ವಿದ್ಯಾ ಸರಸ್ವತಿಗ್ ಪ್ರೈಡ್ ಆಫ್ ನಮ್ಮ ಬೆಂಗಳೂರು 2021 ಮಾನಾದಿಗೆ..

ಸ್ವರ್ಣ ಭಾರತ್ ಫೌಂಡೇಶನ್ ಬೆಂಗಳೂರು ವತಿಡ್ದ್ ಕೊರ್ಪಿನ ಪ್ರತಿಷ್ಟಿತ ಪ್ರಶಸ್ತಿಯಾಯಿನ ಪ್ರೈಡ್ ಆಫ್ ನಮ್ಮ ಬೆಂಗಳೂರು ಪ್ರಶಸ್ತಿ 2021ನ ಮಹಿಳಾ ಸಾಧನಾ ವಿಭಾಗದ ಸಾಧನಾ ಪ್ರಶಸ್ತಿಗ್ ಉಡುಪಿದ ಶ್ರೀಮತಿ ವಿದ್ಯಾ ಸರಸ್ವತಿ ಆಯ್ಕೆ ಆತೆರ್.
ಈ ಪ್ರಶಸ್ತಿನ್ ಭಾರತದ ಸುಪ್ರೀಂ ಕೋರ್ಟ್‌ದ ಮಾಜಿ ನ್ಯಾಯಾಧೀಶೆರು, ಭಾರತದ ಮಾಜಿ ಸಾಲಿಸಿಟರ್ ಜನರಲ್ ಬೊಕ್ಕ 2006 ಢ್ದ್ 2011 ಮುಟ್ಟ ಕರ್ನಾಟಕ ರಾಜ್ಯೊಗ್ ಲೋಕಾಯುಕ್ತ ( ಓಂಬುಡ್ಸ್‌ಮನ್ ) ಆಯಿನ ಮಾನ್ಯ ನಿಟ್ಟೆ ಸಂತೋಷ್ ಹೆಗ್ಡೆ ಮೆರೆನ ಮುಖೇನ ಪ್ರಶಸ್ತಿನ್ ಕೊರಿಯೆರ್.

ಈ ಪ್ರಶಸ್ತಿನ್ ಡಿಸೆಂಬರ್ 2021ಡ್ ಕೊರೊಡಿತ್ತುಂಡ್. ಕೋವಿಡ್ ಸಲುವಾದ್ ಮಾರ್ಚ್ 2 2022ದಾನಿ ಬೆಂಗಳೂರುದ ಭಾರತ್ ಸ್ಕೌಟ್ಸ್ ಬೊಕ್ಕ ಗೈಡ್ಸ್ ಸಂಸ್ಥೆದ ಕರ್ಣಾಟಕದ ಪ್ರಧಾನ ಕಛೇರಿದ ಕೊಂಡಜ್ಜಿ ಬಸಪ್ಪ ಸಭಾಂಗಣಡ್ ಪ್ರಶಸ್ತಿ ಪ್ರಧಾನ ಕಾರ್ಯಕ್ರಮ ಆಯೋಜನೆ ಮಲ್ದಿತ್ತೆರ್.
ಶ್ರೀಮತಿ ವಿದ್ಯಾ ಸರಸ್ವತಿ ಮೇರ್ ಅರೆನ 50 ವರ್ಸೊಡ್, 2021-2022ತ್ತ ಮಿಸೆಸ್ ಇಂಡಿಯಾ ಕರ್ನಾಟಕ ಸೌಂದರ್ಯ ಸ್ಪರ್ದೆಡ್ ಪಾಲ್ ಪಡೆದ್ ಯೋಧ ರಾಣಿ ಆಫ್ ಮಿಸೆಸ್ ಇಂಡಿಯಾ ಕರ್ನಾಟಕ 2021 ಬೊಕ್ಕ ಕ್ಲಾಸಿಕ್ ಮಿಸೆಸ್ ಇಂಡಿಯಾ ಕರ್ನಾಟಕ ಉಡುಪಿ 2021ಪನ್ಪಿನ ರಡ್ಡ್ ಕಿರೀಟೊನ್ ಗೆಂದುದೆರ್.
ಸಾಧನೆಗ್ ಪ್ರಾಯ ಮುಖ್ಯ ಅತ್ತ್, ಸಾಧನೆ ಮಲ್ಪುನ ಛಲ ಇತ್ತುಂಡ ಪೊಂಜೊವುನಕುಲು ತನ್ನ ಇಲ್ಲದ ಜವಾಬ್ದಾರಿ ನಿಭಾಯಿಸುವುನ ಒಟ್ಟುಗ್, ಸಾಧನೆ ಮಲ್ಪೊಲಿ ಪನ್ಪಿನೇಕ್ ಮಾದರಿಯಾತೆರ್.