ತುಳುನಾಡ್ ಮ್ಯಾಟ್ರಿಮೊನಿ.ಕಾಮ್

ತುಳುನಾಡಧ್ವನಿತ್ತ ಕುಡೊಂಜಿ ಕೊಡುಗೆ ” ತುಳುನಾಡ್ ಮ್ಯಾಟ್ರಿಮೋನಿ”

ತುಳುನಾಡಧ್ವನಿತ್ತ ಕುಡೊಂಜಿ ಕೊಡುಗೆ ” ತುಳುನಾಡ್ ಮ್ಯಾಟ್ರಿಮೋನಿ” ಇನಿ ಉಡುಪಿ ಪ್ರೆಸ್ ಕ್ಲಬ್ ಡ್ ಲೋಕಾರ್ಪಣೆ ಆಂಡ್.ಉಡುಪಿದ ಉದ್ಯಮಿ ಪ್ರಸಾದ್ ರಾಜ್ ಕಾಂಚನ್,ಬಿಜೆಪಿ ರಾಜ್ಯ ಉಪಾಧ್ಯಕ್ಷೆ ನಯನಾ ಗಣೇಶ್,ಮೊಗವೀರ ಯುವ ಸಂಘಟನೆದ ಉಡುಪಿ ಜಿಲ್ಲಾಧ್ಯಕ್ಷೆರಾಯಿನ ರಾಜೇಂದ್ರ ಸುವರ್ಣ ಹಿರಿಯಡಕ,ಸನ್ ಶೈನ್ ಟ್ರಾವೆಲ್ಸ್ ಮಣಿಪಾಲ್ ನೆತ್ತ ಮುಖ್ಯಸ್ಥೆರಾಯಿನ ಸರಿತಾ ಸಂತೋಷ್,ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷೆರಾಯಿನ ರಾಜೇಶ್ ಶೆಟ್ಟಿ ಅಲೆವೂರು,ಪೋರ್ಥ್ ಪೋಕಸ್ ಕುಂದಾಪುರದ ನಿರ್ದೇಶಕೆ & ಸಂಸ್ಥಾಪಕೆರಾಯಿನ ಗೌತಮ್ ನಾವಡ ಮೊಕುಲು ಮುಖ್ಯ ಅತಿಥಿಯಾದಿತ್ತುದ್ ಪೊಸ ಸಂಸ್ಥೆ ಗ್ ಶುಭಹಾರೈಸಿಯೆರ್.

ತುಳುಬಾಸೆ,ಸಂಸ್ಕ್ರತಿನ್ ಒರಿಪಾದ್ ಬುಲೆಪಾವುನ ನಿಟ್ಟುಡ್ ಕರಿನ ನ ರಡ್ಡ್ ವರ್ಷಡಿಂಚಿ ಕಾರ್ಯಾಚರಣೆಡುಪ್ಪುನ ತುಳುನಾಡ ಧ್ವನಿ ತುಳು ಅಂತರ್ಜಾಲ ಪತ್ರಿಕೆ, ವೆಬ್ ನ್ಯೂಸ್ ದ ಒಟ್ಟುಗ್ ಯೂಟ್ಯೂಬ್ ಚಾನೆಲ್ ನ್ ಸುರು ಮಲ್ತುದ್, ಬೇತೆ ಬೇತೆ ಕಾರ್ಯಕ್ರಮೊಲೆನ್ ಯೂಟ್ಯೂಬ್ ಚಾನೆಲ್ ಮುಖೇನ ಪ್ರಚಾರೊಡ್ ಉಂಡು..ಇತ್ತೆ . ತುಳುನಾಡುದ ಮೊಗವೀರ ಸಮುದಾಯಗ್ ಪೊಸತೊಂಜಿ ಕೊಡುಗೆಯಾದ್ ತುಳುನಾಡ್ ಮ್ಯಾಟ್ರಿಮೋನಿ.ಕಾಮ್(tulunad matrimony.com) ನ್ ಸುರು ಮಲ್ತುದ್ ಮೊಗವೀರ ಸಮುದಾಯದ ಅವಿವಾಹತೆರೆಗ್ ಎಡ್ಡೆ ವಿವಾಹ ವೇದಿಕೆಯನ್ನು ಕಲ್ಪಿಸಾದ್ ಕೊರ್ರೆಗ್ ದುಂಬಾತುಂಡ್.ಈ ವೇದಿಕೆಡ್ ಸೂಕ್ತವಾಯಿನ ಜೀವನಸಂಗಾತಿನ್ ನಾಡೊನರೆಗ್ ಯುವಕ ಯುವತಿಯರೆಗ್ ವಿಪುಲವಾಯಿನ ಅವಕಾಶ ಉಂಡು.
ಮೊಗವೀರ ಸಮುದಾಯಗ್ ಮೀಸಲಾಯಿನ. ವೈವಾಹಿಕ ಪೋರ್ಟಲ್ ತುಳುನಾಡ್ ಮ್ಯಾಟ್ರಿಮೋನಿ.ಉಚಿತವಾದ್ ನೋಂದಣಿ ಮಲ್ತೊನರೆಗ್ ಅವಕಾಶ ಇಪ್ಪುನ ನೆಟ್ಟ್ ನಿಜವಾಯಿನ ಬೊಕ್ಕ ಸರಿಯಾದ್ ಪರಿಶೀಲನೆ ಮಲ್ದಿನ ಪ್ರೊಫೈಲ್ ಲು,ಸಂಪರ್ಕ ವಿವರೊಲು,ಬೊಕ್ಕ ಕುಡಲಾ ಹೆಚ್ಚಿನ ವೈಶಿಷ್ಟ್ಯೊಲು ಉಂಡು.ಆಧುನಿಕ ತಂತ್ರಜ್ಞಾನೊನ್ ಬಳಸೊಂದ್ ಅವಿವಾಹಿತರೆಗ್ ತಮ್ಮ ಸರಿಯಾಯಿನ ಜೀವನ ಸಂಗಾತಿನ್ ಆಯ್ಕೆ ಮಲ್ತೊನರೆಗ್ “ತುಳುನಾಡ್” ಮ್ಯಾಟ್ರಿಮೋನಿ ಒಂಜಿ ಎಡ್ಡೆ ವೇದಿಕೆಯಾತುಂಡ್.
ಕುಂದಾಪುರದ ಪೋರ್ಥ್ ಪೋಕಸ್ ನ ಸಂಸ್ಥಾಪಕೆರು & ನಿರ್ದೇಶಕೆರಾಯಿನ ಶ್ರೀ ವಿ.ಗೌತಮ್ ನಾವಡ ಮೇರು ಈ ಪೋರ್ಟಲ್ ನ್ ತಯಾರ್ ಮಲ್ಪರೆಗ್ ಸಹಕಾರಿಯಾದುಲ್ಲೆರ್.
ಮೊಗವೀರ ಸಮುದಾಯದ ಅವಿವಾಹಿತ ಯುವಕ ಯುವತಿಯೆರು “ತುಳುನಾಡ್” ಮ್ಯಾಟ್ರಿಮೋನಿದ ಸದುಪಯೋಗ ಮಲ್ತೊನೊಡ್ ಪಂಡುದ್ ಸಂಸ್ಥೆದ ಮುಖ್ಯಸ್ಥೆರು ವಿನಂತಿ ಮಲ್ತುದೆರ್.