ತುಲುಬಾಸೆದ ನ್ಯಾಯಗಾದ್ ವಿಧಾನಸೌಧಡ್ ಗಟ್ಟಿ ಸೊರ ದೆಪ್ಪುವೆ: ಯಶ್ಪಾಲ್ ಸುವರ್ಣ.

ತುಳುಬಾಸೆದ ನ್ಯಾಯಗಾದ್ ತುಳುವೆರ್ ನಿರಂತರವಾದ್ ಹೋರಾಟ ಮಲ್ತೊಂದಿತ್ತುಂಡಲಾ ಇದಮುಟ್ಟ ತುಳುಕ್ ಮಾನ್ಯತೆ ತಿಕ್ಕಂದಿನವ್ ಬಾರೀ ಬೇಜಾರುದ ಸಂಗತಿ.ಉಡುಪಿ ತುಳುಕೂಟ ಒಂಜಿ ಪೆರ್ಮೆದ ಕೂಟ.ಕೂಟಡ್ ವರ್ಷೊಡ್ ನಡಪುನ ತುಳುಪರ ಕಾರ್ಯಕ್ರಮೊಲು ದುಂಬುದ ಪೀಳಿಗೆಗ್ ಸ್ಪೂರ್ತಿ ಯಾವಡ್..ಪಂಡುದ್ ಉಡುಪಿ ವಿಧಾನಸಭಾ ಕ್ಷೇತ್ರದ ಶಾಸಕೆರಾಯಿನ ಶ್ರೀ ಯಶ್ ಪಾಲ್ ಸುವರ್ಣೆರ್ ಪಂಡೆರ್.ಆರು ಉಡುಪಿ ತುಳುಕೂಟದ ವತಿಡ್ದ್ ನಡತಿನ ಪಣಿಯಾಡಿ ತುಳುಕಾದಂಬರಿ ಪ್ರಶಸ್ತಿ ಪ್ರದಾನ ಸಮಾರಂಭೊಡ್ ಮಲ್ಲ ಬಿನ್ನೆರಾದ್ ಪಾಲ್ ಪಡೆದ್ ಪಾತೆರಿಯೆರ್.

ತುಳುಬಾಸೆದ ನ್ಯಾಯಗಾದ್ ವಿಧಾನಸೌಧೊಡ್ ಖಂಡಿತ ಹೋರಾಟ ಮಲ್ಪುವೆ ಪಂಡುದ್ ಈ ಪೊರ್ತುಡ್ ತುಳುಕೂಟಗ್ ಭರವಸೆ ಕೊರಿಯೆರ್.

ತುಳುಕೂಟದ ವತಿಡ್ದ್ ಪೊಸತಾದ್ ಶಾಸಕೆರಾದ್ ಆಯ್ಕೆ ಆಯಿನ ಶ್ರೀ ಯಶ್ ಪಾಲ್ ಸುವರ್ಣ ಮೆರೆಗ್ ತುಲುಕೂಟದ ವತಿಡ್ದ್ ಮಾನಾದಿಗೆ ನಡತುಂಡ್.