ತುಲುವೆ ನಂಕ್ ಮಾತ..ಕುಡ್ತು ಲಕ್ಕುಲೆ ಓ ಜವನೆರೆ

ತುಲುವೆ ನಂಕ್ ಮಾತ

ಕುಡ್ತು ಲಕ್ಕ್ ಲೆ ಓ ಜವನೆರೆ
ಯಾವು ನನಲ ನಿದ್ರೆ
ಆಜ ಪಾಡ್ ಲೆ ತುಲುನು ಒರಿಪೆರೆ
ತುಲುಕಾದ್ ನನಲ ಬೆನ್ರೆ

ಸೂರ್ಯೆಚಂದ್ರೆರೆ ನಿತ್ಯ ಮೆರೆಪಲೆ
ತುಲುವ ಅಪ್ಪೆ ನಡೆಟ್
ಎತ್ತರೆತ್ತರ ಮಿತ್ತ್ ಏರಲೆ
ತುಲುವ ನಾಡ ಕೊಡಿನ್

ಅನ್ಯಾಯೊಗು ತಿರ್ಗ್ ಉಂತುಲೆ
ನಿಕುಲು ತಿಗಲೆ ಕೊರ್ದು
ಸತ್ಯ ಧರ್ಮೊನು ನಿಕುಲು ಗೆಂದ್ ಲೆ
ಅಯಿತ ತಿರ್ಲ್ ತೆರಿದ್

ಅಪ್ಪೆ ಬಾಸೆಗ್ ಬಿಲೆನೆ ತಿಕ್ಕೊಡು
ತಾನ ಮಾನ ಕೊರೊಡು
ಒಪ್ಪ ಉಂತುಲೆ ಹಕ್ಕ್ ಕೇನೆರೆ
ಪುಗೆಲ್ ಪುಗೆಲ್ ಕೊರ್ದು

ಪುಟ್ಟಿ ಮಣ್ಣ್ ಗ್ ಪುಡ್ಯ ಪಾಡೆರೆ
ಪಂಡ್ ಕೊರೊಡು ದಾಯೆ
ಗಾಳಿ ನೀರ್ ಡ್ ಉರಲ್ ಕೇನೆರೆ
ತುಲು ನಾಡ್ ಮಲ್ಲ ಮಾಯೆ

ಇಲ್ಲ ಜೋಕ್ಲೆಗ್ ತುಲುವ ಪಾತೆರ
ಪಂಡ್ ಕೊರೊಡು ಪೊರ್ಲು
ಅಪ್ಪೆ ಬಾಸೆಡೆ ಬರವು ಕಲ್ಪೆರೆ
ಅನುವು ಮಂತ್ ಕೊರ್ಲೆ

ತುಲುತ ಅಚ್ಚರ ಲಿಪಿನ್ ಕಲ್ಪೊಡು
ತುಲುವ ಮಂದೆ ಮಾತಾ
ತುಲುಟು ಬರೆಯೊಡು ತುಲುಟು ಬಿರೆಯೊಡು
ತುಲುವೆ ನಂಕ್ ಮಾತಾ
಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼
ಕುವಿಕು ಕಣ್ವತೀರ್ಥ