕೊರ್ದ್ ಮಾನಾದಿಗೆ ಮಲ್ತೆರ್.

ಈ ಸಂದರ್ಭೊಡ್ ನಗರಸಭಾ ಸದಸ್ಯೆರಾಯಿನ ವಿಜಯ ಕೊಡವೂರು,ಸುಮನಸಾ ಕೊಡವೂರು ನೆತ್ತ ಅಧ್ಯಕ್ಷೆರಾಯಿನ ಪ್ರಕಾಶ್ ಜಿ.ಕೊಡವೂರು, ಪುಗಾರ್ತೆದ ರಂಗಕರ್ಮಿ ಬಾಲಕೃಷ್ಣ ಕೊಡವೂರು, ಜೈ ತುಳುನಾಡ್ ಸಂಘಟನೆದ ಪ್ರಧಾನ ಕಾರ್ಯದರ್ಶಿ ಸದಾಶಿವ ಮುದ್ರಾಡಿ,ಉಡುಪಿ ಘಟಕದ ಸಂಚಾಲಕೆರಾಯಿನ ರಾಜೇಶ್ ತುಳುವೆ,ಶಾಲಾ ಮುಖ್ಯ ಶಿಕ್ಷಕಿ ಪುಷ್ಪಾವತಿ, ಶಾಲಾಭಿವೃದ್ಧಿ ಸಮಿತಿ ಅಧ್ಯಕ್ಷೆ ಶೈಲಜಾ,ನಿವ್ರತ್ತ ಶಿಕ್ಷಕಿ ಮಲ್ಲಿಕಾ ದೇವಿ, ಯುವ ಮುಂದಾಳು ಪ್ರವೀಣ್ .ಜಿ.ಕೊಡವೂರು, ತುಳು ಲಿಪಿ ಶಿಕ್ಷಕಿಲಾಯಿನ ಅಕ್ಷತಾ ಕುಲಾಲ್,ಸ್ವಾತಿ ಸುವರ್ಣ, ಶಿಲ್ಪಾ ಕೇಶವ್ ಉಪಸ್ಥಿತ್ತೆರ್.
ಶರತ್ ಕೊಡವೂರು ಸ್ವಾಗತ ಮಲ್ತುದ್,ಸತೀಶ್ ಕೊಡವೂರು ಸೊಲ್ಮೆ ಸಂದಾಯ್ತ ಮಲ್ತೆರ್. ಸುಷ್ಮಾ ದೇವಾಡಿಗ ನಿರೂಪಣೆ ಮಲ್ತೆರ್.