ಕರ್ನಾಟಕ ರಾಜ್ಯ ಶಾಮಿಯಾನ, ಡೆಕೋರೇಶನ್, ಧ್ವನಿ ಮತ್ತು ಬೆಳಕು ಕ್ಷೇಮಾಭಿವೃದ್ಧಿ ಸಂಘ ಗಂಗಾವತಿ, ಆಲ್ ಇಂಡಿಯಾ ಟೆಂಟ್ ಆ್ಯಂಡ್HV ಡೆಕೋರೇಟರ್ಸ್ ವೆಲ್ ಫೇರ್ ಅಸೋಸಿಯೇಶನ್ ನವದೆಹಲಿ, ಬೊಕ್ಕ ಧ್ವನಿ ಬೆಳಕು ಸಂಯೋಜಕರ ಸಂಘಟನೆ ಉಡುಪಿ ಜಿಲ್ಲೆ ನೆತ್ತ ಸಂಯುಕ್ತ ಆಶ್ರಯಡ್ ರಾಜ್ಯ ಮಟ್ಟದ 2 ನೇ ಮಹಾ ಅಧಿವೇಶನ ಬೊಕ್ಕ ಉಡುಪಿ ಜಿಲ್ಲಾ ದಶಮಾನೋತ್ಸವದ “ಉಡುಪಿ ವೈಭವ” ಕಾರ್ಯಕ್ರಮ ಅ.16 ಡ್ದ್ ಅ.18 ಮುಟ್ಟ ಮೂಜಿ ದಿನತ್ತ ಕಾರ್ಯಕ್ರಮ ಉಡುಪಿದ ಬುಡುದ ಗುಡ್ಡೆದ ಮಹಾತ್ಮಾ ಗಾಂಧಿ ಕ್ರೀಡಾಂಗಣಡ್ ನಡಪರೆಗುಂಡ್.
ಅ.16 ಗ್ ಕಾರ್ಯಕ್ರಮ ನ್ ಕಾಂಡೆ ಉಡುಪಿ ಜಿಲ್ಲಾ ಪೊಲೀಸ್ ಅಧೀಕ್ಷಕ ಹಾಕೈ ಅಕ್ಷಯ್ ಮಚ್ಚೀಂದ್ರ ಮೇರ್ ಉದಿಪನ ಮಲ್ಪುವೆರ್. ಕಾರ್ಯಕ್ರಮಡ್ ಉಡುಪಿದ ಕಾಣಿಯೂರು ಮಠದ ಶ್ರೀ ವಿದ್ಯಾವಲ್ಲಭ ತೀರ್ಥ ಸ್ವಾಮೀಜಿ, ಕಲ್ಯಾಣಪುರದ ಮಿಲಾಗ್ರಿಸ್ ಕೆಥೇಡ್ರಲ್ ನ ಧರ್ಮಗುರು ವಂ.ಫಾ. ವಲೇರಿಯನ್ ಮೆಂಡೋನ್ಸ, ಕಾಪುದ ಪೊಲಿಪು ಜಾಮಿಯಾ ಮಸೀದಿದ ಖತೀಬರಾಯಿನ ಇರ್ಷಾದ್ ಶಾ ಆದಿ ನೇರ್ ಆಶೀರ್ವಚನ ಕೊರ್ರೆಗುಲ್ಲೆರ್. ಬೊಕ್ಕ ಉಡುಪಿ ಜಿಲ್ಲಾ ದಶಮಾನೋತ್ಸವ ಸಮೀತಿ ಅಧ್ಯಕ್ಷ ಶಿವರಾಜ್ ಮಲ್ಲಾರ್ ಮೇರ್ ಕಾರ್ಯಕ್ರಮದ ಅಧ್ಯಕ್ಷತೆ ಡುಪ್ಪುವೆರ್. ಉಡುಪಿ ಅಂಬಲಪಾಡಿ ಶ್ರೀ ಜನಾರ್ಧನ &ಮಹಾಕಾಳಿ ದೇವಸ್ಥಾನದ ಧರ್ಮದರ್ಶಿಲಾಯಿನ ವಿಜಯ ಬಲ್ಲಾಳ್ ಮೇರ್ ಗೌರವ ಉಪಸ್ಥಿತಿಡುಪ್ಪುವೆರ್.
ಆನಿ ಬಯ್ಯಗ್ ನಡಪುನ ಕಾರ್ಯಕ್ರಮನ್ ಗೃಹ ಸಚಿವ ಅರಗ ಜಾÐನೇಂದ್ರ ಮೇರ್ ಉದಿಪನ ಮಲ್ಪುವೆರ್. ಈ ಕಾರ್ಯಕ್ರಮಡ್ ಉಡುಪಿ ಪೇಜಾವರ ಮಠದ ಶ್ರೀ ವಿಶ್ವೇಶ ತೀರ್ಥ ಸ್ವಾಮೀಜಿ ರಾಜ್ಯ ಧಾರ್ಮಿಕ ಪರಿಷತ್ತುದ ನಿಕಟಪೂರ್ವ ಸದಸ್ಯ ವೇದಮೂರ್ತಿ ಕುತ್ಯಾರು ಕೆಂಜ ಶ್ರೀಧರ ತಂತ್ರಿ, ಉಡುಪಿ ಚರ್ಚ್ ನ ಧರ್ಮ ಗುರು ವಂ.ಫಾ. ಚಾಲ್ಸ್ ಮಿನೇಜ್ಸನ್ ಬೊಕ್ಕ ರಾಜ್ಯ ವಕ್ಫ್ ಬೋರ್ಡ್ ನ ಅಧ್ಯಕ್ಷ ಮೌಲಾನಾ ಎನ್.ಕೆ. ಮುಹಮ್ಮದ್ ಶಾಫೀ ಸಅದಿ ಆಶೀರ್ವಚನ ಕೊರ್ರೆಗುಲ್ಲೆರ್.
ಆನಿ ಕಾಂಡೆ ದಂತ ಚಿಕಿತ್ಸೆ ಬೊಕ್ಕ ನೆತ್ತೆರ್ ದಾನ ಶಿಬಿರ ನಡಪರೆಗುಂಡ್ . ವಸ್ತು ಪ್ರದರ್ಶನ ಮಳಿಗೆಲು ಬೊಕ್ಕ ಪುರಾತನ ವಸ್ತುಕೆನ ಮಳಿಗೆಲು ಉದಿಪನ ಆಪುಂಡ್. ನೆತ್ತ ಒಟ್ಟುಡ್ ಧ್ವನಿ ವರ್ಧಕ ಪ್ರಾತ್ಯಕ್ಷಿಕೆ ನಡಪರೆಗುಂಡ್. ಬೊಕ್ಕ ಸಭಾ ಕಾರ್ಯಕ್ರಮ ಉದಿಪನ ಆಪುಂಡ್. ಮಧ್ಯಾಹ್ನ ವಿರೂಪಾಕ್ಷ ರುಧ್ರ & ತಂಡದಕ್ಲೆಡ್ದ್ ಸುಗಮ ಸಂಗೀತ ಬೊಕ್ಕ ಜೆಸಿ ರಾಜೇಂದ್ರ ಭಟ್ ಮೆರೆಡ್ದ್ ಸಂಘಟನೆ, ವ್ಯಕ್ತಿತ್ವ ವಿಕಸನಾ ವಿಚಾರದ ಬಗ್ಗೆ ಉಪನ್ಯಾಸ ಬೊಕ್ಕ ವಿಚಾರಗೋಷ್ಠಿ ನಡಪುಂಡ್. ರಾತ್ರೆಗ್ ಕಾರ್ಕಳ ಧ್ವನಿ ಬೆಳಕು ಸಂಯೋಜಕರ ಸಂಘಟನೆದ ಸದಸ್ಯೆರೆಡ್ದ್ ಸಾಂಸ್ಕøತಿಕ ಕಾರ್ಯಕ್ರಮ ನಡಪುಂಡ್.
ಅ.17 ಗ್ ನಡಪುನ ರಡ್ಡನೇ ದಿನತ್ತ ಕಾರ್ಯಕ್ರಮನ್ ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಅಧ್ಯಕ್ಷ ಡಿ.ಕೆ ಶಿವಕುಮಾರ್ ಮೇರ್ ಉದಿಪನ ಮಲ್ಪರೆಗುಲ್ಲೆರ್. ಈ ಕಾರ್ಯಕ್ರಮಡ್ ಉಡುಪಿ ಪಲಿಮಾರು ಮಠದ ಶ್ರೀ ವಿದ್ಯಾಧೀಶ ತೀರ್ಥ ಶ್ರೀ ಪಾದಂಗಳೆರ್, ಚಿಕ್ಕಮಗಳೂರುದ ಗೌರಿಗದ್ದೆ ಮಠತ್ತ ಅವದೂತ ಶ್ರೀ ವಿನಯ ಗುರೂಜಿ, ಉಡುಪಿ ಧರ್ಮ ಪ್ರಾಂತ್ಯದ ಧರ್ಮಧ್ಯಕ್ಷ ಅತಿ. ವಂ.ಡಾ.ಜೆರಾಲ್ಡ್ ಐಸಾಕ್ ಲೋಬೋ, ಕೆ.ಸಿ.ಎಫ್ ನ ಅಂತರಾಷ್ಟ್ರೀಯ ಉಪಾಧ್ಯಕ್ಷ ಡಾ.ಎಂ.ಎಸ್.ಎಂ. ಅಬ್ದುಲ್ ರಶೀದ್ ಸಖಾಫಿ ಝೈನೀ ಕಾಮಿಲ್ ಮೇರು ಆಶೀರ್ವಚನ ಕೊರ್ರೆಗುಲ್ಲೆರ್.
ಆನಿ ಕಾಂಡೆ ವೈದ್ಯಕೀಯ ಶಿಬಿರ, ರಕ್ತದಾನ ಶಿಬಿರ ಬೊಕ್ಕ ವೈದ್ಯಕೀಯ ಸಹಾಯಧನ ವಿತರಣೆ ಕಾರ್ಯಕ್ರಮ ನಡಪುಂಡ್. ಬೊಕ್ಕ ಪುರಮೆರವಣಿಗೆ ಬೊಕ್ಕ ಧ್ವನಿವರ್ಧಕ ಪ್ರಾತ್ಯಕ್ಷಿಕೆ ನಡಪರೆಗುಂಡ್. ಮಧ್ಯಾಹ್ನ ಉಡುಪಿ ಜಿಲ್ಲಾ ಸದಸ್ಯೆರೆಡ್ದ್ ಸುಗಮ ಸಂಗೀತ ಕಾರ್ಯಕ್ರಮ ಬೊಕ್ಕ ಕಾನೂನುಗ್ ಸಂಬಂಧಪಟ್ಟಿನ ವಿಚಾರದ ಬಗ್ಗೆ ಕಾರ್ಕಳ ಪೊಲೀಸ್ ಉಪನಿರೀಕ್ಷಕ ಎಸ್ ವಿಜಯ್ ಪ್ರಸಾದ್ ಬೊಕ್ಕ ಉಡುಪಿ ಜಿಲ್ಲಾ ಪ್ರಾದೇಶಿಕ ಸಾರಿಗೆ ಅಧಿಕಾರಿ ರವಿ ಶಂಕರ್ ಮೆರೆಡ್ದ್ ಉಪನ್ಯಾಸ ಬೊಕ್ಜ ವಿಚಾರಗೋಷ್ಠಿ ನಡಪರೆಗುಂಡ್. ಬಯ್ಯಗ್ ನಡಪುನ ಸಭಾ ಕಾರ್ಯಕ್ರಮಡ್ ರಾಜ್ಯ ಪದಾಧಿಕಾರಿಲೆಗ್ ಸನ್ಮಾನ ಬೊಕ್ಕ ಸಹಾಯಧನ ವಿತರಣೆ ನಡಪರೆಗುಂಡ್. ರಾತ್ರೆಗ್ ದಶಮಾನೋತ್ಸವದ ಪ್ರಯುಕ್ತ ಉಡುಪಿ ಜಿಲ್ಲಾ ಸದಸ್ಯೆರೆಡ್ದ್ ಸಾಂಸ್ಕೃತಿಕ ಕಾರ್ಯಕ್ರಮ ನಡಪರೆಗುಂಡ್.
ಅ.18 ತಾರೀಕುಗ್ ನಡಪುನ ಮೂಜನೇ ದಿನದ ಕಾರ್ಯಕ್ರಮನ್ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಉದಿಪನ ಮಲ್ಪುವೆರ್. ಬೆಂಗಳೂರುದ ಬ್ರಹ್ಮ ಶ್ರೀ ಆನಂದ ಸಿದ್ಧಿಪೀಠದ ಶ್ರೀ ಆನಂದ ಗುರೂಜಿ, ಕಾರ್ಕಳದ ರೆಕ್ಟರ್ ಲಾರೆನ್ಸ್ ಬಸಲಿಕ ಚರ್ಚ್ ನ( ಅತ್ತೂರು ಚರ್ಚ್) ನ ಅತೀ ವಂ.ಫಾ.ಆಲ್ಬನ್ ಡಿಸೋಜಾ, ಮುರುಡೇಶ್ವರದ ಖಾಝಿ ಜಮತುಲ್ ಮುಸ್ಲಿಮೀನ್ ನ ಮೌಲಾನಾ ಅಬ್ದುಸ್ಸಮದ್ ಸಾಹೇಬ ಖಾಝಿನಾದ್ವಿ ಆಶಿರ್ವಚನ ಮಲ್ಪರೆಗುಲ್ಲೆರ್.
ಮೂಜನೇ ದಿನ ನಡಪುನ ಉಡುಪಿ ಜಿಲ್ಲಾ ದಶಮಾನೋತ್ಸವ ಕಾರ್ಯಕ್ರಮಡ್ ಕಾಂಡೆ 9 ಗಂಟೆಗ್ ನೇತ್ರ ಚಿಕಿತ್ಸಾ ಶಿಬಿರ ನಡಪರೆಗಿತ್ತುದ್, ಧ್ವನಿವರ್ಧಕ ಪ್ರಾತ್ಯಕ್ಷಿಕೆ ನಡಪುಂಡ್. ಬೊಕ್ಕ ಸಮಾರೋಪ ಸಮಾರಂಭದ ಸಭಾ ಕಾರ್ಯಕ್ರಮ . ಮಧ್ಯಾಹ್ನ ಸುಗಮ ಸಂಗೀತ ಯೋಗ ನೃತ್ಯ ಕಾಮಿಡಿ ಶೋ ( ಯೋಗರತ್ನ ತನುಶ್ರೀ ಪಿತ್ರೋಡಿ ಬೊಕ್ಕ ಮಂಜುನಾಥ್ ಕುಂದೇಶ್ವರ ಮೊಕ್ಲೆಡ್ದ್) ಮಧ್ಯಾಹ್ನ ವ್ಯಾಪಾರ ಬೊಕ್ಕ ವ್ಯವಹಾರದ ಬಗ್ಗೆ ವಿಚಾರಗೋಷ್ಠಿ ಬೊಕ್ಕ ಉಪನ್ಯಾಸ ಕಾರ್ಯಕ್ರಮ ನಡಪರೆಗುಂಡ್. ಬಯ್ಯಗ್ ನಡಪುನ ಸಮಾರೋಪ ಸಮಾರಂಭಡ್ ಜಿಲ್ಲೆದ ಲಕ್ಕಿಡಿಪ್ ಡ್ರಾ, ಫ್ರೆಂಡ್ಸ್ ಮೆಲೋಡಿಸ್ ಉಡುಪಿ ಮೊಕ್ಲೆಡ್ದ್ ಸಾಂಸ್ಕೃತಿಕ ಕಾರ್ಯಕ್ರಮ ನಡಪರೆಗುಂಡ್.
by 