ವಿಧಿತ್ತ ಗೊಬ್ಬುಗ್ ಒಂಜೇ ದಿನ ಬಲಿಯಾಯಿನ ಮೆಗ್ಗೆ – ಪರಯೆ….

ವಿಧಿಯ ಆಟ ಎಂಚಿನ ಘೋರ, ಒಂಜೇ ದಿನ ಸಂಗೀತದ ಸ್ವರ ಉಂತಾಯಿನ ಸಹೋದರೆರು

: ಅಣ್ಣ ಬೊಕ್ಕ ಮೆಗ್ಗೆ ಒಂಜೇ ದಿನ ತೀರ್ ಪೋಯಿನ ಘಟನೆ ಗುರುವಾರ ಬ್ರಹ್ಮಾವರ ತಾಲೂಕುದ ದೇವಾಡಿಗರಬೆಟ್ಟುಡ್ ನಡತುಂಡ್. ದೇವಾಡಿಗರಬೆಟ್ಟು ರಘುನಾಥ ದೇವಾಡಿಗ ಬೊಕ್ಕ ಸುಮತಿ ದೇವಾಡಿಗ ಅರೆನ ರಾಘವೇಂದ್ರ ಯಾನೇ ಮೋನ (40) ಗಣೇಶ್ ದೇವಾಡಿಗ (51) ತೀರ್ ಪೋಯಿನಕುಲು.

ಗುರುವಾರ ಕಾಂಡೆ ರಾಘವೇಂದ್ರ ಯಾನೆ ಮೋನ ಮೇರು ಅಲ್ಪಕಾಲದ ಅಸೌಖ್ಯಡ್ ತೀರ್ ಪೋಯಿನ ಸುದ್ದಿ ತೆರಿದ್ ಮಧ್ಯಾಹ್ನ ಗಣೇಶ್ ದೇವಾಡಿಗ ಆರುಲಾ ತೀರ್ ಪೋಯೆರ್. ಮೊಕುಲು ಇರುವೆರ್ಲಾ ಒಂಜೇ ಇಲ್ಲಡ್ ಇತ್ತೆರ್.

ಇರುವೆರ್ಲಾ ವಾದ್ಯ ಸಂಗೀತಡ್ ನಾಡುಡ್ ಪುಗಾರ್ತೆನ್ ಪಡೆದೆರ್. ಒಂಜೇ ದಿನ ಸಂಗೀತದ ಸ್ವರ ಉಂತಾಯಿನ ಸಹೋದರೆರೆನ ಸಾವುಗ್ ಇಡೀ ಗ್ರಾಮನೇ ಬೇಜಾರುಡುಂಡ್. ಕುಟುಂಬಸ್ಥೆರೆನ ಆಕ್ರಂದನ ಬಾನೊಗ್ ಮುಟ್ಟುದುಂಡ್. ಜವರಾಯ ಸಹೋದರೆರ್ ಒಂಜೇ ದಿನ ಬಲಿ ಪಡೆತುದ್ ಕುಟುಂಬಗ್ ಆಘಾತ ಕೊರ್ತೆ.