ಮೂಳೂರು,ಪೊಲಿಪು,ಕೈಪುಂಜಾಲುಡ್ ಕಡಲ್ಕೊರೆತ- ಭೇಟಿ ಕೊರಿನ ಗುರ್ಮೆ..

ಮೂಳೂರು, ಪೊಲಿಪು, ಕೈಪುಂಜಾಲು ಭಾಗಡ್ ಕಡಲ್ಕೊರೆತ – ಶಾಸಕ ಗುರ್ಮೆ ಸುರೇಶ್ ಶೆಟ್ಟಿ ಇಲಾಖಾಧಿಕಾರಿಗಳೆನೊಟ್ಟುಗ್ ಭೇಟಿ ಕೊರ್ದ್ ಪರಿಶೀಲನೆ ಮಲ್ತೆರ್.

ಕಾಪು ವಿಧಾನಸಭಾ ಕ್ಷೇತ್ರದ ಕಾಪು ಪುರಸಭಾ ವ್ಯಾಪ್ತಿದ ಮೂಳೂರು, ಪೊಲಿಪು, ಕೈಪುಂಜಾಲು ಭಾಗಡ್ ಕಡಲ್ಕೊರೆತ ಆದಿತ್ತುದ್ , ಇನಿ 15-06-2023 ಶಾಸಕರಾಯಿನ ಗುರ್ಮೆ ಸುರೇಶ್ ಶೆಟ್ಟಿ ಇಲಾಖಾಧಿಕಾರಿಗಳೆನೊಟ್ಟುಗ್ ಕಡಲ್ಕೊರೆತ ಪೀಡಿತ ಪ್ರದೇಶಲೆಗ್ ಭೇಟಿ ಕೊರ್ದ್ ಪರಿಶೀಲನೆ ಮಲ್ತೆರ್..

ಮರಿಯಾಲಡ್ ಕಡಲ ಕೊರೆತದ ಸಮಸ್ಯೆ ಜಾಸ್ತಿ ಆಪಿನೆಡ್ದಾವರ ಬೋಡಾಯಿನ ಪೂರ್ವ ಸಿದ್ಧತೆ ಮಲ್ಪರೆಗ್ ಸಂಬಂಧ ಪಟ್ಟಿನ ಇಲಾಖಾಧಿಕಾರಿಲೆಗ್ ಸೂಚನೆ ಕೊರಿಯೆರು.

ಈ ಸಂದರ್ಭಡ್ ಪುರಸಭಾ ಸದಸ್ಯರಾಯಿನ ಸತೀಶ್ಚಂದ್ರ, ರಾಧಿಕಾ, ಕಿರಣ್ ಆಳ್ವ, ಅನಿಲ್ ಕುಮಾರ್, ಅರುಣ್ ಶೆಟ್ಟಿ ಬೊಕ್ಕ ಬಂದರು ಇಲಾಖೆದ ಕಾರ್ಯಪಾಲಕ ಅಭಿಯಂತರರಾಯಿನ ಶ್ರೀನಿವಾಸ್, ಸಹಾಯಕ ಅಭಿಯಂತರರಾಯಿನ ಜಯರಾಜ್, ಪುರಸಭೆತ್ತ ಮುಖ್ಯ ಅಧಿಕಾರಿಲಾಯಿನ ಸಂತೋಷ್, ಸುಧೀರ್ ಶೆಟ್ಟಿ ಬೊಕ್ಕ ಸ್ಥಳೀಯೆರು ಉಪಸ್ಥಿತರಿತ್ತೆರು.