ಪ್ರಧಾನಿ ಮೋದಿ ಕುಡ್ಲಗ್ ಬರೊಡ್ದುಂಬು ತಾಂತ್ರಿಕ ದೋಷ ನಿವಾರಣೆ ಮಲ್ಪೊಡುಂದ್ ತುಲುನಾಡ್ ಒಕ್ಕೂಟ ಕಾರ್ಲ ಸಮಿತಿದ ಗುರ್ಕಾರೆ ಸಂದೀಪ್ ದೇವಾಡಿಗ ಒತ್ತಾಯ..

ಪಂಚದ್ರಾವಿಡ ಬಾಸೆಲೆಡ್ ಒಂಜಾಯಿನ ತುಲುಬಾಸೆನ್ ಭಾರತ ದೇಶದ ಸಂವಿಧಾನೊಗ್ ಸೇರ್ಪಾವರೆಗ್ ಅಂಚೆನೇ ಕರ್ನಾಟಕ ರಾಜ್ಯೊಡ್ ತುಲುಬಾಸೆ ರಾಜ್ಯದ ಅಧಿಕೃತ ಬಾಸೆ ಆದ್ ಘೋಷಣೆ ಮಲ್ಪುನ ಬಗೆಟ್ಟ್ ತುಲುನಾಡ್ ಒಕ್ಕೂಟ ಸಂಘಟನೆದ ಮುಖೇನ ನಿರಂತರ ಪೊರಂಬಾಟ ನಡತೊಂದ್ ಬೈದುಂಡ್.ಕುಡ್ಲದ ಮಾನ್ಯ ಸಂಸದೆರ್ ಎಲ್ಲೆಂಜಿ ಕುಡ್ಲಗ್ ಪ್ರಧಾನಿ ಮೋದಿ ಬರೊಡು ದುಂಬು ತುಲುಬಾಸೆಗ್ ಅಧಿಕೃತ ಮಾನಾದಿಗೆಗ್ ಉಪ್ಪುನ ತಾಂತ್ರಿಕ ದೋಷದ ಅಡ್ಡಂತ್ರ ನಿವಾರಣೆ ಮಲ್ತುದ್ ತುಲುಬಾಸೆಗ್ ನ್ಯಾಯ ಒದಗಿಸಾದ್ ಕೊರೊಡು ಪಂಡುದ್ ತುಲುನಾಡ್ ಒಕ್ಕೂಟದ ಕಾರ್ಲಸಮಿತಿದ ಅಧ್ಯಕ್ಷೆರಾಯಿನ ಸಂದೀಪ್ ದೇವಾಡಿಗ ಜೋಡುರಸ್ತೆ ಒತ್ತಾಯ ಮಲ್ತುದೆರ್.