ಉಡುಪಿ ಟಿವಿ9 ಕೆಮೆರಾಮೆನ್ ದಿನೇಶ್ ಎಂ.ಎಚ್.ಗ್ ಬುಡುಕೊರಿನ ಪೊರ್ತು.
ಉಡುಪಿ, ಜೂ.13: ಕರಿನ 3 ವರ್ಷ ಕಾಲ ಉಡುಪಿಡ್ ಕಾರ್ಯನಿರ್ವಹಣೆ ಮಲ್ತುದ್ ಇತ್ತೆ ದಾವಣಗೆರೆಗ್ ವರ್ಗಾವಣೆ ಆಯಿನ ಟಿವಿ 9 ಟಿವಿ ವಾಹಿನಿದ ಕ್ಯಾಮೆರಮೆನ್ ಬೊಕ್ಕ ಉಡುಪಿ ಪತ್ರಿಕಾ ಭವನ ಸಮಿತಿದ ಕಾರ್ಯಕಾರಿ ಸಮಿತಿ ಸದಸ್ಯ ದಿನೇಶ್ ಎಂ.ಎಚ್. ಮೆರೆಗ್ ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ಬೊಕ್ಕ ಉಡುಪಿ ಪತ್ರಿಕಾ ಭವನ ಸಮಿತಿದ ಜಂಟಿ ಆಶ್ರಯಡ್ ಬುಡ್ದ್ ಕೊರ್ಪಿನ ಸಮಾರಂಭ ಗುರುವಾರ ಉಡುಪಿ ಪತ್ರಿಕಾ ಭವನಡ್ ಆಯೋಜನೆ ಮಲ್ದಿತ್ತೆರ್.
ಈ ಸಂದರ್ಭಡ್ ದಿನೇಶ್ ಎಂ.ಎಚ್. ಅರೆನ್ ಉಡುಪಿ ವಾರ್ತಾಧಿ ಕಾರಿ ಮಂಜುನಾಥ್ ಸನ್ಮಾನ ಮಲ್ತೆರು. ಅಧ್ಯಕ್ಷತೆಡ್ ಉಡುಪಿ ಜಿಲ್ಲಾ ಕಾರ್ಯ ನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ರಾಜೇಶ್ ಶೆಟ್ಟಿ ಇತ್ತೆರು. ಸಂಘದ ರಾಜ್ಯ ಸಮಿತಿ ಸದಸ್ಯ ಕಿರಣ್ ಮಂಜನಬೈಲು, ಪತ್ರಿಕಾ ಭವನ ಸಮಿತಿ ಸಂಚಾಲಕ ಅಜಿತ್ ಆರಾಡಿ, ಸಂಘದ ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ಉಪಸ್ಥಿತರಿತ್ತೆರು.
ಉಡುಪಿಗ್ ವರ್ಗಾವಣೆ ಆದ್ ಬತ್ತಿನ ಪ್ರಜಾವಾಣಿ ಜಿಲ್ಲಾ ವರದಿ ಗಾರ ನವೀನ್ ಕುಮಾರ್ ಜಿ. ಬೊಕ್ಕ ಟಿವಿ 9 ಕೆಮೆರಾಮೆನ್ ರಾಮು ಅಕ್ಲೆನ್ ಸ್ವಾಗತ ಮಲ್ತೆರ್. ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಸ್ವಾಗತ ಮಲ್ತೆರು. ಕಾರ್ಯದರ್ಶಿ ರಹೀಂ ಉಜಿರೆ ಕಾರ್ಯಕ್ರಮ ನಿರೂಪಣೆ ಮಲ್ತೆರು. ಪತ್ರಿಕಾ ಭವನ ಸಮಿತಿದ ಸಹಸಂಚಾಲಕ ಅಂಕಿತ್ ಶೆಟ್ಟಿ ವಂದಿಸಾಯೆರು
by 