ಯೋಗಾರಾಧಕೆ ಮಂಜುನಾಥ ಭಟ್ರೆಗ್ ಮಾನಾದಿಗೆ ಮಲ್ತಿನ ಛಾಯಾಗ್ರಾಹಕೆರ್..

ಶಿಸ್ತು ಬದ್ಧವಾಯಿನ ಯೋಗಾಭ್ಯಾಸಡ್ದ್ ಫಲದಾಯಕ ಪ್ರಾಣಾಯಾಮ, ಅಂಚಿನ ಸತತ ಪ್ರಾಣಾಯಾಮಡ್ದ್ ಫಲಪ್ರದ ಧ್ಯಾನಸ್ಥ ಸ್ಥಿತಿ ಪ್ರಾಪ್ತ ಆಪುಂಡ್ ಪಂಡುದ್ ಯೋಗ ಶಿಕ್ಷಕ, ಯೋಗಾರಾಧಕೆರಾಯಿನ ಮಂಜುನಾಥ ಭಟ್ ಅಭಿಪ್ರಾಯ ತೆರಿಪಾಯೆರ್.ಆರು ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಶನ್ ಉಡುಪಿ ವಲಯ ಆಯೋಜನೆ ಮಲ್ದಿನ ಅಂತರಾಷ್ಟ್ರೀಯ ಯೋಗ ದಿನಾಚರಣೆಡ್ ಯೋಗದ ಮಹತ್ವ ಬೊಕ್ಕ ಯೋಗದ ಬಗ್ಗೆ ಪಾತೆರಕತೆದ ಸಮಾರಂಭಡ್ ಪಾತೆರ್ದ್ ಯೋಗಾಭ್ಯಾಸದೊಟ್ಟುಗ್ ಅಯಿಕ್ ಪೂರಕವಾಯಿನ ಆಹಾರ ಸೇವನೆ ಬೊಕ್ಕ ಮಾನಸಿಕ ಸ್ಥಿತಿನ್ ನಮ್ಮ ಜೀವನಡ್ ಅಳವಡಿಸೊಂಡಡ ಜೀವನ ಸಫಲತೆನ್ ಪಡೆಯೊಲಿ ಪಂಡುದ್ ತೆರಿಪಾಯೆರ್..

ಮುಖ್ಯ ಅತಿಥಿ, ನಗರ ಸಭಾ ಸದಸ್ಯ ವಿಜಯ ಕೊಡವೂರು ಪಾತೆರ್ದ್ ಯೋಗಡ್ ರಾಜ ಯೋಗ, ಕರ್ಮ ಯೋಗ, ಜ್ಞಾನಯೋಗ, ಭಕ್ತಿಯೋಗ, ಇಂಚ ವಿವಿಧ ವಿಧಾನ ಇತ್ತುದ್ ಯೋಗಗ್ ಅಂತರರಾಷ್ಟ್ರೀಯ ಮಾನ್ಯತೆ ತಿಕ್ಕರೆಗ್ ಕಾರಣೆರಾಯಿನ ಮಾನ್ಯ ಪ್ರಧಾನಮಂತ್ರಿನ್ ನೆನಪು ಮಲ್ತೆರ್. ಸ್ವಸ್ಥ ಶರೀರಗ್, ಸ್ವಸ್ಥ ಸಮಾಜಗ್ ಯೋಗದ ಅವಶ್ಯಕತೆ ಉಂಡು ಪಂಡುದ್ ಎಚ್ಚರಿಕೆ ಕೊರಿಯೆರ್

ಈ ಸಂದರ್ಭಡ್ ಪ್ರಧಾನ ಕಾರ್ಯದರ್ಶಿ ಪ್ರವೀಣ್ ಕೊರೆಯ, ಕಾರ್ಯಕ್ರಮ ಸಂಚಾಲಕ ಸುಕೇಶ್ ಕೆ. ಅಮೀನ್, ಪೂರ್ವಾಧ್ಯಕ್ಷ ಪ್ರಕಾಶ್ ಕೊಡಂಕೂರು, ಸುರಭಿ ರತನ್, ಸಂತೋಷ್ ಕೊರಂಗ್ರಪಾಡಿ, ದಯಾನಂದ ನಿಟ್ಟೂರ್, ಪ್ರಜ್ವಲ್ ಕಟಪಾಡಿ, ಉದಯ ನಾಯ್ಕ ಉಪಸ್ಥಿತರಿತ್ತೆರ್. ಪೂರ್ಣಿಮಾ ಜನಾರ್ದನ್ ಮಾನಪತ್ರ ವಾಚನ ಮಲ್ತೆರ್. ಎಸ್ ಕೆಪಿಎ ಉಡುಪಿ ವಲಯಾಧ್ಯಕ್ಷ ಜನಾರ್ದನ್ ಕೊಡವೂರು ಸ್ವಾಗತ ಮಲ್ತೆರ್. ಕೋಶಾಧಿಕಾರಿ ದಿವಾಕರ ಹಿರಿಯಡ್ಕ ವಂದಿಸಾಯೆರ್.