ಮತಾಂತರ ನಿಷೇಧ ಕಾಯ್ದೆ ಪಿರ ದೆತ್ತಿನ ಸರಕಾರದ ವಿರುದ್ದ ಎಲ್ಲೆ ಪ್ರತಿಭಟನೆ, ಜಿಲ್ಲಾ ಬಿಜೆಪಿ ಬೆಂಬಲ.

ಮತಾಂತರ ನಿಷೇಧ ಕಾಯ್ದೆ ವಾಪಸ್ ಪಡೆದಿನ ರಾಜ್ಯ ಸರಕಾರದ ವಿರುದ್ಧ ಜೂ.19ತಾರೀಕುಗ್ ಜಿಲ್ಲಾ ವಿ.ಹಿಂ.ಪ., ಭಜರಂಗ ದಳದ ಪ್ರತಿಭಟನೆ; ಉಡುಪಿ ಜಿಲ್ಲಾ ಬಿಜೆಪಿ ಸಂಪೂರ್ಣ ಬೆಂಬಲ: ಕುಯಿಲಾಡಿ

ಮತಾಂತರ ನಿಷೇಧ ಕಾಯ್ದೆನ್ ವಾಪಾಸು ಪಡೆದಿನ ಕಾಂಗ್ರೆಸ್ ನೇತೃತ್ವದ ರಾಜ್ಯ ಸರಕಾರದ ಹಿಂದೂ ವಿರೋಧಿ ನೀತಿದ ವಿರುದ್ಧ ವಿಶ್ವ ಹಿಂದೂ ಪರಿಷತ್ ಬೊಕ್ಕ ಬಜರಂಗದಳ ಉಡುಪಿ ಜಿಲ್ಲೆ ನೆತ್ತ ನೇತೃತ್ವಡ್ ಜೂ.19 ಸೋಮವಾರ ಬಯ್ಯಗ್ 4.00 ಗಂಟೆಗ್ ಉಡುಪಿ ಜಿಲ್ಲಾಧಿಕಾರಿಲೆನ ಕಛೇರಿ, ಮಣಿಪಾಲದ ರಜತಾದ್ರಿದ ಕೈತಲ್ ನಡಪುನ ಬೃಹತ್ ಪ್ರತಿಭಟನೆಗ್ ಉಡುಪಿ ಜಿಲ್ಲಾ ಬಿಜೆಪಿ ಸಂಪೂರ್ಣ ಬೆಂಬಲ ಕೊರ್ಪುಂಡ್ ಪಂಡುದು ಬಿಜೆಪಿ ಉಡುಪಿ ಜಿಲ್ಲಾಧ್ಯಕ್ಷ ಕುಯಿಲಾಡಿ ಸುರೇಶ್ ನಾಯಕ್ ತೆರಿಪಾದೆರ್.

ಪಕ್ಷದ ಪ್ರಮುಖೆರು, ಬಿಜೆಪಿ ಜಿಲ್ಲಾ, ಮೋರ್ಚಾ, ಪ್ರಕೋಷ್ಠ, ಮಂಡಲ ಸಹಿತ ಮಾತಾ ಸ್ತರದ ಪದಾಧಿಕಾರಿಲು, ಜನಪ್ರತಿನಿಧಿಲು ಬೊಕ್ಕ ಕಾರ್ಯಕರ್ತ ಬಂಧುಲು ಹೆಚ್ಚಿನ ಸಂಖ್ಯೆಡ್ ಭಾಗವಹಿಸಾದ್ ಪ್ರತಿಭಟನೆನ್ ಯಶಸ್ವಿ ಮಲ್ಪೊಡ್ ಪಂಡುದು ಆರು ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.