ರಾಜ್ಯೊಡೇ ಜಿಲ್ಲೆದ ಮಾತಾ ಕ್ಷೇತ್ರೊಡ್ ಗೆಂದಿನ ಬಿಜೆಪಿ..

ಬಿಜೆಪಿ ಉಡುಪಿ ಜಿಲ್ಲೆ ರಾಜ್ಯೊಡೇ ಜಿಲ್ಲೆದ ಮಾತಾ ಸ್ಥಾನೊಡ್ ಗೆಂದುದಿನ ಏಕೈಕ ಜಿಲ್ಲೆ ಪಂಡುದ್ ಪುಗಾರ್ತೆಗ್ ಪಾತ್ರರಾತುಂಡ್: ಕುಯಿಲಾಡಿ

ಜಿಲ್ಲೆಡ್ ಪದಾಧಿಕಾರಿಲು ಬೊಕ್ಕ ಕಾರ್ಯಕರ್ತೆರೆನ ಸಂಘಟಿತ ಹೋರಾಟ ಬೊಕ್ಕ ಕಾರ್ನರ್ ಮೀಟಿಂಗ್ ಮುಖೇನ ಜನತೆ ಕಾಂಗ್ರೆಸ್ಸುದ ನಕಲಿ ಗ್ಯಾರಂಟಿ ಕಾರ್ಡ್ ಜಾಲೊಡ್ದ್ ಮೋಸ ಪೋವಂದಿಲೆಕ್ಕ ಜಾಗೃತಿ ಮೂಡಿಸಾಯಿನ ಪರಿಣಾಮವಾದ್ ದಾಖಲೆದ ಅಂತರೊಡ್ ಉಡುಪಿ ಜಿಲ್ಲೆದ ಮಾತಾ ಐನ್ ವಿಧಾನಸಭಾ ಕ್ಷೇತ್ರೊಲೆಡ್ ಬಿಜೆಪಿ ದಾಖಲೆದ ಅಂತರಡ್ ಗೆಲುವು ಸಾಧಿಸಾವರೆಗ್ ಸಾಧ್ಯ ಆತುಂಡ್ ಪಂಡುದು ಬಿಜೆಪಿ ಉಡುಪಿ ಜಿಲ್ಲಾಧ್ಯಕ್ಷ ಕುಯಿಲಾಡಿ ಸುರೇಶ್ ನಾಯಕ್ ತೆರಿಪಾದೆರ್.

ರಾಜ್ಯದ ಬಾಕಿದ ಮಾತಾ ಜಿಲ್ಲೆಲೆಗ್ ತುಲನೆ ಮಲ್ರಿನಪಗ, ಉಡುಪಿ ಜಿಲ್ಲೆದ ಮಾತಾ ಐನ್ ಕ್ಷೇತ್ರೊಲೆಡ್ ಬಿಜೆಪಿ ಮಲ್ಲ ಅಂತರದ ಗೆಲುವು ಸಾಧಿಸಾದ್ , ಕುಡೊರ ಜಿಲ್ಲೆನ್ ಕಾಂಗ್ರೆಸ್ ಮುಕ್ತ ಮಲ್ದುಂಡ್.

ರಾಜ್ಯೊಡೇ ಉಡುಪಿ ಜಿಲ್ಲೆಡ್ ಬಿಜೆಪಿ ಮಾತಾ ಐನ್ ವಿಧಾನಸಭಾ ಕ್ಷೇತ್ರೊಲೆನ್ ಗೆಂದುದಿನ ಏಕೈಕ ಜಿಲ್ಲೆ ಪನ್ಪಿನ ಪುಗಾರ್ತೆಗ್ ಪಾತ್ರರಾದುಪ್ಪುನವ್ ಉಡುಪಿ ಜಿಲ್ಲೆ ಹಿಂದುತ್ವದ ಭದ್ರ ಕೋಟೆ ಪನ್ಪಿನವ್ವೆನ್ ಸಾಬೀತುಪಡಿಸಾದುಂಡ್. ಈ ಯಶಸ್ಸುಗ್ ಕಾರಣೀಭೂತರಾದುಪ್ಪುನ ಪಕ್ಷದ ಸಮಸ್ತ ಕಾರ್ಯಕರ್ತರೆಗ್ ಬೊಕ್ಕ ಮತದಾರ ಬಾಂಧವೆರೆಗ್ ಹೃತ್ಪೂರ್ವಕ ಅಭಿನಂದನೆಯನ್ನು ಸಲ್ಲಿಸಾವೆ ಪಂಡುದು ಕುಯಿಲಾಡಿ ಸುರೇಶ್ ನಾಯಕ್ ಪತ್ರಿಕಾ ಪ್ರಕಟಣೆ ಡ್ ತೆರಿಪಾದೆರ್.