ಅ.ಭಾ.ತುಳು ಒಕ್ಕೂಟಡ್ದ್ ಖಾವಂದೆರೆಗ್ ಮಾನಾದಿಗೆ

ಅಖಿಲ ಭಾರತ ತುಳು ಒಕ್ಕೂಟದ ಗೌರವ ಅಧ್ಯಕ್ಷ ಬಿ ಜಯಕರ್ ಶೆಟ್ಟಿ ಇಂದ್ರಾಳಿ ಮೆರೆನ ನೇತೃತ್ವಡ್ ಧರ್ಮಾಧಿಕಾರಿ ಡಾ. ಡಿ ವೀರೇಂದ್ರ ಹೆಗ್ಗಡೆ ಮೆರೆಗ್ ಗೌರವಾಭಿನಂದನೆ.

ತಮ್ಮ ಧಾರ್ಮಿಕ ಶೈಕ್ಷಣಿಕ ಸಾಮಾಜಿಕ ಕಾರ್ಯಕ್ರಮೊಲೆಡ್ ರಾಜ್ಯ ಸಭೆಕ್ ನಾಮ ನಿರ್ದೇಶನ ಆಯಿನ ಧರ್ಮಸ್ಥಳದ ಧರ್ಮಾಧಿಕಾರಿ ರಾಜಶ್ರೀ ಡಾ. ಡಿ ವೀರೇಂದ್ರ ಹೆಗ್ಗಡೆರೆಗ್ ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ಅಖಿಲ ಭಾರತ ತುಳು ಒಕ್ಕೂಟ ಬೊಕ್ಕ ಬೇತೆ ಬೇತೆ ತುಳುಕೂಟದ ಪದಾಧಿಕಾರಿಲು 18.07.2022 ತಾರೀಕುದಾನಿ ಭೇಟಿ ಕೊರ್ದ್ ಅಭಿನಂದನೆ ಮಲ್ತುದ್ ಫಲಪುಷ್ಪ ಸಮರ್ಪಣೆ ಮಲ್ತುದ್ ಅರೆನ ಆಶೀರ್ವಾದ ದೆತೊಂಡೆರ್.
ಒಕ್ಕೂಟದ ಗೌರವಾಧ್ಯಕ್ಷೆರಾಯಿನ ಬಿ ಜಯಕರ್ ಶೆಟ್ಟಿ ಇಂದ್ರಾಳಿ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಅಧ್ಯಕ್ಷೆರಾಯಿನ ಎ.ಸಿ. ಭಂಡಾರಿ, , ಉಪಾಧ್ಯಕ್ಷ ದಿವಾಕರ್ ಶೆಟ್ಟಿ ಸಾಂಗ್ಲಿ, ಮೂಡುಬಿದ್ರೆ ತುಳುಕೂಟದ ಚಂದ್ರಹಾಸ ದೇವಾಡಿಗ, ಒಕ್ಕೂಟದ ಕೋಶಾಧಿಕಾರಿ ಕರುಣಾಕರ್ ಶೆಟ್ಟಿ, ಉಡುಪಿ ತುಳುಕೂಟದ ಕಾರ್ಯದರ್ಶಿ ಗಂಗಾಧರ್ ಕಿದಿಯೂರ್, ಕೋಶಾಧಿಕಾರಿ ಚೈತನ್ಯ ಎಂ.ಜಿ., ಪ್ರಭಾಕರ್ ಭಂಡಾರಿ, ಹರೀಶ್ ನೀರುಮಾರ್ಗ, ತಾರಾನಾಥ್ ಬೋಳಾರ್, ಕಡಬ ತುಳುಕೂಟದ ಉಮೇಶ್ ಕೆ ಬೊಕ್ಕ ಒಕ್ಕೂಟದ ಪಿ.ಎ. ಪೂಜಾರಿ ಇತ್ತೆರ್.