ತುಲು ಲಿಪಿ ಕಾರ್ಯಾಗಾರ.

ಕೊಡವೂರುಡ್ “ಬಲೆ ತುಲು ಲಿಪಿ ಕಲ್ಪುಗ” ತುಳು ಲಿಪಿ ಕಲಿಕಾ ಕಾರ್ಯಾಗಾರದ ಉದಿಪನೆ

ಜೈತುಲುನಾಡ್(ರಿ.) ಉಡುಪಿ ಘಟಕ, ಕೊಡವೂರು ಹಳೆ ವಿದ್ಯಾರ್ಥಿ ಸಂಘ,ಯುವಕ ಸಂಘ(ರಿ.) ಕೊಡವೂರುದ ಜಂಟಿ ಆಶ್ರಯಡ್ ‘ಬಲೆ ತುಲುಲಿಪಿ ಕಲ್ಪುಗ’  ಕಾರ್ಯಕ್ರಮದ ಉದಿಪನಾ ಕಜ್ಜೊ ನವೆಂಬರ್ 9 ಗ್ ಸರಕಾರಿ ಹಿರಿಯ ಪ್ರಾಥಮಿಕ ಶಾಲಾ ಸಭಾಂಗಣಡ್ ನಡತುಂಡ್.

ಉದಿಪನ ಮಲ್ತಿನ   ಅಳುಪ ರಾಜ ವಂಶಸ್ಥೆರಾಯಿನ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ  ಮಾಜಿ ಸದಸ್ಯೆ ಡಾ| ಆಕಾಶರಾಜ್ ಜೈನ್  ಪಾತೆರ್ದ್ ತುಳು ಭಾಷೆ ಸಾರ ವರ್ಷ  ಇತಿಹಾಸವಿಪ್ಪುನ ಭಾಷೆ. ಇದಮುಟ್ಟ ಸುಮಾರು 30000ಗುಲಾ  ಜಾಸ್ತಿ ಜನಕ್ಲೆಗ್  ತುಳು ಲಿಪಿನ್ ಧರ್ಮಾರ್ಥವಾದ್  ಕಲ್ಪಾದುಂಡ್.ಈ ಕ್ರಾಂತಿ ಒಡೆಮುಟ್ಟ   ಮುಟ್ಟುದುಂಡ್  ಪಂಡ  ಇನಿತ್ತ  ರಾಜಕಾರಣಿಲು ಓಟುದ ಸಂದರ್ಭಡ್  ತುಳು ಶಾಲು ಪಾಡ್ದ್ ,ತುಳುಲಿಪಿನ್ ಪ್ರಚಾರಡ್  ಗಲಸುದ್ ತುಳುಭಾಷೆಡೇ ಓಟು ಕೇನುಲೆಕ್ಕಾತುಂಡ್. ನೆಕ್ಕ್  ಮೂಲ ಕಾರಣ ಜೈತುಲುನಾಡ್(ರಿ.) ಸಂಸ್ಥೆದ ಉತ್ಸಾಹಿ ಯುವಕೆರು ಸಾಮಾಜಿಕ ಜಾಲತಾಣಲೆಡ್ ಮಲ್ತಿನ  ಮಹತ್ತರ ಬದಲಾವಣೆ.ದುಂಬೊಂಜಿ  ದಿನ ತುಳುನಾಡುದ ಜನಕುಲೇ ನಿಕ್ಲೆಗ್  ಅಪ್ಪೆಭಾಷೆ ತುಳುಲಿಪಿತ್ತ ಬಗ್ಗೆ ತೆರಿದುಜಾ ಪಂಡುದು  ಕೇನುನ ಕಾಲ ಬರು ಪಂಡೆರ್.

ಮಲ್ಲ ಬಿನ್ನೆರಾದ್  ಶಾಲೆದ  ಮುಖ್ಯ ಶಿಕ್ಷಕಿ  ಶ್ರೀಮತಿ ಪುಷ್ಪಾವತಿ, ಪಾತೆರ್ದ್ ಜೈ ತುಲುನಾಡ್(ರಿ.) ಸಂಸ್ಥೆದ  ಕರಿನ ಕೆಲವ್  ವರ್ಷಡಿಂಚಿ  ತುಳುಲಿಪಿನ್  ತುಳುನಾಡೊರ್ಮೆ ಶಾಲಾ ಕಾಲೇಜುಲೆಡ್ ಕಲ್ಪಾವುನ ಖುಷಿತ್ತ ಸಂಗತಿ ಪಂಡೆರ್.  ಜೈ ತುಲುನಾಡ್(ರಿ.) ಇದರ ಕೇಂದ್ರ ಸಮಿತಿದ  ಅಧ್ಯಕ್ಷೆರಾಯಿನ  ಉದಯ್ ಪೂಂಜಾ ತಾರಿಪಾಡಿಗುತ್ತು ತುಳುಲಿಪಿ ಕಲಿಕೆದ ಅನಿವಾರ್ಯತೆದ ಬಗ್ಗೆ  ಪಂಡೆರು. ಕಾರ್ಯಕ್ರಮ ದ ಅಧ್ಯಕ್ಷತೆ ಡ್  ಜೈ ತುಲುನಾಡ್(ರಿ.) ಉಡುಪಿ ಘಟಕದ ಅಧ್ಯಕ್ಷೆರಾಯಿನ ಸುಶೀಲಾ ಜಯಕರ್ ಕೊಡವೂರು ಸಂಸ್ಥೆ ಕೊರ್ಪಿನ ಸಹಕಾರದ ಬಗ್ಗೆ ಪಂಡೆರು.

ಈ ಸಂದರ್ಭಡ್  ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆದ ಅಧ್ಯಕ್ಷೆರಾಯಿನ  ಶ್ರೀ ರಾಧಾಕೃಷ್ಣ ಪೈ,ಶ್ರೀ ಶಂಕರನಾರಾಯಣ ಪ್ರತಿಷ್ಠಾನ(ರಿ) ಕೊಡವೂರುದ ಅಧ್ಯಕ್ಷರಾಯಿನ  ಶ್ರೀ ಟಿ. ರಾಘವೇಂದ್ರ ರಾವ್,ಸುಮನಸಾ ಕೊಡವೂರು(ರಿ.)ದ ಅಧ್ಯಕ್ಷರಾಯಿನ ಶ್ರೀ ಪ್ರಕಾಶ್.ಜಿ ಕೊಡವೂರು,ಹಳೆವಿದ್ಯಾರ್ಥಿ ಸಂಘದ ಅಧ್ಯಕ್ಷರಾಯಿನ ಸತೀಶ್ ಕೊಡವೂರು, ಯುವಕ ಸಂಘ(ರಿ.) ಕೊಡವೂರುದ  ಅಧ್ಯಕ್ಷರಾಯಿನ  ದೀಪಕ್ ಕೊಡವೂರು ಹಳೆ ವಿಧ್ಯಾರ್ಥಿ ಬೊಕ್ಕ ಯುವಕ ಸಂಘದ ಕ್ರೀಡಾ ಕಾರ್ಯದರ್ಶಿ ಅಶೋಕ್ ಶೆಟ್ಟಿಗಾರ್ ಉಪಸ್ಥಿತರಿತ್ತೆರು.

ಸಂಘದ ಬಗ್ಗೆಪ್ರಾಸ್ತಾವಿಕನ್  ಜೈತುಲುನಾಡ್(ರಿ.) ಉಡುಪಿ ಘಟಕದ ಕಾರ್ಯದರ್ಶಿಯಾದ ಸಾಗರ್ ಬನ್ನಂಜೆ ಮಲ್ತೆರು, ಜೈ ತುಲುನಾಡ್(ರಿ.) ಉಡುಪಿ ಘಟಕದ ಸದಸ್ಯರಾಯಿನ  ಶಿಲ್ಪಾ ಕೇಶವ್ ಕೊಡವೂರು ಕಾರ್ಯಕ್ರಮದ  ನಿರೂಪಣೆ ಮಲ್ತೆರು. ಕೇಂದ್ರ ಸಮಿತಿದ ಸಂಘಟನಾ ಕಾರ್ಯದರ್ಶಿಯಾಯಿನ ಸಂತೋಷ್.ಎನ್.ಎಸ್ ಸ್ವಾಗತಿಸಿ, ಜೈ ತುಲುನಾಡ್(ರಿ) ದ ಸ್ಥಾಪಕ ಸಮಿತಿದ ಸದಸ್ಯರಾಯಿನ  ಶರತ್ ಕೊಡವೂರು ಸೊಲ್ಮೆ ಸಂದಾಯ್ತ ಮಲ್ತೆರು. ತುಳುಲಿಪಿ ಕಲ್ಪಾರ್ತಿ  ಸ್ವಾತಿ ಸುವರ್ಣ, ಜೈ ತುಲುನಾಡ್(ರಿ.) ಕುಡ್ಲ ಘಟಕದ ಕಾರ್ಯಕಾರಿ ಸಮಿತಿದ  ಪದುಕೆರಾಯಿನ ಶರತ್ ರಾಜ್, ಜೈ ತುಲುನಾಡ್(ರಿ.) ಉಡುಪಿ ಘಟಕದ ಒತ್ತು ಗುರ್ಕಾರೆರಾಯಿನ  ಕಿರಣ್ ಒಡಿಪು,ಪಣವುದ ಪಾಲವೆರಾಯಿನ ಸುಪ್ರಿಯಾ ಅಖಿಲೇಶ್ ದೇವಾಡಿಗ, ಉಡುಪಿ ಘಟಕದ ಕಾರ್ಯಕಾರಿ ಸಮಿತಿದ  ಪದುಕೆರಾಯಿನ ಸಂಗೀತ ಮಣಿಪಾಲ್,  ಯೋಗಿನಿ ಬೈಲೂರು,  ಶಾಲಾಶಿಕ್ಷಕ ವೃಂದದಕುಲು  ಉಪಸ್ಥಿತರಿತ್ತೆರು.