!
ಮೇ 25: ಉಡುಪಿ ಜಿಲ್ಲೆದ ಪೊಸ ಶಾಸಕೆರೆಗ್ ಉಡುಪಿ ಜಿಲ್ಲಾ ಬಿಜೆಪಿ ವತಿಡ್ದ್ ಅಭಿನಂದನೆ: ಕುಯಿಲಾಡಿ
ಮೇ 10ತಾರೀಕುಗ್ ನಡತಿನ ಕರ್ನಾಟಕ ವಿಧಾನಸಭಾ ಸಾರ್ವತ್ರಿಕ ಚುನಾವಣೆಡ್ ಉಡುಪಿ ಜಿಲ್ಲೆದ ಐನ್ ವಿಧಾನಸಭಾ ಕ್ಷೇತ್ರಲೆಡ್ ಬಿಜೆಪಿ ಕುಡೊರ ಭರ್ಜರಿ ವಿಜಯ ದಾಖಲೆ ಮಲ್ದಿನವ್ ಉಡುಪಿ ಜಿಲ್ಲಾ ಬಿಜೆಪಿಗ್ ಪೆರ್ಮೆದ ವಿಷಯ.
ಈ ಪ್ರಯುಕ್ತ ಮೇ 25, ಗುರುವಾರ ಬಯ್ಯಗ್ 5.30ಗಂಟೆಗ್ ಉಡುಪಿ ಜಿಲ್ಲಾ ಬಿಜೆಪಿ ಕಛೇರಿದ ಕೈತಲ್ ನಿರ್ಮಾಣ ಮಲ್ದಿನ ವೇದಿಕೆಡ್ ಉಡುಪಿ ಜಿಲ್ಲೆದ ಮಾತಾ ಐನ್ ಪೊಸ ಶಾಸಕೆರಾಯಿನ ಯಶ್ಪಾಲ್ ಎ. ಸುವರ್ಣ ಉಡುಪಿ, ಗುರ್ಮೆ ಸುರೇಶ್ ಶೆಟ್ಟಿ ಕಾಪು, ವಿ.ಸುನೀಲ್ ಕುಮಾರ್ ಕಾರ್ಕಳ, ಕಿರಣ್ ಕುಮಾರ್ ಕೊಡ್ಗಿ ಕುಂದಾಪುರ ಬೊಕ್ಜ ಗುರುರಾಜ್ ಶೆಟ್ಟಿ ಗಂಟಿಹೊಳಿ ಬೈಂದೂರು ಮೊಕ್ಲೆನ್ ಉಡುಪಿ ಜಿಲ್ಲಾ ಬಿಜೆಪಿ ವತಿಡ್ದ್ ಅಭಿನಂದಿಸಾವುನೊಟ್ಟುಗ್ ಸಮಸ್ತ ಕಾರ್ಯಕರ್ತ ಬಂಧುಲು ಬೊಕ್ಕ ಮತದಾರ ಬಾಂಧವರೆಗ್ ಕೃತಜ್ಞತೆ ಸಲ್ಲಿಸಾವುನ ‘ಅಭಿನಂದನಾ ಸಮಾರಂಭ’ ನಡಪರೆಗುಂಡ್ ಪಂಡುದ್ ಬಿಜೆಪಿ ಉಡುಪಿ ಜಿಲ್ಲಾಧ್ಯಕ್ಷ ಕುಯಿಲಾಡಿ ಸುರೇಶ್ ನಾಯಕ್ ತೆರಿಪಾದೆರ್.
ಈ ಕಾರ್ಯಕ್ರಮಡ್ ಪಕ್ಷದ ಮುಖಂಡೆರು, ವಿವಿಧ ಸ್ತರದ ಪದಾಧಿಕಾರಿಲು, ಮಾತಾ ಐನ್ ವಿಧಾನಸಭಾ ಕ್ಷೇತ್ರದ ಕಾರ್ಯಕರ್ತ ಬಂಧುಲು, ಜನಪ್ರತಿನಿಧಿಲು ಬೊಕ್ಕ ಪಕ್ಷದ ಹಿತೈಷಿಲು ಬೃಹತ್ ಸಂಖ್ಯೆಡ್ ಪಾಲ್ ಪಡೆಯರೆಗುಲ್ಲೆರ್ ಕುಯಿಲಾಡಿ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.
by 