ಆಲಿಯಾ ಕ್ರಿಯೇಷನ್ ಬ್ಯಾನರ್ ದ ಅಡಿಟ್ ತುಳು ಬಾಸೆ,ಸಂಸ್ಕೃತಿ ಬೊಕ್ಕ ಕಲೆನ್ ಪ್ರೋತ್ಸಾಹ ಮಲ್ಪುನ ನಿಟ್ಟುಡ್ ಮೂಡ್ದ್ ಬರ್ಪಿನ ತುಳು ಆಲ್ಬಮ್ ಪದ “ಎನ್ನಂದೆ ಈ ಬತ್ತ” ನೆತ್ತ ಪೋಸ್ಟರ್ ಬುಡುಗಡೆ ಬೊಕ್ಕ ಚಿತ್ರೀಕರಣದ ಮುಹೂರ್ತ ಕಜ್ಜೊ ಉಂದುವೇ ಬರ್ಪಿನ ಅಕ್ಟೋಬರ್ 17 ತಾರೀಕುದಾನಿ ಮಣಿಪಾಲದ ಇಟಾಲೊ ಫ್ಯಾಮಿಲಿ ರೆಸ್ಟೋರೆಂಟ್ ದ ಸಭಾಂಗಣೊಡ್ ಬೈಯಗ್ 4 ಗಂಟೆಗ್ ನಡಪರೆಗುಂಡ್.
ರಾಷ್ಟ್ರೀಯ ಪ್ರಶಸ್ತಿ ಪುರಸ್ಕೃತ “ಚೋಮನ ದುಡಿ” ಚಿತ್ರದ ನಿರ್ಮಾಪಕೆರಾಯಿನ ಶ್ರೀ ಅಶೋಕ್ ಸುವರ್ಣ ಬೊಲ್ಪು ಅರ್ಲಾದ್ ಕಜ್ಜೊದ ಉದಿಪನ ಮಲ್ಪರೆಗುಲ್ಲೆರ್.ತುಲುನಾಡ ಧ್ವನಿ ಅಂತರ್ಜಾಲ ಪತ್ರಿಕೆದ ಮುಖ್ಯಸ್ಥೆರಾಯಿನ ಶ್ರೀಮತಿ ಯಶೋದ ಕೇಶವ್ ಪೋಸ್ಟರ್ ಅನಾವರಣ ಮಲ್ಪರೆಗುಲ್ಲೆರ್.ಉಡುಪಿ ಮಲಬಾರ್ ಗೋಲ್ಡ್ & ಡೈಮಂಡ್ಸ್ ದ ಮುಖ್ಯಸ್ಥೆರಾಯಿನ ಶ್ರೀ ಹಫೀಜ್ ರೆಹಮಾನ್ ಚಿತ್ರೀಕರಣದ ಮುಹೂರ್ತ ಮಲ್ಪರೆಗುಲ್ಲೆರ್.
ಮಲ್ಲ ಬಿನ್ನೆರಾದ್ ಸಿನೆಮಾ ನಟೆ ಬೊಕ್ಕ ನಿರ್ಮಾಪಕೆರಾಯಿನ ರಕ್ಷಿತ್ ಶೆಟ್ಟಿ,ಉಡುಪಿ ನಗರ ಸಭಾ ಸದಸ್ಯೆರಾಯಿನ ರಮೇಶ್ ಕಾಂಚನ್,ಯುವ ಉದ್ಯಮಿಲಾಯಿನ ಮಹೇಶ್ ಠಾಕೂರ್,ಸುಧೀರ್ ಪೂಜಾರಿ,ಶಮೀಮ್ ಹೈದರ್ ಬಿ.ಕೆ., ಮಹಮ್ಮದ್ ಅಲಿ,ಸಮಾಜ ಸೇವಕಿ ನೀತಾ ಪ್ರಭು,ಕಿರುತೆರೆ ನಟಿ ರಂಜಿತಾ ಶೇಟ್ ಉಪಸ್ಥಿತರಿಪ್ಪುವೆರ್.ಪಂಡುದ್ ಚಿತ್ರದ ನಿರ್ಮಾಪಕೆರಾಯಿನ ಅನ್ಸಾರ್ ಅಹಮ್ಮದ್,ಪ್ರಮೋದ್ ಉಚ್ಚಿಲ್ ಪತ್ರಿಕೆಗ್ ತೆರಿಪಾದೆರ್.
ತುಳುವೆರ್ ಬತ್ತುದ್ ಸಹಕಾರ ಮಲ್ಪೊಡ್ ಪಂಡುದ್ ಬಿನ್ನಪ ಮಲ್ತುದೆರ್.
by 