ಕೃಷಿಪ್ರಧಾನವಾಯಿನ ತುಳುಮಣ್ಣ್ ಡ್ “ಕುರಲ್ ಕಟ್ಟುನ ಪರ್ಬ” ಗ್ ವಿಶೇಷವಾಯಿನ ಮಾನ್ಯತೆ ಉಂಡು. ಬೆನ್ನಿ ಬೆನ್ಪುನ ಕಂಡೊಲ್ ಪೋದು ಕಟ್ಟಡ ಆವೊಂದುಂಡ್,ಅಂಚಾದ್ ಇಂಚಿತ್ತಿನ ಆಚರಣೆಲು ಇನಿಕ್ ಮದೆಕ್ ಪೋವೊಂದುಂಡ್.ಮದೆಕ್ ಪೋವೊಂದುಪ್ಪುನ ಆಚರಣೆಲೆನ್ ಒರಿಪಾವುನ ಬೇಲೆ ಮಲ್ಪೊಡಾಯಿನವ್ವ್ ಬಾರೀ ಅಗತ್ಯ ಉಂಡು.ಈ ನಿಟ್ಟುಡ್ ಪುತ್ತೂರು ಬಂಟೆರೆನ ಸಂಘದ ಮುಖೇನ ನಡತೊಂದುಪ್ಪುನ ಈ ಕಜ್ಜೊ ನಿಜವಾದುಲಾ ಅರ್ಥಪೂರ್ಣವಾಯಿನವ್ವ್ ಪಂಡುದ್ ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿದ ಗುರ್ಕಾರೆರಾಯಿನ ದಯಾನಂದ ಕತ್ತಲ್ಸಾರ್ ಪಂಡೆರ್.
ಆರು ಉಡುಪಿ ಪುತ್ತೂರು ಬಂಟೆರೆನ ಸಂಘದ ವತಿಡ್ದ್ “ಕಲ್ಯಾಣಿ ನಿವಾಸ”ಡ್ ನಡತಿನ ಕುರಲ ಪರ್ಬದ ಲೇಸ್ ಡ್ ಮಲ್ಲ ಬಿನ್ನೆರಾದ್ ಪಾತೆರಿಯೆರ್.ತುಳು ಸಂಸ್ಕೃತಿನ್ ಒರಿಪಾವುನ ಬೇಲೆ ನನಲಾತ್ ಆವೊಡ್.ಇಂಚ ಮಾತಾ ಸಂಘಸಂಸ್ಥೆಲು ತುಳು ಸಂಸ್ಕೃತಿದ ಬಗ್ಗೆ ಕಜ್ಜೊಲೆನ್ ಆಯೋಜನೆ ಮಲ್ತುಂಡ ತುಳುತ್ತ ಜಾಗೃತಿ ಪುಟ್ಟುಂಡ್ ಪಂಡುದ್ ಪಂಡೆರ್.
ಚಾವಡಿಡ್ ಬಂಟರ ಸಂಘ ಹುಬ್ಬಳ್ಳಿದ ಮಾಜಿ ಅಧ್ಯಕ್ಷೆರಾಯಿನ ಶ್ರೀ ಮಹೇಶ್ ಶೆಟ್ಟಿ ಬೊಕ್ಕ ಉಡುಪಿ ಜಿಲ್ಲಾ ಉತ್ತಮ ಶಿಕ್ಷಕ ಪ್ರಶಸ್ತಿ ಪುರಸ್ಕೃತೆರಾಯಿನ ಶ್ರೀ ದಿನಕರ ಶೆಟ್ಟಿ ಬೊಕ್ಕ ಕಜ್ಜೊದ ಪ್ರಾಯೋಜಕೆರಾಯಿನ ಶಂಕರ್ ಶೆಟ್ಟಿ ಬೊಕ್ಕ ಕಲ್ಯಾಣಿ ಶೆಟ್ಟಿ ಮೊಕ್ಲೆನ್ ಮಾನಾದಿಗೆ ಮಲ್ತೆರ್.
ಪುತ್ತೂರು ಬಂಟರ ಸಂಘದ ಅಧ್ಯಕ್ಷೆರಾಯಿನ ಶ್ರೀ ಶಂಕರ್ ಶೆಟ್ಟಿ ಕಜ್ಜೊದ ಗುರ್ಕಾರ್ಮೆಡಿತೆರ್ .
ಪುತ್ತೂರು ಬಂಟೆರೆನ ಸಂಘದ ಕಾರ್ಯಂತೆರಾಯಿನ ಈಶ್ವರ್ ಶೆಟ್ಟಿ ಚಿಟ್ಪಾಡಿ ಮೇರು ಸುರುತ್ತ ಪ್ರಾಸ್ತವಿಕ ಪಾತೆರ್ದ್ ಬತ್ತಿ ಬಿನ್ನೆರೆನ್ ಎದ್ಕೊಂಡೆರ್.
ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿದ ಪದುಕೆರಾಯಿನ ಚೇತಕ್ ಪೂಜಾರಿ ಬೊಕ್ಕ ಪುತ್ತೂರು ಬಂಟ ಸಂಘದ ಗೌರವಾಧ್ಯಕ್ಷೆರಾಯಿನ ಪುತ್ತೂರು ಪ್ರವೀಣ್ ಶೆಟ್ಟಿ ಮಿತ್ತ ಚಾವಡಿಡ್ ಉಪಸ್ಥಿತರಿತ್ತೆರ್.ವಿಜೇತಾ ಶೆಟ್ಟಿ ಕಜ್ಜೊದ ಮದಿಪು ಕೊರಿಯೆರ್.ಉಮೇಶ್ ಶೆಟ್ಟಿ ಸೊಲ್ಮೆ ಸಂದಾಯ್ತ ಮಲ್ತೆರ್.
ಸಭಾ ಕಜ್ಜೊ ಆಯಿಬೊಕ್ಕ ಸಂಘದ ಜೋಕ್ಲೆನ ಸಾಂಸ್ಕೃತಿಕ ಕಜ್ಜೊಲ್ ನಡತುಂಡ್.
by 