ಬ್ಯಾರದಕುಲು ಅಂಗಡಿ ಮಾಲೀಕೆರು ಕೊರೊನಾ ಅತ್ತುಂಡ ಒಮಿಕ್ರಾನ್ ದ ಪ್ರಾಣ ಭಯಡ್ದ್ ಜಾಸ್ತಿ ಆರ್ಥಿಕ ಸಂಕಷ್ಟ ಡ್ ಆತ್ಮಹತ್ಯೆ ಗ್ ದುಂಬಾವೊಂದುಲ್ಲೆರ್. ಕಿನ್ಯ ವ್ಯಾಪಾರಿಲೆನ ಜೀವನ ದುಸ್ಥರವಾತುಂಡ್ ಪಂಡುದ್ ಉಡುಪಿ ಜಿಲ್ಲಾ ವರ್ತಕೆರೆನ ಹಿತರಕ್ಷಣಾ ವೇದಿಕೆದ ಅಧ್ಯಕ್ಷೆರಾಯಿನ ದಿವಾಕರ್ ಸನಿಲ್ ಮೇರ್ ಉಡುಪಿ ಪತ್ರಿಕಾ ಭವನಡ್ ನಡತಿನ ಸುದ್ದಿಗೋಷ್ಟಿಡ್ ಒತ್ತಾಯ ಮಲ್ತೆರ್.
ವಾರ ಅಕೇರಿದ ಕರ್ಪೂ ಜಾರಿ ಮಲ್ತುದ್, ಬಾಕಿದ ದಿನೊಕ್ಲೆಡ್ ಸಾರ್ವಜನಿಕೆರ್ ಒವ್ವೇ ನಿಯಮ ಪಾಲಿಸಾವಂದೆ ರಾಜಾರೋಷವಾದ್ ಮಾತಾ ಸಭೆ, ಸಮಾರಂಭೊಲೆಡ್ ಪಾಲ್ ಪಡೆಯೊಂದುಲ್ಲೆರ್. ರಾಜಕೀಯ, ಧಾರ್ಮಿಕ ಬೊಕ್ಕ ಸಾಮಾಜಿಕ ಕಾರ್ಯಕ್ರಮೊಲ್ ನಿರಂತರವಾದ್ ನಡತೊಂದುಂಡ್. ಈ ವ್ಯವಸ್ಥೆ ರೋಗ ಪಗರ್ರೆಗ್ ಸುಲಭ ಸಾದಿಯಾತುಂಡ್. ನಮ್ಮ ಜಿಲ್ಲೆಲೆಡ್ ರೋಗದ ಪಗರುನ ಪ್ರಮಾಣ ಕಡಿಮೆಯಿತ್ತುದ್ ಜಿಲ್ಲೆದ ಕೆಲವೇ ಮಳಿಗೆಲೆನ್ ಬುಡ್ದ್ ಬಾಕಿದ ಮಳಿಗೆಲು ಒಂಜೇ ಸರ್ತಿ್ ಜನಸಂದಣಿ ಇಪ್ಪಂದಿನ ಜಾಗೆ ಆದಿತ್ತುದ್, ಕಡಿಮೆ ಗ್ರಾಹಕೆರು ಬರ್ಪಿನ ಮಳಿಗೆಲು ಉಂಡು .ಅಂಚೆನೇ ಮಾತಾ ಸಂಸ್ಥೆಲು ಸರ್ಕಾರದ ನಿಯಮೊಲೆನ್ ಪಾಲಿಸಾದ್ ವ್ಯವಹಾರ ಮಲ್ತೊಂದುಂಡ್.
ಕರಿನ ರಡ್ಡ್ ವರ್ಷೊಡಿಂಚಿ ಇತ್ತಿನ ಕೋವಿಡ್ ಡಾದ್ ಮಾತಾ ವರ್ತಕೆರು ಬೊಕ್ಕ ಉದ್ಯಮಿಲು ಆರ್ಥಿಕ ಸಂಕಷ್ಟ ಡ್ ಇತ್ತುದ್ ನಷ್ಟ ಅನುಭವಿಸಾದ್ ಇತ್ತೆ ಚೇತರಿಸಾವೊಂದುಪ್ಪುನ ಈ ಸಂದರ್ಭಡ್ ಕುಡೊರ ಮೂಜನೇ ಸರ್ತಿಗ್ ಲಾಕ್ ಡೌನ್ ನೈಟ್ ಕರ್ಪ್ಯೂಲು ವರ್ತಕೆರೆಗ್ ಬೊಕ್ಕ ಉದ್ಯಮಲೆಗ್ ಮಸ್ತ್ ಮಾರಕ ಆಪುಂಡ್. ಅಂಚಾದ್ ಲಾಕ್ ಡೌನ್ ಆವಂದಿಲೆಕ್ಕ ನೈಟ್ ಕರ್ಪ್ಯೂ ಬೊಕ್ಕ ವೀಕೆಂಡ್ ಕರ್ಪ್ಯೂ ಲೆನ್ ಜಿಲ್ಲಾಡಳಿತ ಪರಿಣಾಮಕಾರಿಯಾದ್ ಅನುಷ್ಠಾನ ಮಲ್ಪೊಡ್ ಪಂಡುದ್ ಆಗ್ರಹ ಮಲ್ತೆರ್.
ಪತ್ರಿಕಾಗೋಷ್ಠಿಡ್ ಆನಂದ್ ಕಾರ್ನಾಡ್, ವೇದಿಕೆದ ಉಪಾಧ್ಯಕ್ಷೆರು ಮೊಹಮ್ಮದ್ ಮೌಲ, ಜೊತೆ ಕಾರ್ಯದರ್ಶಿ ಡೊನಾಲ್ಡ್ ಸಾಲ್ದಾನ್ಹ, ಖಜಾಂಚಿ ಡೋಲ್ಫಿ ವಿಕ್ಟರ್ ಲೆವಿಸ್‌, ಕಮಿಟಿದ ಸಲಹೆಗಾರೆರಾಯಿನ ಬಿರ್ತಿ ಗಂಗಾಧರ ಎನ್, ಸಮಿತಿ ಸದಸ್ಯೆರು ಉಪಸ್ಥಿತರಿತ್ತೆರ್.
by 