ತಾಸೆದ ಪೆಟ್ಟುಗ್ ಊರುದ ಪಿಲಿಕುಲು ನಲಿಪುನ ಪೊರ್ಲು ತೂಯನಾ: ಪದ ಪಂಡಿನ ಕಮಿಷನರ್

ತುಳುನಾಡುಡ್ ತುಳುವೆರಾದ್ ಪುಟ್ಟುದ್ ತುಳು ಪಾತೆರೆಗ್ ನಾಚಿಕೆ ಮಲ್ಪುನ ನಮ ಕೆಲವ್ ಕಡೆಟ್ ತೂವೊಂದುಲ್ಲ.ತುಳು ಪಾತೆರುಂಡ ಒಲ್ಪ ಗೌರವ ಕಮ್ಮಿಯಾಪುಂಡ ಪನ್ಪಿನ ಪೋಡಿಗೆ ಅಕಲೆಗ್.ಆಂಡ ಕನ್ನಡ ನಾಡುಡ್ ಪುಟ್ಟುದ್ ತುಳುನಾಡುಗ್ ಬೇಲೆಗ್ ಬತ್ತಿನಪಗ ನಮ ತುಳುನಾಡುದ ಬಾಸೆ ಕಲ್ಪೊಡ್,ತುಳುವೆರೆನೊಟ್ಟುಗ್ ಬೆರೆಯೊಡ್ ಪನ್ಪಿನ ಆಶಯ ದೀಯೊಂದ್ ತುಳುಬಾಸೆನ್ ಕಲ್ಪರೆಗ್ ದುಂಬು ಬತ್ತುದ್ ಬಾರೀ ಕುಷಿಟ್ ತುಳುನ್ ಕಲ್ತಿನಾರ್ ಕುಡ್ಲದ ಪೊಲೀಸ್ ಕಮಿಷನರ್ ಎನ್ ಶಶಿಕುಮಾರ್.

ಕುಡ್ಲದ ಪೊಲೀಸ್ ಆಯುಕ್ತೆರೆನ ಕಛೇರಿ ಸಭಾಭವನೊಡ್ ನಡತಿನ ತುಳು ಬೊಕ್ಕ ಬ್ಯಾರಿ ಬಾಸೆದ ತರಬೇತಿ ಶಿಬಿರಡ್ ತುಳು ಪಾತೆರೆಗ್ ಕಲ್ತುದ್ ಸಮಾರೋಪ ಸಮಾರಂಭೋಡ್ ಸಂಗೀತ ಪ್ರಿಯೆರಾಯಿನ ಎನ್.ಶಶಿಕುಮಾರ್(ತಾಸೆದ ಪೆಟ್ಟುಗ್ ಊರುದ ಪಿಲಿಕುಲ್ ನಲಿಪುನ ಪೊರ್ಲು ತೂಯನಾ) ತುಳುಪದೊನ್ ಬಾರೀ ಪೊರ್ಲುಡೇ ಪಂಡುದ್ ತುಳುವೆರೆನೇ ಮೀರಿಸಾಯೆರ್.ನಿಜವಾದುಲಾ ಕರ್ತವ್ಯದ ಒಟ್ಟುಡ್ ಈ ನೆಲತ್ತ ಬಾಸೆಗ್ ಗೌರವ ಕೊರ್ಪಿನ ಪೊಲೀಸ್ ಕಮಿಷನರ್ ನ ಈ ಸಾಧನೆನ್ ಮೆಚ್ಚೊಡಾಯಿನವ್ವೆ.ತುಳುನಾಡುಗ್ ಬತ್ತಿನ ಮಾತಾ ಅಧಿಕಾರಿಲೆಗುಲಾ ಇಂಚೆನೇ ತುಳುಬಾಸೆದ ಮಿತ್ತ್ ಮೋಕೆ ಬತ್ತುಂಡ ತುಳುಬಾಸೆಗ್ ಕುಡಲಾತ್ ಹೆಚ್ಚಿಗೆ ಮಾನಾದಿಗೆ ತಿಕ್ಕು.