ತುಲುವೆರೆ ಕಲ ಕೂಟದ ಸುರುತ್ತ ವರ್ಷದ ಉಚ್ಚಯ ಮೇ.1 ತಾರೀಕುದಾನಿ ಕುಡ್ಲದ ಶಾರದಾ ವಿದ್ಯಾಲಯಡ್ ನಡತುಂಡ್. ತುಲುವೆರೆ ಕಲ ಕೂಟದ ಗುರ್ಕಾರ್ದಿ ಶ್ರೀಮತಿ ಗೀತಾ ಲಕ್ಷ್ಮೀಶ್ ಕಜ್ಜೊದ ಗುರ್ಕಾರ್ಮೆಡಿತ್ತೆರ್. ಶಾರದಾ ವಿದ್ಯಾಲಯದ ಪ್ರಾಂಶುಪಾಲೆರಾಯಿನ ಶ್ರೀ ದಯಾನಂದ ಕಟೀಲ್ ಕಜ್ಜೊದ ಉದಿಪನ ಮಲ್ತುದ್ ಎಡ್ಡೆಪ್ಪು ಬಯಕಿಯೆರ್. ಶ್ರೀ ಕದ್ರಿ ನವನೀತ ಶೆಟ್ಟಿ ಮೇರು ಕೂಟದ ಯೂಟ್ಯೂಬ್ ಚಾನೆಲ್ ಬುಡುಗಡೆ ಮಲ್ತೆರ್. ಮಿತ್ತರ್ಮೆಡ್ ಮಲ್ಲ ಬಿನ್ನೆರಾದ್ ಸಾಹಿತಿ ಸದಾನಂದ ನಾರಾವಿ, ಕಾ. ವೀ. ಕ್ರಷ್ಣದಾಸ್, ರಾಜೇಂದ್ರ ಪ್ರಸಾದ್ ಎಕ್ಕಾರ್, ಮೊಕುಲು ಮಾತಾ ಪಾಲ್ ಪಡೆದಿತ್ತೆರ್.
ಈ ಲೇಸ್ ಡ್ ಸಾಹಿತಿ ಮುದ್ದು ಮೂಡುಬೆಳ್ಳೆ ತುಳು ಸಾಹಿತ್ಯದ ಬುಲೆಚ್ಚಿಲ್ ದ ಬಗೆಟ್ ಪಾತೆರಿಯೆರ್. ಕಜ್ಜೊಡ್ ತುಳು ಮಾಧ್ಯಮ ಕ್ಷೇತ್ರೊಡ್ ಮೆನ್ಕೊಂದುಪ್ಪುನ ಟೈಮ್ಸ್ ಆಫ್ ಕುಡ್ಲ ತುಳು ಪತ್ರಿಕೆ, ಪೂವರಿ,ಪಿಂಗಾರ, ತುಳುನಾಡು ವಾರ್ತೆ ಪತ್ರಿಕೆಲೆಗ್ ಕೂಟದ ವತಿಡ್ದ್ ಮಾನಾದಿಗೆ ನಡತುಂಡ್.
ಅಂಚೆನೇ ವಿಶೇಷಚೇತನ ಬರವುಗಾರ್ತಿ ದಿವ್ಯ ಆಂಚನ್ ಪಕ್ಷಿಕೆರೆ, ಹರಿಣಿ ಶೆಟ್ಟಿ, ಪದ್ಮನಾಭ ಪೂಜಾರಿ ನೇರಂಬೋಳು ಮೊಕ್ಲೆಗ್ “ಕಲತ್ತ ಬೊಳ್ಳಿ” ಮಾನಾದಿಗೆ ಮಲ್ತೆರ್.
ಸಾಹಿತಿಲಾಯಿನ ವಿಜಯಲಕ್ಷ್ಮಿ ಕಟೀಲು, ಡಾ. ವೀಣಾ ರಾಮಚಂದ್ರ, ರಾಜಶ್ರೀ ಟಿ. ರೈ ಪೆರ್ಲ, ವೀಣಾ ಟಿ. ಶೆಟ್ಟಿ, ರಘು ಇಡ್ಕಿದು, ಅಕ್ಷಯಾ ಆರ್. ಶೆಟ್ಟಿ ಮೊಕುಲು ತುಳುವೆರೆ ಕಲತ್ತ ಮಸ್ತಿರೆಲೆನ್ ಬುಡುಗಡೆ ಮಲ್ತುದ್, ಪರಿಚಯ ಮಲ್ತ್ ಕೊರಿಯೆರ್.
ತುಲುವೆರೆ ಕಲತ್ತ ಪದುಕೆರೆಡ್ದ್ ಕಲಾಚಾತುರ್ಪು ತೂಪರಿಕೆ ಇತ್ತುಂಡ್. ಅಂಚೆನೇ 40 ಜನ ಕಬಿಕೆಲೆಡ್ದ್ ತುಳು ಚಿಟ್ಕ ಕಬಿಕೂಟ ನಡತುಂಡ್. ಅಕೇರಿಗ್ ಸಾಹಿತಿ ಸದಾನಂದ ನಾರಾವಿ ಮುಗಿತಲದ ಮದಿಪು ಕೊರಿಯೆರ್. ರೇಣುಕಾ ಕಣಿಯೂರು ಲೇಸ್ ಸುಧಾರಿಕೆ ಮಲ್ತೆರ್.
by 