ಸದನೊಡ್ ಶಾಸಕೆರೆಗ್ ಅಮಾನತು ಕೊರಿನ ಸರಕಾರದ ವಿರುದ್ಧ ಸುವರ್ಣ ಆಕ್ರೋಶ..

ಶಾಸಕರ ಅಮಾನತು ಮೂಲಕ ಕಾಂಗ್ರೆಸ್ ಸರಕಾರದ ಸರ್ವಾಧಿಕಾರಿ ಧೋರಣೆ ಬಯಲು : ಯಶ್ ಪಾಲ್ ಸುವರ್ಣ ಆಕ್ರೋಶ

ಬೆಂಗಳೂರುಡ್ ಆಯೋಜನೆ ಮಲ್ದಿನ ಬಿಜೆಪಿ ವಿರೋಧಿ ಪಕ್ಷೊಲೆನ ರಾಜಕೀಯ ಸಭೆಗ್ ಬತ್ತಿನ ಪಕ್ಷದ ನಾಯಕೆರೆಗ್ ನಿಯಮಬಾಹಿರವಾದ್ ಐಎಎಸ್ ಅಧಿಕಾರಿಲೆನ್ ಗಲಸೊಂದಿನ ಸರ್ಕಾರದ ನಡಕೆನ್ ಖಂಡಿಸಾದ್ ಬಿಜೆಪಿ ಶಾಸಕೆರ್ ಸದನೊಡ್ ನಡಪಾಯಿನ ಪ್ರತಿಭಟನೆನ್ ನೆಪವಾದ್ ದೀಯೊಂದ್ ಅಮಾನತು ಮಲ್ಪುನ ಮೂಲಕ ರಾಜ್ಯ ಕಾಂಗ್ರೆಸ್ ಸರ್ಕಾರದ ಸರ್ವಾಧಿಕಾರಿ ಧೋರಣೆ ಬಯಲಾತುಂಡ್ ಪಂಡುದು ಉಡುಪಿ ಶಾಸಕ ಯಶ್ ಪಾಲ್ ಸುವರ್ಣ ಆಕ್ರೋಶ ತೋಜಾದೆರ್.

ಅನರ್ಹೆರಾತಿನ ಸಂಸದ ರಾಹುಲ್ ಗಾಂಧಿ, ಕೋರ್ಟ್ ಜಾಮೀನುಡ್ ಪಿದಾಯಿ ಉಪ್ಪುನ ಲಾಲು ಪ್ರಸಾದ್ ಯಾದವ್ ಬೊಕ್ಕ ರಾಜ್ಯೊಡೇ ಮೂಲೆಗುಂಪಾದಿಪ್ಪುನ ನಾಯಕೆರೆನಕ್ಲೆಗ್ ಶಿಷ್ಟಾಚಾರದ ಪುದರುಡ್ ರಾಜ್ಯ ಸರ್ಕಾರ ಐಎಎಸ್ ಅಧಿಕಾರಿಲೆನ್ ಕಾರ್ಯಕ್ರಮಲೆಗ್ ಗಲಸುನ ಮೂಲಕ ಕಾನೂನು ಮೀರ್ದ್ ವರ್ತನೆ ಮಲ್ದಿತ್ತುದ್ ಈ ನಡಕೆನ್ ಖಂಡಿಸಾಯಿನ ಶಾಸಕೆರೆನ್ ಅಮಾನತು ಮಲ್ದಿನ ಮೂಲಕ ಸಭಾಪತಿಲು ಕಾಂಗ್ರೆಸ್ ಪಕ್ಷದ ಪ್ರತಿನಿಧಿಲೆಕ್ಕ ಸದನದ ಗೌರವನ್ ಅಪವಿತ್ರ ಮಲ್ದೆರ್.

ಆಡಳಿತ ವ್ಯವಸ್ಥೆಡ್ ಮಹತ್ವದ ಪಾತ್ರಪಡೆಯಿನ ಐಎಎಸ್ ಅಧಿಕಾರಿಲೆನ್ ರಾಜ್ಯ ಸರ್ಕಾರ ರಾಜಕೀಯ ಉದ್ದೇಶಕ್ಕಾದ್ ಗಲಸುನ ಮೂಲಕ ಐಎಎಸ್ ಹುದ್ದೆದ ಘನತೆಗ್ ಚ್ಯುತಿ ಕನದುಂಡ್. ರಾಜ್ಯದ ಜನಕ್ಲೆನ ತೆರಿಗೆದ ಕಾಸ್ ನ್ ತನ್ನ ರಾಜಕೀಯ ಸ್ವೇಚ್ಛಾಚರಕ್ಕಾದ್ ಫೋನು ಮಾಡುತ್ತಿದ್ದು ಈ ಮೂಲಕ ಮಾನ್ಯ ಮುಖ್ಯಮಂತ್ರಿಲು ತನ್ನ ಹೈಕಮಾಂಡ್ ಸೋನಿಯಾ ಗಾಂಧೀಜಿನ್ ಮೆಚ್ಚಿಸಾವರೆಗ್ ಪಿದಾಡ್ದಿಲೆಕ್ಕ ಉಂಡು.

ಅಧಿಕಾರದ ಮದಟುಪ್ಪುನ ಕಾಂಗ್ರೆಸ್ ಆಡಳಿತ ಯಂತ್ರೊನ್ ದುರುಪಯೋಗ ಮಲ್ತೊಂದ್ ಸಂವಿಧಾನ ಬಾಹಿರವಾದ್ ಶಾಸಕೆರೆನ್ ಅಮಾನತು ಮಲ್ತುದ್ ತನ್ನ ತಪ್ಪುನ್ ಮದೆ ಮಲ್ಪುನ ವಿಫಲ ಪ್ರಯತ್ನಕ್ಕೆ ಕೈ ಪಾಡ್ದಿತ್ತುದ್ ರಾಜ್ಯದ ಜನತೆ ದುಂಬುದ ದಿನಕ್ಲೆಡ್ ಕಾಂಗ್ರೆಸ್ ಪಕ್ಷೊಗ್ ತಕ್ಕ ಉತ್ತರ ಕೊರ್ಪೆರ್ ಪಂಡುದು ಪಂತೆರ್.