ಜೂ.22 ಕರ್ನಾಟಕ ಬಂದ್ ಗ್ ಉಡುಪಿ ವಾಣಿಜ್ಯ & ಕೈಗಾರಿಕಾ ಸಂಸ್ಥೆ ಸಂಪೂರ್ಣ ಬೆರಿಬಲ

ಕರ್ನಾಟಕ ಸರಕಾರ ಮಲ್ತಿನ ವಿದ್ಯುಚ್ಛಕ್ತಿ ದರ & ನಿಯಮಿತ ದರೊನ್ (fixed charge) ನ್ ಪಿರ ದೆತೊನರೆಗ್ ನಿರಾಕರಣೆ ಮಲ್ತಿನ ಕಾರಣ ಕರ್ನಾಟಕ ವಾಣಿಜ್ಯ & ಕೈಗಾರಿಕಾ ಸಂಸ್ಥೆ ಮಲ್ಪುನ ಕರ್ನಾಟಕ ಬಂದ್ ಗ್ ಉಡುಪಿ ಜಿಲ್ಲಾ ವಾಣಿಜ್ಯ & ಕೈಗಾರಿಕಾ ಸಂಸ್ಥೆ ಸಂಪೂರ್ಣ ಬೆರಿಬಲ ಕೊರ್ಪುಂಡ್ ಪಂಡುದ್ ಉಡುಪಿ ಚೇಂಬರ್ಸ್ ಆಫ್ ಕಾಮರ್ಸ್ ದ ಅಧ್ಯಕ್ಷೆರಾಯಿನ ಅಂಡಾರು ದೇವಿಪ್ರಸಾದ್ ಶೆಟ್ಟಿ ತೆರಿಪಾದೆರ್.

ಕರ್ನಾಟಕಡ್ ಕೈಗಾರಿಕೆಲೆನ್ ಒರಿಪಾದ್ ಬುಲೆಪಾವುನ ನಿಟ್ಟುಡ್ ಸರಕಾರ ಹೆಚ್ಚ ಮಲ್ತಿನ ಬೆಲೆನ್ ಕೂಡಲೇ ಪಿರ ದೆತೊನರೆಗ್ ಆಗ್ರಹ ಮಲ್ತುದೆರ್.ಜೂ.22 ತಾರೀಕುದಾನಿ ಕರ್ನಾಟಕ ವಾಣಿಜ್ಯ & ಕೈಗಾರಿಕಾ ಉದ್ದಿಮೆಲು ಸಂಪೂರ್ಣ ಸಹಕಾರ ಕೊರೊಡ್ ಪಂಡುದ್ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.