ಪರಮಪೂಜ್ಯ ಒಡಿಯೂರುಶ್ರೀಕ್ಲೆನ ಅಮ್ರತಹಸ್ತೊಡ್ ಉದಿಪನ ಆಯಿನ “ತುಲುನಾಡ ಧ್ವನಿ”

“ತುಲುನಾಡ ಧ್ವನಿ” ತುಲು ಬಾಸೆದ ಬಲ ಆದ್ ಉಂತಡ್. ಶ್ರೀಕ್ಲೆನ ಹಾರೈಕೆ.
ತುಲು ಬಾಸೆ ಸಂಸ್ಕ್ರತಿದ ಆಚಾರ-ವಿಚಾರದ ಪೊಲಬು ಕೊರ್ಪಿನ ತುಲುನಾಡ ದುನಿಪುಗ್ ಧ್ವನಿ ಆವರೆಗ್ ಮೂಡ್ದ್ ಬೈದಿನ ಯಶೋದ ಕೇಶವ್ ಮುತಾಲಿಕೆಡ್ ಉಂಡಾತಿನ “ತುಲುನಾಡ ಧ್ವನಿ”.ಕಾಮ್ ಅಂ ತರ್ಜಾಲ  ಪತ್ರಿಕೆದ ಉದಿಪನ ಕಜ್ಜೊ ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನದ ಗುರುದೇವ ಗೇನಮಂದಿರಡ್ ನಡತುಂಡ್.
ಪರಮಪೂಜ್ಯ ಶ್ರೀ ಶ್ರೀ ಗುರುದೇವಾನಂದ ಸ್ವಾಮೀಜಿಲೆನ ಅಮ್ರತಹಸ್ತೊಡ್ ಪತ್ರಿಕೆದ ಲೋಗೊದ ಉದಿಪನ ಮಲ್ತುದ್,ಲ್ಯಾಬ್ ಟಾಪ್ ಡ್ ಬಟನ್ ಒತ್ತುದ್ ಪತ್ರಕೆದ ಸುರುತ್ತ ಸುದ್ದಿ ಬುಡುಗಡೆ ಮಲ್ತುದ್ ಆಶೀರ್ವಚನ ಮಲ್ತೆರ್.
ತುಲುನಾಡ ಧ್ವನಿ ತುಲುಬಾಸೆದ ಬಲ ಆದ್ ಉಂತಡ್.ಈ ಪತ್ರಿಕೆದ ಮುಖೇನ ಸಮಾಜೊನ್ ತಿದ್ದುನ ಬೇಲೆ ಆವಡ್.ಪಂತೊದ ನಿಲೆಟ್ ತುಂಬು ಅಭಿವ್ರದ್ಧಿ ಆವಡ್. ಐತನೇ ಆಯಿನ ಜವಾಬ್ದಾರಿ ಉಪ್ಪಡ್ ಪಂಡುದ್ ಪರಮಪೂಜ್ಯೆರ್ ಈ ಪೊರ್ತುಡು  ಆಶೀರ್ವಚನ ಮಲ್ತೆರ್.

ಒಡಿಯೂರು ಶ್ರೀ ಸಂಸ್ಥಾನದ ಶ್ರೀ ಗುರುದೇವ ಗೇನಮಂದಿರೊಡ್ ಪೂಜ್ಯ ಒಡಿಯೂರು ಶ್ರೀ ಬೊಕ್ಕ ಸಾಧ್ವಿ ಶ್ರೀ ಶ್ರೀ ಮಾತಾನಂದಮಯಿನ ದಿವ್ಯ ಉಪಸ್ಥಿತಿಡ್ ಒಡಿಯೂರು ಶ್ರೀ ಗ್ರಾಮವಿಕಾಸ ಯೋಜನೆದ ಸಂಯೋಜಕೆರ್ ಬೊಕ್ಕ ಸೇವಾದೀಕ್ಷಿತೆರೆನ ಸಮಾವೇಶೊಡ್ “ತುಳುನಾಡ ಧ್ವನಿ” ಲೋಕಾರ್ಪಣೆ ಆಯಿನ ಈ   ವೇದಿಕೆಡ್ ಪೊರ್ತುಡು   ಒ ಡಿಯೂರು ಗ್ರಾಮ ವಿಕಾಸ ಯೋಜನೆದ ಉಡುಪಿ ವಲಯದ ಅಧ್ಯಕ್ಷೆರ್ ಪ್ರಭಾಕರ ಶೆಟ್ಟಿ ಕಬ್ಯಾಡಿ, ಆಕಾಶವಾಣಿ ಕಲಾವಿದೆ ಭಾರತಿ ಟಿ.ಕೆ., ಒಡಿಯೂರು ಷಷ್ಠ್ಯಬ್ದ ಸಂಭ್ರಮದ ಕೇಂದ್ರ ಸಮಿತಿದ ಪ್ರಧಾನ ಕಾರ್ಯದಶರ್ಿ ಶ್ರೀ.ಎ.ಸುರೇಶ್ ರೈ,ಶ್ರೀ ವಿವಿದೋದ್ದೇಶ ಸೌಹಾರ್ದಕಾರಿ ಸೊಸೈಟಿದ ಅಧ್ಯಕ್ಷೆರಾಯಿನ ಶ್ರೀ ತಾರಾನಾಥ್, ಕೇಶವ ಬಂಗೇರ,ರತ್ನ ಮಹಾಬಲ ಕಕರ್ೇರ ಉಪಸ್ಥಿತರಿತ್ತೆರ್.ಪೆರಿಯ  ಪತ್ರಕರ್ತೆರಾಯಿನ ಯಶವಂತ್ ವಿಟ್ಲ ತುಲುನಾಡ ಧ್ವನಿತ್ತ ಬಗ್ಗೆ ಪ್ರಾಸ್ತವಿಕ ಪಾತೆರಿಯೆರ್.