ಗ್ಯಾರಂಟಿ ವಿಚಾರೊಡ್ ಜನಕ್ಲೆಗ್ ಮೋಸ: ಕುಯಿಲಾಡಿ..

ಪ್ರಸ್ತುತ ರಾಜ್ಯ ವಿತರಣೆ ಮಲ್ತೊಂದುಪ್ಪುನ 5 ಕೆ.ಜಿ. ಅರಿ ಕೇಂದ್ರ ಸರಕಾರದ ಕೊಡುಗೆ; ಗ್ಯಾರಂಟಿ ವಿಚಾರಡ್ ಜನಕ್ಲೆಗ್ ಮೋಸ ಮಲ್ತಿನ ಕಾಂಗ್ರೆಸ್ಸ್ ಡ್ದ್ ಕೇಂದ್ರದ ಮಿತ್ತ್ ದೂರು ಪಾಡುನ ಯತ್ನ ಹಾಸ್ಯಾಸ್ಪದ: ಕುಯಿಲಾಡಿ

ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರಕಾರ ರಾಷ್ಟ್ರೀಯ ಆಹಾರ ಭದ್ರತಾ ಕಾಯ್ದೆಯಡಿ ರಾಜ್ಯದ ಬಿಪಿಎಲ್ ಕುಟುಂಬಗ್ ಪ್ರತೀ ತಿಂಗಳು 5 ಕೆ.ಜಿ. ಅರಿ ಬೊಕ್ಕ ಅಂತ್ಯೋದಯ ಕಾರ್ಡುದಾರೆರೆಗ್ ಮಾಸಿಕ 35 ಕೆ.ಜಿ. ಅರಿನ್ ಪಡಿತರ ಮುಖೇನ ಉಚಿತವಾದ್ ವಿತರಣೆ ಮಲ್ತೊಂದುಂಡ್ . ಆಂಡ ಕಾಂಗ್ರೆಸ್ ಸಹಿತ ಸಿ.ಎಂ. ಸಿದ್ದರಾಮಯ್ಯ ಒಲ್ಪಲಾ ಈ ವಿಚಾರೊನ್ ಪ್ರಚಾರ ಮಲ್ಪಂದೆ ಸತ್ಯೊನ್ ಮದೆ ಮಲ್ಪುನ ಕೀಳು ಮನಸ್ಥಿತಿದ ಮುಖೇನ ಬಡವೆರೆನ ನುಪ್ಪುದ ವಿಚಾರೊಡುಲಾ ಹೊಲಸು ರಾಜಕೀಯ ಪ್ರದರ್ಶನ ಮಲ್ದುಂಡ್. ಕೇವಲ ಅಧಿಕಾರಕ್ಕೇರುನ ಸ್ವಯಂ ಸ್ವಾರ್ಥ ಸಾಧನೆಗಾದ್ ಘೋಷಣೆ ಮಲ್ದಿನ ಐನ್ ಗ್ಯಾರಂಟಿಲೆನ್ ಯಥಾವತ್ತಾದ್ ಜಾರಿಗೊಳಿಸಲಾವರೆಗಾವಂದೆ ಜನತೆಗ್ ಮೋಸ ಮಲ್ದಿನ ಕಾಂಗ್ರೆಸ್ ಇತ್ತೆ ಅರಿತ್ತ ವಿಚಾರಡ್ ಕೇಂದ್ರದ ಮಿತ್ತ್ ಗೂಬೆ ಕೂರಿಸಾವಹನ ವಿಫಲ ಯತ್ನಗ್ ದುಂಬಾತಿನವ್ ಹಾಸ್ಯಾಸ್ಪದ ಪಂಡುದು ಬಿಜೆಪಿ ಉಡುಪಿ ಜಿಲ್ಲಾಧ್ಯಕ್ಷ ಕುಯಿಲಾಡಿ ಸುರೇಶ್ ನಾಯಕ್ ತೆರಿಪಾದೆರ್.

ಚುನಾವಣೆಗುಲಾ ದುಂಬೇ ಕೇಂದ್ರ ಸರಕಾರ ರಾಜ್ಯಡ್ ಕೊರೊಂದುಪ್ಪುನ 5 ಕೆ.ಜಿ. ಅರಿತೊಟ್ಟುಗ್ ಕಾಂಗ್ರೆಸ್ ಉಚಿತ ಗ್ಯಾರಂಟಿದ 10 ಕೆ.ಜಿ. ಅರಿನ್ ಸೇರಿಸಾದ್ ಜನತೆಗ್ ವಾಗ್ದಾನ ಕೊರಿಲೆಕ್ಕ ಒಟ್ಟು 15 ಕೆ.ಜಿ. ಅರಿನ್ ಪಡಿತರ ಮುಖೇನ ವಿತರಣೆ ಮಲ್ಪೊಡಾತುಂಡ್. ಈ ವಿಚಾರಡುಲಾ ಕಾಂಗ್ರೆಸ್ ರಾಜ್ಯದ ಜನತೆಗ್ ಮಂಕು ಬೂದಿ ಎರಚೊಪ್ಪುನವ್ ಸ್ಪಷ್ಟವಾತುಂಡ್

ಪಿರಾವುದ ಅವಧಿಡುಲಾ ಸಿ.ಎಂ. ಸಿದ್ದರಾಮಯ್ಯ ಕೇಂದ್ರ ಸರಕಾರ ಅನ್ನ ಯೋಜನೆದ ಮುಖೇನ ಉಚಿತವಾದ್ ವಿತರಿಸಾದಿನ ಅರಿನ್ ತನ್ನವೇ ಅನ್ನಭಾಗ್ಯ ಯೋಜನೆ ಪಂಡುದ್ ಬಿಂಬಿಸಾದ್ ಪುಕ್ಕಟೆ ಪ್ರಚಾರ ಪಡೆತೊಂದಿನ ವಿಚಾರ ಜಗಜ್ಜಾಹೀರಾತುಂಡ್. ಕೊರೋನಾ ಸಂದರ್ಭಡ್ ಗರೀಬ್ ಕಲ್ಯಾಣ್ ಯೋಜನೆಯಡಿ ದೇಶದ 90 ಕೋಟಿಗುಲಾ ಮೀರ್ದ್ ಬಡ ಜನಕ್ಲೆಗ್ ಅನ್ನ ಯೋಜನೆ ಮುಖೇನ ಉಚಿತ ಅರಿ ವಿತರಣೆ ಮಲ್ತುದ್ ಬಡವೆರೆನ ಪರ ಕಾಳಜಿ ತೋಜಾದಿನವ್ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರಕಾರ ಪನ್ಪಿನವ್ವೆನ್ ಸಿದ್ದರಾಮಯ್ಯ ನೆನಪು ಮಲ್ತೊನೊಡ್.

ಚುನಾವಣಾ ಪ್ರಚಾರ ಸಂದರ್ಭೆ್ 200 ಯುನಿಟ್ ವಿದ್ಯುತ್ ‘ನಿನಗೂ ಫ್ರೀ ನನಗೂ ಫ್ರೀ’ ಪಂಡುದು ಡಂಗುರ ಸಾರುದಿನ ಸಿದ್ದರಾಮಯ್ಯ ಬೊಕ್ಕ ಡಿ.ಕೆ. ಶಿವಕುಮಾರ್ ಇತ್ತರ ಉಲ್ಟಾ ಪನೊಂದುಲ್ಲೆರ್. 200 ಯುನಿಟ್ ಬದಲುಗ್ 1 ವರ್ಷದ ಸರಾಸರಿ ಬಳಕೆ ಪಂಡುದು ಷರತ್ತು ಪಾಡುದಿನ ಕಾಂಗ್ರೆಸ್ ಸರಕಾರ ಭರ್ಜರಿಯಾದ್ ವಿದ್ಯುತ್ ದರೊನ್ ಏರಿಸಾದ್ ರಾಜ್ಯದ ಜನಕ್ಲೆಗ್ ಶಾಕ್ ಕೊರ್ಪಿನ ಒಟ್ಟುಗ್ ಪಂಗನಾಮ ಪಾಡುದುಂಡ್.

ಕರ್ನಾಟಕ ವಿದ್ಯುಚ್ಛಕ್ತಿ ನಿಯಂತ್ರಣ ಆಯೋಗ (ಕೆಇಆರ್ಸಿ) ಮೆಸ್ಕಾಂದ ಬೇಡಿಕೆದಂಚ ವಿದ್ಯುತ್ ದರನ್ ಪರಿಷ್ಕರಣೆ ಮಲ್ತುದ್ , ಚುನಾವಣಾ ನೀತಿ ಸಂಹಿತೆ ಹಿನ್ನೆಲೆಡ್ ಮೇ 12ಗ್ ಪ್ರತಿ ಯುನಿಟ್ ಗ್ 70 ಪೈಸೆದಲೆಕ್ಕ ಏಪ್ರಿಲ್ ಡ್ದ್ ಪೂರ್ವಾನ್ವಯ ಆಪಿಲೆಕ್ಕ ಜಾರಿ ಕನದುಂಡ್. ಸುರುತ 50 ಯೂನಿಟ್ ಬಳಕೆಗ್ ಪ್ರತೀ ಯುನಿಟ್ ಗ್ ರೂ.4.15ರ ದರ ನಿಗದಿಯಾದಿತ್ತುದ್ , ಪ್ರಸಕ್ತ 100 ಯುನಿಟ್ ಮೀರುಂಡ ಬಳಕೆ ಮಲ್ತಿನ ಆತ್ ಯುನಿಟ್ ಗ್, ಪ್ರತಿ ಯೂನಿಟ್ ಗ್ ರೂ.7 ದಲೆಕ್ಕ ದಿಡೀರಾದ್ ದರ ಜಾಸ್ತಿ ಮಲ್ದಿನವ್ ಕಾಂಗ್ರೆಸ್ ಸರಕಾರಗ್ ಬಡ ಜನತೆದ ಮಿತ್ತ್ ಒವ್ವೇ ಕಾಳಜಿ ಇಜ್ಜಿ ಪನ್ಪನವ್ವೆನ್ ಸಾಬೀತು ಮಲ್ದುಂಡ್..

ಬಿಜೆಪಿ ಸರಕಾರದ ಅವಧಿಡ್ ಮಂಜೂರಾದ್ ಪ್ರಾರಂಭ ಆವಂದಿನ ಕಾಮಗಾರಿಲೆನ ಸಹಿತ ನಿರ್ಣಯಲೆನ್ ತಡೆ ಮುಕ್ತ ದ್ ಪ್ರಸಕ್ತ ಕಾಂಗ್ರೆಸ್ ಸರಕಾರಗ್ ಸಾಧ್ಯ ಆಪಿನಾಂಡ ಜನತೆದ ಜ್ವಲಂತ ಸಮಸ್ಯೆಗ್ ಕಾರಣವಾದುಪ್ಪುನ ವಿದ್ಯುತ್ ದರ ಏರಿಕೆನ್ ತಡೆ ಮಲ್ಪರೆಗ್ ರಾಜ್ಯ ಕಾಂಗ್ರೆಸ್ ಸರಕಾರಗ್ ದಾಯೆಗ್ ಸಾಧ್ಯ ಇಜ್ಜಿ ಪನ್ಪಿನವ್ವೆನ್ ರಾಜ್ಯದ ಜನತೆ ಪ್ರಶ್ನೆ ಮಲ್ಪುಲೆಕ್ಕಾತುಂಡ್. ಕಾಂಗ್ರೆಸ್ಸುದ ಮೋಸದ ತಂತ್ರದ ಜನ ವಿರೋಧಿ ನೀತಿಲೆಡ್ದ್ ರಾಜ್ಯದ ಜನತೆ ರೋಸುದ್ ಪೋದ್ ದುಂಬುದ ಚುನಾವಣೆಲೆಡ್ ಪಾತೆರ ತತ್ತಿನ ಕಾಂಗ್ರೆಸ್ಸುಗ್ ತಕ್ಕ ಪಾಠ ಕಲ್ಪಾವರೆಗುಲ್ಲೆರ್ ಪಂಡುದು ಕುಯಿಲಾಡಿ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.