ತುಳು ಬಾಸೆನ್ ರಾಜ್ಯೊಡ್ ಅಧಿಕೃತ ಬಾಸೆ ಮಲ್ಪೊಡುಂದ್ ಕುಡ್ಲಡ್ ತುಳುವೆರೆನ ಪೊರಂಬಾಟ

ತುಳು ಬಾಸೆಗ್ ರಾಜ್ಯೊಡ್ ಮಾನಾದಿಗೆ ತಿಕ್ಕೊಡ್ ಪಂಡುದ್ ಅವ್ವೇತೊ  ವರ್ಸೊಡಿನಿಂಚಿ  ಪೊರಂಬಾಟ ನಡತೊಂದಿತ್ತುಂಡ್.ಈ ಸಲತ್ತ ವಿಧಾನಸಭೆ ಅಧಿವೇಶನೊಡ್ ತುಳುಕ್ ನೂದೆಗ್ ನೂದ್ ಮಾನಾದಿಗೆ ತಿಕ್ಕುಂಡ್ ಪನ್ಪಿನ ಆಶಯೊಡ್ ತುಳುವೆರಿತ್ತೆರ್.ಆಂಡ ತುಳುವೆರೆಗ್ ಸರಕಾರ ಕಣ್ಣುಮುಚ್ಚಾಲೆ ಗೊಬ್ಬಾವೊಂದುಂಡ್.ಖಂಡಿತವಾದುಲಾ ರಾಜ್ಯೊಡ್ ಅಧಿಕೃತ ಮಲ್ಪಾವ ಪನ್ಪಿನ ತುಳುವೆರೆಗ್ ಆಶ್ವಾಸನೆ ಕೊರೊಂದುಲ್ಲೆರ್ ಪಂಡುದ್ ತುಳುವೆರ್ ಬೆಚ್ಚೊಡುಲ್ಲೆರ್.ಆತೇ ಅತ್ತ್ ತುಳುಕ್ ಮಾನಾದಿಗೆ ತಿಕ್ಕಂದೆ ನಮ ಮನೀಪಂದೆ ಕುಲ್ಲುಜ ಪಂಡುದ್ ಐತ ಪಿರಾವುಡ್ ಪೊರಂಬಾಟ ಮಲ್ತೊಂದೆ ಉಲ್ಲೆರ್.

ಉಂದುವೇ ಬರ್ಪಿನ ಅಕ್ಟೋಬರ್ 5ತಾರೀಕುದಾನಿ ಕುಡ್ಲದ ಜಿಲ್ಲಾಧಿಕಾರಿ ಕಚೇರಿದ ಎದುರುಡ್ ತುಳುನಾಡುದ ಮಾತಾ ಸಂಘಟನೆದಕುಲ್ ಒಟ್ಟಾದ್ ಕಾಂಡೆ 10.30 ಗಂಟೆಗ್ ಕಪ್ಪು ಕುಂಟು ಕಟ್ಟುದ್ ಮೌನ ಪೊರಂಬಾಟ ಮಲ್ಪರೆಗುಲ್ಲೆರ್.ಈ ಒಂಜಿ ಪೊರಂಬಾಟೊಡ್ 500 ಕ್ ಲಾ ಹೆಚ್ಚ ತುಳುವೆರ್ ಸೇರುನ ಅಂದಾಜು ಉಂಡು.
ಈ ಪೊರಂಬಾಟದ ಒರುಟಾಂಡಲಾ ಆಯಿನಾತ್ ಬೇಗ ತುಳುವಪ್ಪೆಗ್ ಮಾನಾದಿಗೆ ತಿಕ್ಕಡ್ ಪನ್ಪಿನವ್ವೇ ಸಮಸ್ತ ತುಳುಬಂಧುಲೆನ ಆಶಯ.