ಕಾಂಗ್ರೆಸ್ ದ ಬೆದರಿಕೆಗ್ ಬಿಜೆಪಿ ಪೋಡುಜಿ..

ಕಾಂಗ್ರೆಸ್ಸ್ ದ ಗೊಡ್ಡು ಬೆದರಿಕೆಲೆಗ್ ಬಿಜೆಪಿ ಬೆದರುಜಿ ಮಾತಾ ಗ್ಯಾರಂಟಿಲೆನ್ ಯಥಾವತ್ತಾದ್ ಜಾರಿ ಮಲ್ಪುಲೆ: ಕುಯಿಲಾಡಿ

ಕಾಂಗ್ರೆಸ್ಸುದ ಜನವಿರೋಧಿ ನೀತಿ ವಿರೋಧಿಸಾದ್ ಉಡುಪಿ ಜಿಲ್ಲಾ ಬಿಜೆಪಿ ಪ್ರತಿಭಟನೆ

ವಿಧಾನಸಭಾ ಚುನಾವಣಾ ಪೂರ್ವಡ್ ಕಾಂಗ್ರೆಸ್ ಜನತೆಗ್ ಕೊರ್ತಿನ 5 ಗ್ಯಾರಂಟಿಲೆನ್ ಅಧಿಕಾರಗ್ ಬತ್ತಿನ 24 ಗಂಟೆದುಲಸಯಿ ಯಥಾವತ್ತಾದ್ ಜಾರಿ ಮಲ್ಪಂದೆ ರಾಜ್ಯದ ಜನತೆಗ್ ದ್ರೋಹ ಬಗೆದುಂಡ್. 200 ಯುನಿಟ್ ಉಚಿತ ವಿದ್ಯುತ್ ಪಂಡಿನ ಕಾಂಗ್ರೆಸ್ ಇತ್ತೆ 1 ವರ್ಷದ ಸರಾಸರಿ ಪಂಡುದ್ ವರಸೆ ಬದಲಿಸಾದ್ ವಿದ್ಯುತ್ ದರನ್ ದಿಡೀರ್ ಹೆಚ್ಚ ಮಲ್ದಿನ ಖಂಡನೀಯ. ದಿನಕ್ಕೊಂಜಿ ಹೇಳಿಕೆಲೆನ್ ಕೊರ್ದ್ ಸಮಾಜಡ್ ಗೊಂದಲ ಸೃಷ್ಠಿಸಾವುನ ಬದಲು ಸರಕಾರ ಜನಪರ ಆಡಳಿತದಂಚಿ ಗಮನ ಕೊರ್ಪಿನ ಎಡ್ಡೆ ಪಂಡುದು ಬಿಜೆಪಿ ಉಡುಪಿ ಜಿಲ್ಲಾಧ್ಯಕ್ಷ ಕುಯಿಲಾಡಿ ಸುರೇಶ್ ನಾಯಕ್ ಪಂಡೆರು.

ಆರು ಕಾಂಗ್ರೆಸ್ಸ್ ದ ಜನವಿರೋಧಿ ನೀತಿಲೆನ್ ವಿರೋಧಿಸಾದ್ ಉಡುಪಿ ಜಿಲ್ಲಾ ಬಿಜೆಪಿ ವತಿಡ್ದ್ ಬಿಜೆಪಿ ಜಿಲ್ಲಾ ಕಛೇರಿದ ಕೈತಲ್ ನಡತಿನ ಪ್ರತಿಭಟನೆದ ನೇತೃತ್ವ ವಹಿಸಾದ್ ಪಾತೆರಿಯೆರು.

ಕೊರಿನ ಪಾತೆರ ತತ್ತುದಿನ ರಾಜ್ಯ ಕಾಂಗ್ರೆಸ್ ಸರಕಾರದ ಮಾನಸಿಕತೆ 15 ದಿನೊಟೇ ಸಾಬೀತಾತುಂಡ್. ಗೃಹ ಲಕ್ಷ್ಮಿ, 10 ಕೆ.ಜಿ. ಅಕ್ಕಿ, ಪದವೀಧರರ ಮಾಸಾಶನ, ಬಸ್ ಪ್ರಯಾಣ ಗ್ಯಾರಂಟಿಡುಲಾ ಕಾಂಗ್ರೆಸ್ ಸರಕಾರ ಸ್ಪಷ್ಟತೆ ಇಪ್ಪಂದೆ ತಾರತಮ್ಯ ನೀತಿ ಅನುಸರಿಸಾದ್ ಜನತೆಗ್ ಗೊಂದಲ ಸೃಷ್ಟಿಸಾದ್ ಮೋಸ ಮಲ್ದುಂಡ್ ಪಂಡೆರು.

ಸಚಿವ ಎಂ.ಬಿ. ಪಾಟೀಲ್ ಬಿಜೆಪಿ ಕಾರ್ಯಕರ್ತೆರು ಬಾಲ ಬುಡುಂಡ ಜೈಲುಗ್ ಪಾಡುವ ಪನ್ಪಿನ ದುರಹಂಕಾರದ ಪಾತೆರ ಪನ್ಪಿನ ಖಂಡನೀಯ. ಇಂಚಿನ ಗೊಡ್ಡು ಬೆದರಿಕೆಲೆಗ್ ಬಿಜೆಪಿ ಪೋಡಿಜಿ. ಸರಕಾರದ ಜನವಿರೋಧಿ ನೀತಿನ್ ಬಿಜೆಪಿ ಏಪಲಾ ವಿರೋಧ ಮಲ್ಪುಂಡ್. ಪೆತ್ತ ಬೊಕ್ಕ ಎರುತ್ತ ವ್ಯತ್ಯಾಸ ‌ಗೊತ್ತಿಪ್ಪಂದಿನಕ್ಲೆನ್ ಪಶು ಸಂಗೋಪನಾ ಸಚಿವೆರನ್ನಾದ್ ನೇಮಕ ಮಲ್ದಿನ ಮುಖ್ಯಮಂತ್ರಿ ಸಿದ್ದರಾಮಯ್ಯರೆಗ್ ನಾಚಿಕೆ ಆವೊಡ್ ಪಂಡೆರು.

ಕೇವಲ ಚುನಾವಣೆನ್ ಗೆಂದುನ ಒಂಜೇ ಉದ್ದೇಶಡಾದ್ ಉಚಿತ ಗ್ಯಾರಂಟಿಲೆನ್ ಘೋಷಣೆ ಮಲ್ದಿನ ಕಾಂಗ್ರೆಸ್ ಜನತೆಗ್ ಕೊರ್ತಿನ ವಾಗ್ದಾನನ್ ಯಥಾವತ್ತಾದ್ ಈಡೇರಿಸಾವರೆಗ್ ವಿಫಲ ಆಪಿನವ್ ಸ್ಪಷ್ಟ ಆವೊಂದುಂಡ್. ರಾಜ್ಯದ ಜನತೆ ಕಾಂಗ್ರೆಸ್ಸ್ ದ ಬಣ್ಣ ಬದಲಿಸಾವುನ ಗೋಸುಂಬೆತನನ್ ಸೂಕ್ಷ್ಮವಾದ್ ಗಮನಿಸಾವೊಂದಿತ್ತುದ್ ಸೂಕ್ತ ಸಮಯಡ್ ತಕ್ಕ ಪಾಠ ಕಲ್ಪಾವರೆಗುಲ್ಲೆರ್ ಪಂಡೆರು.

ಬಿಜೆಪಿ ಮಂಗಳೂರು ವಿಭಾಗ ಪ್ರಭಾರಿ ಕೆ.ಉದಯ ಕುಮಾರ್ ಶೆಟ್ಟಿ ಬೊಕ್ಕ ಜಿಲ್ಲಾ ಮಹಿಳಾ ಮೋರ್ಚಾ ಅಧ್ಯಕ್ಷೆ ವೀಣಾ ಎಸ್. ಶೆಟ್ಟಿ ಪಾತೆರ್ದ್ , ಕಾಂಗ್ರೆಸ್ ಸರಕಾರ ಉಚಿತ ಗ್ಯಾರಂಟಿಲೆನ ಜಾರಿಡ್ ಜನತೆಗೆ ಮಲ್ದಿನ ಮೋಸ ಬೊಕ್ಕ ಕಾಂಗ್ರೆಸ್ಸುದ ಜನ ವಿರೋಧಿ ನೀತಿನ್ ಖಂಡಿಸಾಯೆರು.

ಬಿಜೆಪಿ ಜಿಲ್ಲಾ ಉಪಾಧ್ಯಕ್ಷರಾಯಿನ ರವಿ ಅಮೀನ್, ಬೈಕಾಡಿ ಸುಪ್ರಸಾದ್ ಶೆಟ್ಟಿ, ಮಾಜಿ ಜಿಲ್ಲಾಧ್ಯಕ್ಷ ತಿಂಗಳೆ ವಿಕ್ರಮಾರ್ಜುನ ಹೆಗ್ಡೆ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಮನೋಹರ್ ಎಸ್. ಕಲ್ಮಾಡಿ, ರಾಜ್ಯ ಎಸ್.ಸಿ. ಮೋರ್ಚಾ ಪ್ರಧಾನ ಕಾರ್ಯದರ್ಶಿ ದಿನಕರ ಬಾಬು, ಜಿಲ್ಲಾ ವಕ್ತಾರ ಕೆ.ರಾಘವೇಂದ್ರ ಕಿಣಿ, ಜಿಲ್ಲಾ ಕಾರ್ಯಾಲಯ ಕಾರ್ಯದರ್ಶಿ ಸತ್ಯಾನಂದ ನಾಯಕ್, ಜಿಲ್ಲಾ ಕಾರ್ಯದರ್ಶಿಳಾಯಿನ ಗುರುಪ್ರಸಾದ್ ಶೆಟ್ಟಿ, ನಳಿನಿ ಪ್ರದೀಪ್ ರಾವ್, ಅನಿತಾ ಶ್ರೀಧರ್, ಜಿಲ್ಲಾ ಸಹ ವಕ್ತಾರರಾದ ಶಿವಕುಮಾರ್ ಅಂಬಲಪಾಡಿ, ಪ್ರತಾಪ್ ಶೆಟ್ಟಿ ಚೇರ್ಕಾಡಿ, ಜಿಲ್ಲಾ ಮಾಧ್ಯಮ ಸಂಚಾಲಕ ಶ್ರೀನಿಧಿ ಹೆಗ್ಡೆ, ಉಡುಪಿ ನಗರಸಭೆ ಮಾಜಿ ಅಧ್ಯಕ್ಷ ಕಿರಣ್ ಕುಮಾರ್ ಬೈಲೂರು, ಜಿಲ್ಲಾ ಅಲ್ಪಸಂಖ್ಯಾತ ಮೋರ್ಚಾ ಅಧ್ಯಕ್ಷ ದಾವೂದ್ ಅಬೂಬಕರ್, ಪ್ರಧಾನ ಕಾರ್ಯದರ್ಶಿಲಾಯಿನ‌ ಆಲ್ವಿನ್ ಡಿಸೋಜ, ಆಸಿಫ್ ಕಟಪಾಡಿ, ಜಿಲ್ಲಾ ಮಹಿಳಾ ಮೋರ್ಚಾ ಪ್ರಧಾನ ಕಾರ್ಯದರ್ಶಿ ರಶ್ಮಿತಾ ಬಿ. ಶೆಟ್ಟಿ, ಜಿಲ್ಲಾ ಒಬಿಸಿ ಮೋರ್ಚಾ ಪ್ರಧಾನ ಕಾರ್ಯದರ್ಶಿ ಅರುಣ್ ಕುಮಾರ್ ಬಾಣ, ಜಿಲ್ಲಾ ಮೋರ್ಚಾಗಳ ಸಂಯೋಜಕರಾಯಿನ ಜಗದೀಶ್ ಆಚಾರ್ಯ ಕಪ್ಪೆಟ್ಟು, ವಿಜಯ ಕುಮಾರ್ ಉದ್ಯಾವರ, ಬಿಜೆಪಿ ಉಡುಪಿ ನಗರ ಪ್ರಧಾನ ಕಾರ್ಯದರ್ಶಿ ದಿನೇಶ್ ಅಮೀನ್, ಉಡುಪಿ ಗ್ರಾಮಾಂತರ ಪ್ರಧಾನ ಕಾರ್ಯದರ್ಶಿಲಾಯಿನ ಸಚಿನ್ ಪೂಜಾರಿ, ಗಣೇಶ್ ಕುಲಾಲ್, ಪ್ರಮುಖರಾದ ರಾಜೇಂದ್ರ ಪಂದುಬೆಟ್ಟು, ಅಕ್ಷಯ್ ಶೆಟ್ಟಿ, ಸದಾನಂದ ಪ್ರಭು, ದಿನಕರ ಪೂಜಾರಿ, ಆನಂದ ಸುವರ್ಣ, ರುಡಾಲ್ಫ್, ಮಾಯಾ ಕಾಮತ್, ಪೂರ್ಣಿಮಾ ರತ್ನಾಕರ್, ಅಶ್ವಿನಿ ಶೆಟ್ಟಿ ಹಾಗೂ ಪಕ್ಷದ ವಿವಿಧ ಸ್ತರದ ಪದಾಧಿಕಾರಿಲು, ಜನಪ್ರತಿನಿಧಿಲು & ಕಾರ್ಯಕರ್ತೆರು ಉಪಸ್ಥಿತರಿತ್ತೆರು.