ಕೆಮ್ಮಣ್ಣು ಡ್ ಕಾಂಗ್ರೆಸ್ ಕಾರ್ಯಕರ್ತೆರೆನ ಸಭೆ

ವಿಧಾನ ಸಭಾ ಚುನಾವಣೆ ಪೂರ್ವಭಾವಿಯಾದ್ ಕಾಂಗ್ರೆಸ್ ಬ್ಲಾಕ್ ಮಟ್ಟದ ಕಾರ್ಯಕರ್ತೆರೆನ ಸಭೆ ಕೆಮ್ಮಣ್ಣು ಗ್ರಾಮದ ಹಿರಿಯ ಮುಖಂಡೆರಾಯಿನ ರಘುರಾಮ್ ಶೆಟ್ಟಿ ಮೆರೆನ ನೇತೃತ್ವಡ್ ಶುಕ್ರವಾರ 21/ 4/23 ದಾನಿ ನಡತುಂಡ್.

ಸಭೆಟ್ ಭಾಗವಹಿಸಿನ ಕಾಂಗ್ರೆಸ್ ಅಭ್ಯರ್ಥಿ ಪ್ರಸಾದ್ ರಾಜ್ ಕಾಂಚನ್ ಪಾತೆರ್ದ್ “ಬ್ರಹ್ಮಾವರ ಬ್ಲಾಕ್ ಎಂಕ್ಲೆಗ್ ಜಾಸ್ತಿ ಓಟು ಸಿಕ್ಕುನ ಪ್ತದೇಶವಾದಿತ್ತುದ್ ಕಾರ್ಯಕರ್ತೆರು ಜಾಸ್ತಿ ಓಟು ಕಾಂಗ್ರೆಸ್ ಪಕ್ಷಗ್ ಸಿಕ್ಕುನ ನಿಟ್ಟುಡ್ ಕೆಲಸ ಮಲ್ಪೊಡಾತುಂಡ್ ಪಂಡೆರ್.

ಪೊಸ ಕಾರ್ಯಕರ್ತೆರೆಗ್ ನನಲಾತ್ ಉತ್ಸಾಹ ಮೂಡಿಸಾವೊಡ್ ಪಂಡೆರ್.

ದುಂಬುದ ಕಾಂಗ್ರೆಸ್ ಬೊಕ್ಕ ಪೊಸ ಕಾಂಗ್ರೆಸ್ ಜೊತೆಯಾದ್ ಕೆಲಸ ಮಲ್ತುಂಡ ,ಈ ಬಾರೀ ಜಾಸ್ತಿ ಅಂತರೊಡ್ ಕಾಂಗ್ರೆಸ್ ಗೆಂದುಂಡ್” ಪಂಡೆರ್ .

ಸಭೆಟ್ ಹಿರಿಯ ಕಾಂಗ್ರೆಸ್ ಮುಖಂಡ ರಘುರಾಮ್ ಶೆಟ್ಟಿ,ವೆರೋನಿಕಾ ಕರ್ಲೆನಿಯೋ,ಪ್ರಖ್ಯಾತ್ ಶೆಟ್ಟಿ, ಉಡುಪಿ ಬ್ಲಾಕ್ ಅಧ್ಯಕ್ಷ ರಮೇಶ್ ಕಾಂಚನ್, ಬ್ರಹ್ಮಾವರ ಬ್ಲಾಕ್ ಅಧ್ಯಕ್ಷರಾಯಿನ ದಿನಕರ್ ಹೇರೂರು. ಕೆಮ್ಮಣ್ಣು ಗ್ರಾಮ ಪಂಚಾಯತ್ಅಧ್ಯಕ್ಷೆ ಲತಾ, ಉಪಾಧ್ಯಕ್ಷ ಅರುಣ್ ಕುಮಾರ್, ಮಾಜಿ ತಾಲೂಕು ಪಂಚಾಯತ್ ಸದಸ್ಯೆ ಸುಲೋಚನಾ, ಮಾಜಿ ತಾಲೂಕು ಪಂಚಾಯತ್ ಸದಸ್ಯ ರೆಹಮತ್ತುಲ್ಲಾ, ಕೀರ್ತಿ ಶೆಟ್ಟಿ ಉಪಸ್ಥಿತರಿತ್ತೆರು.