ಲೋಕಸಭಾ ಚುನಾವಣೆಗ್ ಉಡುಪಿ-ಚಿಕಮಗಳೂರು ಅಭ್ಯರ್ಥಿಯಾದ್ ಪ್ರಮೋದ್ ಮಧ್ವರಾಜೆರೆಗ್ ಬಿಜೆಪಿ ಟಿಕೆಟ್ ಕೊರೊಡುಂದ್ ಅಖಿಲ ಭಾರತೀಯ ಮೀನುಗಾರರ ಸಂಘದಕುಲು ಆಗ್ರಹ ಮಲ್ತುದೆರ್. ಅಂಬಲಪಾಡಿದ ಕಾರ್ತಿಕ್ ಹೋಟೇಲ್ ಈ ಬಗೆಟ್ ಪತ್ರಿಕಾಗೋಷ್ಠಿ ಮಲ್ತುದ್ ಮೀನುಗಾರ ಮುಖಂಡೆರ್ ಪತ್ರಕಾ ಪ್ರಕಟಣೆಡ್ ಮನವಿ ಮಲ್ತುದೆರ್.
ರಾಷ್ಟ್ರೀಯ ಮಟ್ಟಡ್ ಮೀನುಗಾರೆರೆನ ಸಮಸ್ಯೆಗ್ ಪರಿಹಾರ ಬೊಕ್ಕ ಸಮಸ್ತ ಮೀನುಗಾರೆರೆನ ಅಭಿವ್ರದ್ದಿಗ್ ಮೀನುಗಾರ ಪ್ರತಿನಿಧಿನ ಅಗತ್ಯ ಉಂಡು. ಈ ನಿಟ್ಟುಡ್ ಪ್ರಮೋದ್ ಮಧ್ವರಾಜ್ ಅಯಿಕ್ ಸೂಕ್ತ ವ್ಯಕ್ತಿ ಪಂಡುದ್ ಅ. ಭಾ. ಮೀನುಗಾರರ ಸಂಘದ ಕಾರ್ಯದರ್ಶಿ ಕಿಶೋರ್ ಡಿ. ಸುವರ್ಣ ಪತ್ರಿಕಾ ಗೋಷ್ಠಿಡ್ ತೆರಿಪಾಯೆರ್.
ಈ ಪೊರ್ತುಡ್ ಮೀನು ವ್ಯಾಪಾರಸ್ಥರ ಸಂಘದ ಅಧ್ಯಕ್ಷೆರಾಯಿನ ಸಾಧು ಸಾಲ್ಯಾನ್, ಅ. ಕ. ಮೀನುಗಾರರ ಕ್ರಿಯಾಸಮಿತಿದ ಕಾರ್ಯಾಧ್ಯಕ್ಷೇರಾಯಿನ ಜಗನ್ನಾಥ ಕಡೆಕಾರ್, ಮಲ್ಪೆ ಮೀನುಗಾರ ಸಂಘದ ಪ್ರಧಾನ ಕಾರ್ಯದರ್ಶಿ ಕ್ರಷ್ಣ ಸುವರ್ಣ, ಮಲ್ಪೆ ಆಳಸಮುದ್ರ ಮೀನುಗಾರ ಸಂಘದ ಅಧ್ಯಕ್ಷೆರಾಯಿನ ಸುಭಾಷ್ ಎಸ್. ಮೆಂಡನ್, ಮಲ್ಪೆ ಪರ್ಸೀನ್ ಮೀನುಗಾರ ಸಂಘದ ಅಧ್ಯಕ್ಷೆರಾಯಿನ ನಾಗರಾಜ್ ಸುವರ್ಣ,370 ಟ್ರಾಲ್ ಬೋಟ್ ಮೀನುಗಾರ ಸಂಘದ ಅಧ್ಯಕ್ಷೆರಾಯಿನ ಮೋಹನ್ ಕುಂದರ್, ಆಳಸಮುದ್ರ ತಾಂಡೇಲರ ಸಂಘದ ಅಧ್ಯಕ್ಷ ರವಿರಾಜ್ ಸುವರ್ಣ, ಯೋಗೀಶ್ ಸಾಲ್ಯಾನ್ ಪತ್ರಿಕಾ ಗೋಷ್ಠಿಡ್ ಉಪಸ್ಥಿತರಿತ್ತೆರ್.
by 