ಅಪ್ಪೆ ಭಾಷೆದ ಮಿತ್ತ್ ಪ್ರೀತಿ ಅಭಿಮಾನ ಏಪಲಾ ಜಾಗೃತವಾದುಪ್ಪಡ್ ಪಂಡುದ್
-ತಾರಾನಾಥ ರೈ ಪಡ್ಡಂಬೈಲು ಗುತ್ತು .
ಅಧ್ಯಕ್ಷರು. ಶ್ರೀ ಒಡಿಯೂರು ಶ್ರೀಗಳ ಷಷ್ಠ್ಯಬ್ದ ಸಂಭ್ರಮ ಸಮಿತಿ ಕಾಟುಕುಕ್ಕೆ ಮೇರು ಪಂಡೆರ್.ಆರು ಒಡಿಯೂರು ಶ್ರೀಕ್ಲೆನ ಷಷ್ಠ್ಯಬ್ದ ಸಂಭ್ರಮದ ಜ್ಞಾನ ವಾಹಿನಿ ಕಜ್ಜೊದ ಅಂಗವಾದ್ ಕಾಟುಕುಕ್ಕೆ ಘಟಕ ಸಮಿತಿ ಬೊಕ್ಕ ಶ್ರೀ ಸುಬ್ರಹ್ಮಣ್ಯೇಶ್ವರ ಮಹಿಳಾ ಮಂಡಳಿದ ನೇತ್ರತ್ವಡ್ ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿ ಬೊಕ್ಕ ಕೇರಳ ತುಳು ಅಕಾಡೆಮಿದ ಸಹಯೋಗಡ್ ಜೈ ತುಳುನಾಡ್ ಸಂಘಟನೆದ ಕಾಸರಗೋಡು ಘಟಕ ಕಾಟುಕುಕ್ಕೆಡ್ ನಡತಿನ ತುಳು ಲಿಪಿ ಕಜ್ಜಕೊಟ್ಯಡ್ ಬಿನ್ನೆರಾದ್ ಪಾತೆರಿಯೆರ್.
ಸುಬ್ರಾಯ ದೇವಸ್ಥಾನದ ಆಡಳಿತ ಮುಕ್ತೇಸರೆರ್ ನಾರಾಯಣನ್ ಕೆ.ಬೊಲ್ಪು ಅರ್ಲಾದ್ ಕಜ್ಜೊದ ಉದಿಪನ ಮಲ್ತೆರ್.ಶ್ರೀ ಸುಬ್ರಹ್ಮಣ್ಯೇಶ್ವರ‌ಪ್ರೌಢ ಶಾಲೆದ ಮುಖ್ಯಸ್ಥೆರಾಯಿನ ಹರಿಪ್ರಸಾದ್ ಶೆಟ್ಟಿ, ಮಹಿಳಾ ಮಂಡಳಿದ ಅಧ್ಯಕ್ಷೆ ವಾಣಿ ಜಿ.ಶೆಟ್ಟಿ, ಮಲ್ಲಿಕಾ ಜಿ.ರೈ, ಸಾಹಿತಿ ರಾಜಶ್ರೀ ಟಿ ಪೆರ್ಲ ಉಪಸ್ಥಿತರಿತ್ತೆರ್.ಕಾಸರಗೋಡು ಘಟಕದ ಕಾರ್ತಿಕ್ ಬೊಕ್ಕ ಜಗನ್ನಾಥ ಮೊಕುಲು ತುಳು ಲಿಪಿತ್ತ ಕ್ಲಾಸ್ ನಡಪಾಯೆರ್.
by 