ರಾಷ್ಟ್ರಕವಿ ಗೋವಿಂದ ಪೈ ಸಂಶೋಧನ ಕೇಂದ್ರ ಬೊಕ್ಕ ಮಣಿಪಾಲ ಅಕಾಡೆಮಿ ಆಫ್ ಹೈಯರ್ ಎಜ್ಯುಕೇಶನ್ ನೆತ್ತ ಸಹಯೋಗಡ್ ಎಮ್.ಜಿ.ಎಮ್.ಕಾಲೇಜಿದ ಅಂಗಣೊಡ್ ಉಂದುವೇ ಬರ್ಪಿನ ಅಕ್ಟೋಬರ್ 2 ತಾರೀಕುದಾನಿ ಶನಿವಾರ ಕಾಂಡೆ “ತುಳು ದಿನಾಚರಣೆ” ನಡಪರೆಗುಂಡ್.
ತುಳು,ತುಳುನಾಡು,ತುಳುನುಡಿ-ಒಂದು ಹಿನ್ನೋಟ ಈ ಬಗ್ಗೆ ಉಪನ್ಯಾಸ ನಡಪರೆಗುಂಡ್.ಮಲ್ಲ ಬಿನ್ನೆರಾದ್ ಪ್ರಾಚೀನ ಇತಿಹಾಸ ಬೊಕ್ಕ ಪುರಾತತ್ವ ವಿಭಾಗ ಶ್ರೀ ಧವಳಾ ಕಾಲೇಜು,ಮೂಡಬಿದ್ರೆದ ನಿವೃತ್ತ ಮುಖ್ಯಸ್ಥೆರ್ ಬೊಕ್ಕ ಇತಿಹಾಸ ತಜ್ಞೆರಾಯಿನ ಡಾ.ಪಿ.ಗಣಪಯ್ಯ ಭಟ್ ಉಪನ್ಯಾಸ ಕೊರ್ರೆಗುಲ್ಲೆರ್.
ಒಡಿಪು ತುಳುಕೂಟದ ಅಧ್ಯಕ್ಷೆರಾಯಿನ ಜಯಕರ ಶೆಟ್ಟಿ ಇಂದ್ರಾಳಿ ಮೇರು ಗುರ್ಕಾರ್ಮೆಡಿಪ್ಪುವೆರ್ .ಪಂಡುದ್ ಕಜ್ಜೊದ ಆಯೋಜಕೆರಾಯಿನ ರಾ.ಗೋ.ಪೈ.ಸಂ.ಕೇಂದ್ರದ ಕಾರ್ಯಕಾರಿ ಸಮಿತಿದ ಅಧ್ಯಕ್ಷೆರಾಯಿನ ಟಿ.ಮೋಹನ್ ದಾಸ ಪೈ, ಮಾಹೆದ ಕುಲಪತಿಲಾಯಿನ ಲೆ.ಜಿ.ಡಾ.ಎಮ್.ಡಿ.ವೆಂಕಟೇಶ್, ಸಹಕುಲಾಧಿಪತಿಲಾಯಿನ ಡಾ.ಎಚ್.ಎಸ್.ಬಲ್ಲಾಳ್, ಮಾಹೆದ ರಿಜಿಸ್ಟ್ರಾರ್ ಡಾ.ನಾರಾಯಣ ಸುಭಾಷಿತ್, ಬೊಕ್ಕ ರಾ.ಗೋ.ಪೈ.ಸಂ.ಕೇಂದ್ರ ಮಾಹೆದ ಆಡಳಿತಾಧಿಕಾರಿ ಡಾ.ಬಿ.ಜಗದೀಶ್ ಶೆಟ್ಟಿ ಪ್ರಕಟಣೆಡ್ ತೆರಿಪಾದೆರ್.
by 