ಪಕ್ಷೊಡ್ ಅಪೇಕ್ಷೆ ಇತ್ತುಂಡ ಜನಸೇವೆಗ್ ಸಿದ್ದ – ವಿಜಯ ಕೊಡವೂರು*

ಪಕ್ಷೊಡ್ ಅಪೇಕ್ಷೆ ಇತ್ತುಂಡ ಜನಸೇವೆಗ್ ಸಿದ್ದ – ವಿಜಯ ಕೊಡವೂರು*
13-02-2023ತಾರೀಕುದಾನಿ ಕೊಡವೂರು ವಾರ್ಡ್ ಡ್ ನಡತಿನಂಚಿನ ಎರಡು ವರ್ಷದ 39,77,155.00 ರೂಪಾಯಿದ ಸೇವಾ ಕಾರ್ಯದ ಪುಸ್ತಕ ಬುಡುಗಡೆ ಮಲ್ಪುನ ಸಂದರ್ಭೊಡ್ ಪಾತೆರಿನ ವಿಜಯ್ ಕೊಡವೂರು ಮೇರು ನಮ್ಮ ವಾರ್ಡುದ ಶಕ್ತಿ ಸವಾಲು ಬೊಕ್ಕ ಅಪೇಕ್ಷೆಲೆನ್ ತೆರಿಯರೆಗ್ ಸರ್ವೆನ್ ಮಲ್ತಿಬೊಕ್ಕ ಆ ಸರ್ವೆಗ್ ಉತ್ತರ ಕೊರ್ಪಿನ ಸಲುವಾದ್ ಮಾತಾ 17 ಸಮಿತಿನ್ ರಚನೆ ಮಲ್ತುದ್ ಅಂಗವಿಕಲರೆಗಾದ್, ಕೃಷಿಕೆರೆಗಾದ್, ಉದ್ಯೋಗಗಾದ್, ವಿದ್ಯಾರ್ಥಿಲೆಗಾದ್,ಕೆರೆ, ಗೋವು,ಧಾರ್ಮಿಕ, ಮಹಿಳೆಯರೆಗಾದ್ ಬೊಕ್ಕ ಧಾರ್ಮಿಕ ಸಮಿತಿಲೆನ್ ಮಲ್ತುದ್ ಇಂಚಿನ 14 ಸಮಿತಿಲೆನ್ ರಚನೆ ಮಲ್ತುದ್ ನ್ಯಾಯ ಕೊರ್ಪಾವುನ ಕಾರ್ಯ ನಡೆದುಂಡ್.ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಗ್ರಾಮ ವಿಕಾಸ ಮಾರ್ಗದರ್ಶನೊಡ್ ಈ ರೀತಿ ಮಲ್ದುಂಡ್ ಪಂಡುದು ಕೊಡವೂರು ವಾರ್ಡ್ ಅಭಿವೃದ್ದಿ ಸಮಿತಿ ಅಧ್ಯಕ್ಷೆರಾಯಿನ ಅಶೋಕ್ ಶೆಟ್ಟಿಗಾರ್ ತೆರಿಪಾಯೆರ್. ಸಮಿತಿದ ಪ್ರಮುಖೆರು ಅಕಲ್ನಕಲ್ನ ಸಮಿತಿಡ್ದ್ ನಡತಿನ ಸೇವಾ ಕಾರ್ಯದ ವಿವರ ಕೊರಿಯೆರ್.

ಈ ಸಂದರ್ಭಡ್ ಪತ್ರರ್ತೆರೆನ ಪ್ರಶ್ನೆಗೆ ಉತ್ತರ ಕೊರಿನ ವಿಜಯ್ ಕೊಡವೂರು ಆಕಾಂಕ್ಷಿಯತ್ತ್ ಪಕ್ಷದ ಹಿರಿಯೆರೆನ ಅಪೇಕ್ಷೆ ಇತ್ತುಂಡ ಜನಸೇವೆಗ್ ತಯಾರುಲ್ಲೆ ಈ ರೀತಿ ಯೋಚನೆ ಮಲ್ಪರೆಗ್ ತಯಾರುಲ್ಲೆ ಪಂಡುದ್ ತೆರಿಪಾಯೆರ್. ಒವ್ವೇ ಕಾರಣಗುಲಾ ಯಾನು ಕೇನೊಂದ್ ಪೋಪಿನವ್ ಸರಿಯತ್ತ್, ಬದಲಾದ್ ಪಕ್ಷದ ಹಿರಿಯೆರೆಗ್ ಈ ಪಕ್ಷ ಬೊಕ್ಕ ವ್ಯಕ್ತಿ ಕಾರ್ಯಕರ್ತನ ಸಾಮರ್ಥ್ಯ ಶಕ್ತಿ ಬೊಕ್ಕ ಪಕ್ಷದ ಅವಶ್ಯಕತೆಲೆನ್ ತೆರಿದು ಅಕುಲೇ ಜವಾಬ್ದಾರಿ ಕೊರ್ಪೆರ್ ಪನ್ಪಿನ ನಿಟ್ಟುಡ್ ಉಲ್ಲ.ಸಾಮಾನ್ಯ ವ್ಯಕ್ತಿಗ್ ಜವಾಬ್ದಾರಿ ಕೊರ್ದ್ ಎತ್ತರೊಗ್ ಬುಳೆಪಾವುನ ಶಕ್ತಿ ನಮ್ಮ ಭಾರತೀಯ ಜನತಾ ಪಕ್ಷೊಗುಂಡ್ ಅಂಚಾದ್ ಯಾನು ಆಕಾಂಕ್ಷಿಯತ್ತ್, ಬದಲಾದ್ ಈ ಪಕ್ಷದ ಹಿರಿಯೆರು ಯೋಚನೆ ಮಲ್ತುದ್ ಬೊಕ್ಕ ಕಾರ್ಯಕರ್ತೆರೆನ ಅಪೇಕ್ಷೆದಲೆಕ್ಕ ಅವಕಾಶ ಕೊರಿಯೆರುಡ ಖಂಡಿತವಾದುಲಾ ಜನಸೇವೆಗ್ ಸಿದ್ಧವಾದುಲ್ಲೆ.

ಅವಕಾಶ ಕೊರುಜೆರ್ಡಲಾ ಒವ್ವೇ ಬೇಜಾರ್ ಮಲ್ಪಂದೆ ಪಕ್ಷ ಪಂಡಿನ ಕಾರ್ಯೊನ್ ಮಲ್ತುದ್ ಪಕ್ಷ ದಾದ ಜವಾಬ್ದಾರಿ ಕೊರ್ದ್ ಅವ್ವೆನ್ ಮಲ್ಪೊಡ್ ವ್ಯಕ್ತಿ ಏರ್ ಪನ್ಪಿನವ್ ಮುಖ್ಯ ಅತ್ತ್ ಪಂಡುದ್ ಈ ಸಂದರ್ಭಡ್ ವಿಜಯ ಕೊಡವೂರು ತೆರಿಪಾಯೆರು