ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನ ಇಡೀ ದೇಶೊಡೇ ಪುಗಾರ್ತೆನ್ ಪಡೆಯಿನ ಕ್ಷೇತ್ರ ಆದಿತ್ತುದ್, ಕರಿನ ರಡ್ಡ್ ವರ್ಷಡಿಂಚಿ ಮುಲ್ಪ ಮಾರ್ಣಮಿದ ಉಚ್ಚಯ ಬಾರೀ ಗೌಜಿಡ್ ನಡತೊಂದುಂಡ್. ಮೊಗವೀರ ಮುಂದಾಳು ಸಮಾಜಸೇವಕೆರಾಯಿನ ನಾಡೋಜ ಡಾ. ಜಿ. ಶಂಕರ್ ಮೆರೆನ ಮುತಾಲಿಕೆಡ್ ನಡತೊಂದುಪ್ಪುನ ದಸರಾ ಗೌಜಿ ಈ ಸರ್ತಿಲಾ ಬಾರೀ ವಿಶೇಷ ರೀತಿಡ್ ನಡತೊಂದುಂಡ್. ಮುಲ್ಪದ ದೇವಳದ ಪೊರ್ಲುನ್ ತೂವರೆಗ್ ದೇಶ ವಿದೇಶೊಡ್ದ್ ಜನ ಬರೊಂದುಲ್ಲೆರ್. ದಿನೊನಿತ್ಯ ದೇವಳಡ್ ವಿಶೇಷ ಪೂಜೆದೊಟ್ಟುಗ್ ಬತ್ತಿನ ಮಾತಾ ಭಕ್ತಾದಿಲೆಗ್ ಅನ್ನಸಂತರ್ಪಣೆಲಾ ಮುಲ್ಪ ನಡಪುಂಡ್.
ಅಂಚಾದ್ ಮುಲ್ಪ ಬರ್ಪಿನ ಮಾತಾ ಭಕ್ತಾದಿಲೆಗ್ ದೇವಿನ ದರುಶನ ಭಾಗ್ಯೊನ್ ಕಲ್ಪಿಸಾದ್ ಕೊರೊಡು, ಪ್ರಾಯದಕುಲು, ವಿಕಲಚೇತೆನೆರ್ ಲಾ ದೇವಳಗ್ ಬರ್ರೆಗ್ ಸುಲಭ ಆಪಿಲೆಕ್ಕ ವಿದ್ಯುತ್ ಚಾಲಿತ ಗಾಡಿನ್ ಇನಿ ಕರ್ನಾಟಕ ಬ್ಯಾಂಕ್ ದ ವತಿಡ್ದ್ ಇನಿ ದೇವಳಗ್ ಹಸ್ತಾಂತರ ಮಲ್ತೆರ್.
ಕರ್ನಾಟಕ ಬ್ಯಾಂಕುದ ಸಿ.ಎಸ್.ಆರ್ ಅನುದಾನಡ್ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನಗ್ ಸುಮಾರು 5,20,750 ವೆಚ್ಚದ 6 ಸೀಟುದ ವಿದ್ಯುತ್ ಚಾಲಿತ ಗಾಡಿನ್ ಹಸ್ತಾಂತರ ಮಲ್ತೆರ್.ಈ ಪೊರ್ತುಡ್ ನಾಡೋಜ ಡಾ. ಜಿ. ಶಂಕರ್, ದಸರಾ ಸಮಿತಿದ ಅಧ್ಯಕ್ಷೆರ್, ಕ್ಷೇತ್ರಾಡಳಿತ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವ ಪದಾಧಿಕಾರಿಲು, ಭಕ್ತಾದಿಲು ಉಪಸ್ಥಿತರಿತ್ತೆರ್.
by 