ಉಡುಪಿ, ಮಾ.8: ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಉಡುಪಿ ಶಾಖೆದ ವತಿಡ್ದ್ ಮಹಿಳಾ ದಿನಾಚರಣೆದ ಪ್ರಯುಕ್ತ ಸಾಧಕ ಮಹಿಳೆ ಯೆರೆಗ್ ಮಾನಾದಿಗೆ ಬೊಕ್ಕ ಸಂವಾದ ಕಾರ್ಯಕ್ರಮೊನ್ ಮಂಗಳವಾರ ಉಡುಪಿ ಶಾಖೆಡ್ ಆಯೋಜನೆ ಮಲ್ದಿತ್ತೆರ್.
ಮುಖ್ಯ ಅತಿಥಿಯಾದ್ ಬೈದಿನ ಉಡುಪಿ ಅಪರ ಜಿಲ್ಲಾಧಿಕಾರಿ ಸದಾಶಿವ ಪ್ರಭು ಪಾತೆರ್ದ್, ಮಹಿಳಾ ದಿನಾಚರಣೆ ಪನ್ಪಿನವ್ ಕೇವಲ ಒಂಜಿ ದಿನೊಕ್ ಮಾತ್ರ ಸೀಮಿತ ಆವರೆಗ್ ಬಲ್ಲಿ. ಮಹಿಳೆಯೆರೆಗ್ ತಿಕ್ಕೊಡಾಯಿನ ಸಮಾನ ಗೌರವ, ಪ್ರತಿದಿನಲಾ ತಿಕ್ಕೊಡ್. ಅಕಲ್ನ ಬಗ್ಗೆ ಕೀಳರಿಮೆ ಮನೋಭಾವ ದೂರ ಮಲ್ಪೊಡ್. ಆ ರೀತಿದ ಹೃದಯ ಶ್ರೀಮಂತಿಕೆ ಮಾತೆರೆಗ್ಲಾ ಮೂಡ್ದ್ ಬರೊಡ್ ಪಂಡೆರ್.
ಮುಖ್ಯ ಅತಿಥಿಲಾದ್ ಬೈದಿನ ಉಡುಪಿ ತಹಶೀಲ್ದಾರ್ ಫ್ಲೈಟ್ ಲೆಫ್ಟಿನೆಂಟ್ ಅರ್ಚನಾ ಭಟ್, ಉದ್ಯಮಿ ಮೊಹಮ್ಮದ್ ಮೌಲ, ಸಮಾಜ ಸೇವಕೆ ಅರಲ್ ಜಾನ್ ಡಿಸೋಜ ಪಾತೆರಿಯೆರ್. ಮಲಬಾರ್ ಗೋಲ್ಡ್ನ ‘ಹೋಮ್ ಫಾರ್ ಹೋಮ್ ಲೆಸ್’ ಯೋಜನೆದಡಿಟ್ ಆಜಿ ಫಲಾನುಭವಿಲೆಗ್ ಒಟ್ಟು ನಾಲ್ ಲಕ್ಷ ರೂ. ಸಹಾಯಧನದ ಚೆಕ್ನ್ನು ವಿತರಣೆ ಮಲ್ತೆರ್.
ಈ ಸಂದರ್ಭಡ್ ವಿವಿಧ ಕ್ಷೇತ್ರೊಡ್ ಸಾಧನೆ ಮಲ್ದಿನ ಸಂಗೀತ ಕಲಾವಿದೆ ಕಲಾವತಿ ದಯಾನಂದ, ಪಿಡಿಓ ಫರ್ಜಾನ ಎಂ., ಅರಣ್ಯ ಅಧಿಕಾರಿ ಹಸ್ತ ಶೆಟ್ಟಿ, ತಲ್ಲೂರು ಗ್ರಾಪಂ ಅಧ್ಯಕ್ಷೆ ಭೀಮವ್ವ, ಸಾಮಾಜಿಕ ಕಾರ್ಯಕರ್ತೆ ಸುಮತಿ ನಾಯಕ್,ವಿದ್ಯಾ ಸರಸ್ವತಿ ಮೊಕ್ಲೆಗ್ ಮಾನಾದಿಗೆ ಮಲ್ತೆರ್ .
ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಉಡುಪಿ ಶಾಖಾ ಮುಖ್ಯಸ್ಥ ಹಫೀಜ್ ರೆಹಮಾನ್, ರಾಘವೇಂದ್ರ ನಾಯಕ್, ತಂಝಿಮ್ ಶಿರ್ವ, ಪುರಂದರ ತಿಂಗಳಾಯ ಉಪಸ್ಥಿತರಿತ್ತೆರ್. ಸಂದೇಶ್ ಕುಮಾರ್ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.
by 