ರಾಜ್ಯ ಸಭೆಕ್ ನಾಮನಿರ್ದೇಶನ ಆಯಿನ ಖಾವಂದೆರೆಗ್ ತುಲುನಾಡ್ ಒಕ್ಕೂಟದ ಪದುಕೆರೆಡ್ದ್ ಮಾನಾದಿಗೆ

 ತುಲುನಾಡ್ ಒಕ್ಕೂಟದ ಪದುಕೆರ್ ಶ್ರೀ ಕ್ಷೇತ್ರ ಕುಡುಮಡ್ ರಾಜ್ಯಸಭಾ ಸದಸ್ಯೆರಾದ್ ನಾಮನಿರ್ದೇಶನ ಅಯಿನ ಡಾ. ವೀರೇಂದ್ರ ಹೆಗ್ಗಡೆರೆನ್ ಭೇಟಿಯಾದ್ ಅರೆಗ್ ಎಡ್ಡೆಪ್ಪುಲು ಬಯಕ್ಸ್ ತುಲು ಭಾಸೆನ್ ಸಂವಿಧಾನದ 8ನೇ ಪರಿಚ್ಛೇದಗ್ ಸೇರಾಸವುನ ಕಜ್ಜ ಮಲ್ಲೊಡು ಪಂಡ್ ಬಿನ್ನಪ್ಪು ಮಲ್ತ್ಂಡ್. ಅಂಚೆನೆ ಭಾರತ ದೇಸೋಡು ಪೊಸ ರಾಜ್ಯೋಲೆನ ಉದಿಪುದ ಪಾತೆರ ಜೊರುಡೆ ಕೇನೊಂದು ಇಪ್ಪುನ ಈ ಪೋರ್ತುಡು ಪೊಸ ರಾಜ್ಯೋಲೆನ ಉದಿಪ್ಪುದ ಸಂಧರ್ಬೊಡು ತುಲುನಾಡ್ ರಾಜ್ಯೋಲ ಉದಿತ್ ಬರಡ್ ಪಂಡ್ ಬಿನ್ನಪ್ಪು ಮಲ್ಲ. ಈ ಸಂದರ್ಬೋಡು ತುಲುನಾಡ್ ಒಕ್ಕೂಟದ ಸಂಸ್ಥಾಪಕೆ‌ ಶೈಲೇಶ್ ಆರ್. ಜೆ., ತುಲುನಾಡ್ ಒಕ್ಕೂಟ ಚಾವಡಿ ಕೂಟದ ಗುರ್ಕಾರ್ಲು ಶೇಖರ್ ಗೌಡತ್ತಿಗೆ, ಕಾರ್ಯಂತೆರ್ ವಿನ್ಸೆಂಟ್ ಲೋಬೋ, ಒತ್ತು ಕಾರ್ಯಂತೆರ್ ಉಮೇಶ್ ಆಚಾರ್ಯ, ಬೊಲ್ಲೇರ್ ತಾಲ್ಲೂಕು ಕೂಟದ ಗುರ್ಕಾರ್ಲು ರಾಜೇಶ್ ಕುಲಾಲ್, ಕಾರ್ಯಂತೆ‌ ರಾಜು ಬಿ. ಎಚ್., ತುಲುವೆರೆ ಪಕ್ಷ ಚಾವಡಿ ಕೂಟದ ಒತ್ತು ಗುರ್ಕಾರ್ಲು ನವೀನ್ ಪೂಜಾರಿ ಅಡ್ಕದಬೈಲು, ತುಲುವೆರೆ ಪಕ್ಷ ಕರಂಬಾರ್ ಗ್ರಾಮ ಸಮಿತಿ ಗುರ್ಕಾರ್ಲು ಉಮೇಶ್ ಕುಲಾಲ್, ತುಲುವೆರೆ ಪಕ್ಷ ಮುಗೇರ್ ಗ್ರಾಮ ಸಮಿತಿದ ಗುರ್ಕಾರ್ಲು ಅಶ್ವಥ್ ಕುಲಾಲ್, ತುಲುವೆರೆ ಪಕ್ಷ ಬೊಲ್ಲೇರ್ ಸೀಮೆದ ಒತ್ತು ಗುರ್ಕಾರ್ಲು ರಮೇಶ್ ಸಾಲಿಯಾನ್ ಪಾಲ್ ಪಡೆಯೆರ್.