ಅಪ್ಪೆ ಬಾಸೆ ಒರಿಪಾವರೆಗ್ ತುಲು ಲಿಪಿತ್ತ ಮಹತ್ತರವಾಯಿನ ಕೊಡುಗೆ ಉಂಡು: ಕತ್ತಲ್ಸಾರ್

ತುಲು ಲಿಪಿನ್ ತಾನು ಕಲ್ತುದ್ ಕುಡೊರಿಯಗ್ ಕಲ್ಪಾದ್ ಕೊರುಂಡ ಮಾತ್ರ ತುಲು ಲಿಪಿ ಒರಿಯರೆಗ್ ಸಾಧ್ಯ.ಪಂಡುದ್ ಕರ್ನಾಟಕ ತಳುಸಾಹಿತ್ಯ ಅಕಾಡೆಮಿದ ಗುರ್ಕಾರೆರಾಯಿನ ದಯಾನಂದ ಕತ್ತಲ್ಸಾರ್ ಪಂಡೆರ್.ಸುರತ್ಕಲ್ ಸೂರಿಂಜೆದ ಪೊನ್ನಗಿರಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನೊಡ್ ನಡತಿನ ಬಲೆ ತುಳು ಲಿಪಿ ಕಲ್ಪುಗ ಕಾರ್ಯಾಗಾರೊಗ್ ಚಾಲನೆ ಕೊರ್ದ್ ಪಾತೆರಿನ ಆರು ಅಪ್ಪೆ ಬಾಸೆ ಒರಿಪಾವರೆಗ್ ಜೈತುಳುನಾಡು ಸಂಘಟನೆ ಮಲ್ಪುನ ತುಲುಲಿಪಿತ್ತ ಕಾರ್ಯಾಗಾರ ಮಹತ್ತರವಾಯಿನ ಕೊಡುಗೆ ಕೊರೊಂದುಂಡ್ ಪಂಡೆರ್.

ಜೈತುಳುನಾಡ್ ಸಂಘಟನೆ ಅಧ್ಯಕ್ಷೆರಾಯಿನ ಸುದರ್ಶನ್ ಸುರತ್ಕಲ್ ಪಾತೆರ್ದ್ ಜನಗಣತಿಡ್ ತುಳುವೆರ್ ಮಾತೆರ್ಲಾ ಅಪ್ಪೆ ಬಾಸೆ ತುಳು ಪಂಡುದ್ ಕೊರೊಡ್.ಈ ಸತರ್ಿದ ಅಧಿವೇಶನೊಡ್ ತುಳುಬಾಸೆನ್ ರಾಜ್ಯದ ಅಧಿಕೃತ ಬಾಸೆ ಮಲ್ಪುನ ನಿಟ್ಟುಡ್ ತುಳುರಾಜಕಾರಣಿಲು ಸೊರೊ ದೆಪ್ಪೊಡ್ ಪಂಡೆರ್.

ಕಜ್ಜೊಡ್ ಮಲ್ಲ ಬಿನ್ನೆರಾದ್ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರಾಯಿನ ಸುಕೇಶ್ ಶೆಟ್ಟಿ ಬೈಲಗುತ್ತು,ತುಳು ಸಾಹಿತ್ಯ ಅಕಾಡೆಮಿದ ನಾಗೇಶ್ ಕುಲಾಲ್,ಸೂರಿಂಜೆ ಗ್ರಾ.ಪ. ಮಾಜಿ ಅಧ್ಯಕ್ಷೆರಾಯಿನ ಜಗನ್ನಾಥ ಶೆಟ್ಟಿ,ಜೈ ತುಳುನಾಡ್ ಸಂಘಟನೆದ ಒತ್ತು ಗುರ್ಕಾರೆರಾಯಿನ ಉದಯ್ ಪೂಂಜ,ತುಳುಲಿಪಿ ಕಲ್ಪಾದಿ ಕುಶಾಲ,ಉಷಾ ಉಪಸ್ಥಿತರಿತ್ತೆರ್.