ತುಲು ಲಿಪಿತ ಬಗೆಟ್ ತಪ್ಪು ಮಾಯಿತಿ.

ತುಳು-ಲಿಪಿನ್  ಯುನಿಕೋಡ್ ಗ್ ಸೇರ್ಪಡೆ ಮಲ್ದುಂಡ್  ಪನ್ಪಿನ  ತಪ್ಪು ಮಾಹಿತಿದ ಬಗೆಟ್..

ಮಾಧ್ಯಮಲೆಗ್  ತಪ್ಪು ಮಾಹಿತಿನ್ ಕೊರ್ತೆರ್. ತುಳು ಲಿಪಿನ್  ಯುನಿಕೋಡ್ ಗ್ ಸೇರ್ಪಡೆ ಮಲ್ಪುನ  ಕಾರ್ಯ 80 ಶೇಕಡಾ ಮಾತ್ರ ಪೂರ್ಣ ಆತುಂಡ್. ಕುಡಲಾತ್  ತಾಂತ್ರಿಕ ಕಾರ್ಯೊಲು  ಬಾಕಿ ಉಂಡು. ತುಲುಲಿಪಿನ್ ಯುನಿಕೋಡ್ ಗ್  ಸೇರ್ಪಡೆ ಮಲ್ಪುನ ಕಾರ್ಯ 2017 ಡ್ ಆರಂಭ ಮಲ್ತೆರ್.. ಅಯಿಕುಲಾ ಸುಮಾರು 10 ವರ್ಷ ದುಂಬು  ಬ್ರಾಹ್ಮಿ ಲಿಪಿ ಮೂಲಡ್ದ್  ಪ್ರಚಲಿತವಿತ್ತಿನ ಉತ್ತರ-ಕನ್ನಡ ಭಾಗಡ್  ಪ್ರಚಲಿತವಿತ್ತಿನ  ಕುಡೊಂಜಿ  ಲಿಪಿ ತಿಗಳಾರಿ ಲಿಪಿನ್ ಯುನಿಕೋಡ್ ಗ್ ಸೇರ್ಪಾವರೆಗ್ ವೈಷ್ಣವಿಮೂರ್ತಿ ಬೊಕ್ಕ ವಿನೋದ್ ರಾಜ್ ಮೊಕುಲು ಸುರು ಮಲ್ತಿನ ಕಾರ್ಯೊಗ್ “ಯುನಿಕೋಡ್ ಕನ್ಸೊರ್ಟಿಯಮ್ ಕ್ಯಾಲಿಫೋರ್ನಿಯ” ಡ್ದ್  ಒಪ್ಪಿಗೆ ಸಿಕ್ಕುದುಂಡ್. ಆ ಲಿಪಿನ್  “ತುಳು-ತಿಗಳಾರಿ” ಲಿಪಿ ಪಂಡುದು ಲೆಪ್ಪುಂಡ್. ಪ್ರಸ್ತುತ ಬಳಕೆಡುಪ್ಪುನ ತುಳು ಲಿಪಿಕುಲಾ  ತುಳು ತಿಗಳಾರಿ ಲಿಪಿಕುಲಾ ಸುಮಾರು 25 ಶೇಕಡಾ ವ್ಯತ್ಯಾಸ ಉಂಡು. ಕನ್ನಡ ಬೊಕ್ಕ ತೆಲುಗು ಲಿಪಿ ಇತ್ತಿಲೆಕ್ಕ ಕೆಲವು ಸಾಮ್ಯತೆಲುಪ್ಪುನ  ರಡ್ಡ್  ಪ್ರಕಾರದ ಲಿಪಿಕುಲು ತುಳು ಬೊಕ್ಕ ತುಳು-ತಿಗಳಾರಿ ಲಿಪಿಕುಲು. ಅಕಾಡೆಮಿ ಯುನಿಕೋಡ್ ಕೇಂಡುದಿತ್ತುದ್ ಇತ್ತೆ ಉಪ್ಪುನ  ತುಳು ಭಾಷೆಗ್  ವೈಷ್ಣವಿ ಮೂರ್ತಿ (ತುಳು ತಿಗಳಾರಿ) ಕೇಂಡುದಿತ್ತುದ್  ತಾಳೆಗರಿ ಸಂಸ್ಕೃತ ಸಾಹಿತ್ಯಗ್.

ಅಂಚೆನೇ  ಯು. ಬಿ. ಪವನಜ ಮೇರು ತುಳು ಲಿಪಿನ್ ಯುನಿಕೋಡ್ ಗ್  ಸೇರ್ಪಾವುನ ಕೇವಲ ಪ್ರಸ್ತಾವನೆನ್ ಮಾತ್ರ ಕಡಪುಡುದೆರ್. ಬೊಕ್ಕ ಒವ್ವೇ  ಕಾರ್ಯ ಮಲ್ದುಜಿ. 2017 ಡ್  ತುಳು ಸಾಹಿತ್ಯ ಅಕಾಡೆಮಿ ಡಾ. ಆಕಾಶ್ ರಾಜ್ ಜೈನ್ ಮೆರೆನ  ನೇತೃತ್ವಡ್  ” ಜೈ ತುಳುನಾಡು” ಸಂಘಟನೆದ  ಜವನೆರೆನ ಒಟ್ಟು ಸೇರ್ದ್  ಆನಿದ  ಮುಖ್ಯಮಂತ್ರಿ ಯಡಿಯೂಪ್ಪ ಮೆರೆನ  ಇ – ಗರ್ವನೆನ್ಸ್ ಕಾರ್ಯದರ್ಶಿಯಾದಿತ್ತಿನ ಬೇಳೂರು ಸುದರ್ಶನ ಮೆರೆನ ಸಹಕಾರೊನ್  ಪಡೆತುದು ತುಳು ಯುನಿಕೋಡ್ ಕಾರ್ಯೊನ್  ದುಂಬರಿತುಂಡ್. ಆನೀದ ತುಳು ಸಾಹಿತ್ಯ ಅಕಾಡೆಮಿ ಅಧ್ಯಕ್ಷರಾಯಿನ ದಯಾನಂದ ಕತ್ತಲ್ ಸಾರ್ ಮೇರು ಈ ಕಾರ್ಯಗ್  ಬೆರಿಕೋಲು ಆದಿತ್ತೆರು. 2017 ಡ್ದ್ ದುಂಬು  2001 ಡ್ದ್  ತುಳು ಲಿಪಿ ಅಧ್ಯಯನ ಪರಿಷ್ಕರಣೆ ಕಾರ್ಯ  ದಿl ವೆಂಕಟರಾಜ ಪುಣಿಂಚತ್ತಾಯರೆಡ್ದ್  ಅರೆನ  ಶಿಷ್ಯೆರಾಯಿನ  ರಾಧಾಕೃಷ್ಣ ಬೆಳ್ಳೂರು  ವಿದ್ವಾಂಸೆರಾಯಿನ ವಿಘ್ನರಾಜ್ ಧರ್ಮಸ್ಥಳ, ಎಸ್. ಎ. ಕೃಷ್ಣಯ್ಯ, ಇಂಚ  ಕೆಲವು  ಬೊಕ್ಕ  2017 ಗುಲಾ  ಪಿರಾಕುದ  ತುಳು ಅಕಾಡೆಮಿದ  ಅಧ್ಯಕ್ಷೆರುನಕುಲು ಬೊಕ್ಕ  ಸದಸ್ಯೆರುನಕ್ಲೆನ  ಶ್ರಮಡಾದ್ ಆತಿನವ್.

ಪ್ರಸ್ತುತ ತುಳು ಲಿಪಿ ಯುನಿಕೋಡ್ ಸೇರ್ಪಡೆ ಸಂಪೂರ್ಣ ಮಲ್ಪರೆಗ್  ನನಲಾ ಒಂತೆ ಕಾರ್ಯ ಬಾಕಿಯಿತ್ತುದ್, ಆಸಕ್ತೆರು   ಕಾರ್ಯದ ಸಂಪೂರ್ಣ ವಿವರೊನ್ ‘ಯುನಿಕೋಡ್ ಕನ್ಸೊರ್ಟಿಯಮ್’ ವೆಬ್ ಸೈಟ್ ಡ್ ತುಳು ಯುನಿಕೋಡ್ ವಿಚಾರ ಆಯ್ಕೆ ಮಲ್ತುದ್ ತೆರಿಯೊನೊಲಿ.

ಡಾl ಆಕಾಶ್ ರಾಜ್ ಜೈನ್
ಮಾಜಿ ಸದಸ್ಯೆರು
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ
pH…9886328079