ಎಸ್.ಯು. ಪಣಿಯಾಡಿ ತುಳು ಚಳುವಳಿ ತ ಆದ್ಯಪ್ರವರ್ತಕೆ ಉಡುಪಿಡ್ ಸ್ವತಂತ್ರ ಚಳುವಳಿ ನ್ ತುಳು ರಾಷ್ಟ್ರೀಯ ಚಳುವಳಿಯಾದ್ ಡ್ ತುಳುವ ಮಹಾಸಭಾ ಪನ್ಪಿನ ಸಂಸ್ಥೆ ಸ್ಥಾಪನೆ ಮಲ್ತ್ ದ್ ಇನಿಕ್ ೯೬ ವರ್ಷ ಅತಂ ಡ್ . ಪನಿಏಯಾಡಿಯರೆನ ಈ ಸಂಸ್ಥೆನ್ ತುಳುವೆರ್ ನಮ ನಡಪಾವೊಂದು ಆರೇ ಆಶಯೋನು ನೆರವೇರಿಸೊಡು ಪನ್ದ್ ಉಡುಪಿಡ ನಿವೃತ್ತ ಪ್ರಾಧ್ಯಾಪಕರಾಯಿನ ಪ್ರೊ. ಮುರಳೀಧರ ಉಪಾಧ್ಯ ಮೇರ್ ಉಡುಪಿದ ರಾಷ್ಟ್ರ ಕವಿ ಶ್ರೀ ಗೋವಿಂದ ಪೈ ಸಂಶೋಧನ ಕೇಂದ್ರದ ಸಭಾಂಗಣಡು ಕುಡ್ಲದ ತುಳು ವರ್ಲ್ಡ್ ಫೌಂಡೇಶನ್ ಆಯೋಜನೆ ಮಲ್ತಿನ ತುಳು. ಮಹಾಸಭಾದ ೯೬ ನೆಂಪು ಕಾರ್ಯ ಕ್ರಮಡು ಸಂಪನ್ಮೂಲ ವ್ಯಕ್ತಿಯಾದ್ ಪತೆರೊಂದಿತ್ತೆರ್.
ಈ ಪೊರ್ತುಡ್ ತುಳುಬಾಸೆದ ಬಗೆಟ್ ವಿಶೇಷ ಕಾಳಜಿ ಇತ್ತಿನ ಆರು, ತುಳುಬಾಸೆ ರಾಜ್ಯದ ರಡ್ಡನೇ ಅಧಿಕ್ರತ ಬಾಸೆಯಾದ್ ಆವರೆಗ್ ಕರಿನ ರಡ್ಡ್ ವರ್ಷ ಪಿರಾವುಡ್ ಇತ್ತಿನ ಸರಕಾರದಕುಲು ತುಳುಬಾಸೆ ಅಧಿಕ್ರತ ಆವೊಡು ಪನ್ಪಿನ ಒಂಜಿ ವರದಿನ್ ಮೋಹನ್ ಆಳ್ವೆರೆನ ಮುತಾಲಿಕೆಡ್ ತಯಾರ್ ಮಲ್ದುಂಡ್. ಅವ್ವ್ ಇತ್ತೆ ಮುಖ್ಯಮಂತ್ರಿಲೆನ ಟೇಬಲ್ ಡ್ ಉಂಡು. ಅರೆಬಾಸೆ ಪಾತೆರುನ ಕರ್ನಾಟಕ ಸರಕಾರ ಕನ್ನಡ ಅಭಿವ್ರದ್ಧಿ ಪ್ರಾಧಿಕಾರದ ಅಧ್ಯಕ್ಷೆರಾಯಿನ ಡಾ. ಪುರುಷೋತ್ತಮ ಬಿಳಿಮಲೆ ಬೊಕ್ಕ ಬ್ಯಾರಿ ಬಾಸೆ ಪಾತೆರುನ ಇತ್ತೆದ ಸ್ಪೀಕರ್ ಯು. ಟಿ. ಖಾದರ್ ಮೊಕುಲು ಇರುವೆರ್ಲಾ ತುಳುವೆರಾದಿತ್ತುದ್ ತುಳುಬಾಸೆಗ್ ಎಡ್ಡೆ ಬೆರಿಬಲಲಾ ಕೊರೊಂದುಲ್ಲೆರ್. ಅಕುಲು ಮನಸ್ಸು ಮಲ್ತುದ್ ಮುಖ್ಯಮಂತ್ರಿಲೆನ ಟೇಬಲ್ ದಡೆಗ್ ಪೋದ್ ಒಂತೆ ಚೊರೆ ಮಲ್ತೆರುಡ ಅವ್ವ್ ಖಂಡಿತವಾದ್ ಸಾಧ್ಯ ಉಂಡು ಪಂಡೆರ್.
ಕಾರ್ಯಕ್ರಮಡು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ದ ಸದಸ್ಯೆರಾ ಯಿನ ಉದ್ಯಾವರ ನಾಗೇಶ್ ಕುಮಾರ್,ಸಿರಿತುಳುವ ಚಾವಡಿದ ಈಶ್ವರ್ ಚಿತ್ಪಡಿ,, ಉಡುಪಿ ತುಳುಕೂಟದ ಕಾರ್ಯಂತೆರಾಯಿನ ಗಂಗಾಧರ್ ಕಿದಿಯೂರು, ಸಾಂಗ್ಲಿ.ದಿವಾಕರ ಶೆಟ್ಟಿ , ಪ್ರಾಚ್ಯ ಸಂಚಯ ಸಂಶೋಧನಾ ಕೇಂದ್ರದ ಅಧ್ಯಕ್ಷೆರಾಯಿನ ಶ್ರೀ ಕೃಷ್ಣಯ್ಯ,ಅಖಿಲಭಾರತ ತುಳುಒಕ್ಕೂಟದ ಕೋಶಾಧಿಕಾರಿ ಚಂದ್ರಹಾಸ ದೇವಾಡಿಗ ,ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿದ ಮಾಜಿ ಸದಸ್ಯೆರಾಯಿನ ತಾರಾ ಆಚಾರ್ಯ,. ಜೈ ತುಳುನಾಡ್ ಸಂಘಟನೆದ ಸಂತೋಷ್, ಸುಶೀಲ ಜಯಕರ, ಉಡುಪಿದ ಬೇತೆ ಬೇತೆ ತುಳು ಕೂ ಟಳೆನ ಸದಸ್ಯೆರ್ ಉಪಸ್ಥಿತಿ ಇತ್ತೆ.ರ್ .
ತುಳು ವರ್ಲ್ಡ್ ಫೌಂಡೇಶನ್ ದ ಪ್ರಧಾನ ಕಾರ್ಯದರ್ಶಿ ಪ್ರೊ. ಪುರುಷೋತ್ತಮ ಬಲ್ಯಾ ಯ ಮೇರ್ ಸ್ವಾಗತ ಮಲ್ತೆ ರ್. ದಾ.. ರಾಜೇಶ್ ಕೃಷ್ಣ ಆಳ್ವ ಫೌಂಡೇಶನ್ ದ ಉದ್ದೇಶ.ಬೊಕ್ಕ.ಕಾರ್ಯಕ್ರಮದ ರೂಪುರೇಷೆ ದ ಬಗೆಟ್ ಪಾತೆರ್ದ್ 2028ಗ್ ತುಳುವ ಮಹಾಸಭೆತ್ತ 100ನೇ ವರ್ಷದ ಗೌಜಿದ ಪೊರ್ತುಡ್ ವಿಶ್ವಮಟ್ಟಡ್ ಮಲ್ಪುನ ಯೌಜನೆಗ್ ಇತ್ತೆನೇ ತುಳುವೆರ್ ಕಾರ್ಯಪ್ರವ್ರತ್ತರಾವೊಡ್ ಪಂಡುದ್ ಅಭಿಪ್ರಾಯ ಪಟ್ಟೊಂಡೆರ್ . ಒತ್ತು ಗುರ್ಕಾರ್ದಿ ಶ್ರೀಮತಿ.ತಾರಾ ಆಚಾರ್ಯ ಸೊಲ್ಮೆಸಂದಾಯ್ತ ಮಲ್ತೆರ್.
ಸಭೆಟ್ ತುಳುವರ್ಲ್ಡ್ ಫೌಂಡೇಶನ್ ಗ್ ಸದಸ್ಯೆರಾಯಿನಕ್ಲೆಗ್ ಬ್ಯಾಡ್ಜ್ ಕೊರಿಯೆರ್.
by 