ಜು.14 ತಾರೀಕುಗ್ ಕಾಂಡೆ 11.00 ಗಂಟೆಗ್ ಮಣಿಪಾಲದ ಹೋಟೆಲ್ ಕಂಟ್ರಿ ಇನ್ ಸಭಾಂಗಣಡ್ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರಕಾರದ 9 ವರ್ಷದ ಸಾಧನೆ ಬೊಕ್ಕ ಪ್ರಬುದ್ಧೆರೆನ ಗೋಷ್ಠಿಯನ್ನುದ್ದೇಶಿಸಾದ್ ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಪಾತೆರುವೆರ್ ಪಂಡುದು ಬಿಜೆಪಿ ಉಡುಪಿ ಜಿಲ್ಲಾಧ್ಯಕ್ಷ ಕುಯಿಲಾಡಿ ಸುರೇಶ್ ನಾಯಕ್ ತೆರಿಪಾಯೆರ್..
ಆರು ಬಿಜೆಪಿ ಉಡುಪಿ ನಗರಾಧ್ಯಕ್ಷ ಮಹೇಶ್ ಠಾಕೂರ್ ಅಧ್ಯಕ್ಷತೆಡ್ ಬಿಜೆಪಿ ಜಿಲ್ಲಾ ಕಛೇರಿಡ್ ನಡತಿನ ಬಿಜೆಪಿ ಉಡುಪಿ ನಗರ ಮಂಡಲದ ಸಭೆಡ್ ಪಾಲ್ ಪಡೆದ್ , ‘ಮಹಾ ಸಂಪರ್ಕ ಅಭಿಯಾನ’ದ ಓಲೆನ್ ಬುಡುಗಡೆ ಮಲ್ತುದ್ ಪಾತೆರಿಯೆರು.
ಪಕ್ಷದ ಸೂಚನೆದಂಚ ಮಹಾ ಸಂಪರ್ಕ ಅಭಿಯಾನದಡಿ ಮಂಡಲ ವ್ಯಾಪ್ತಿಯ ಹಿರಿಯ ಬಿಜೆಪಿಗರ ಸಮಾವೇಶ, ವ್ಯಾಪಾರಿಲೆನ ಸಮಾವೇಶ, ಮಂಡಲ ಕಾರ್ಯಕಾರಿಣಿ ಸಭೆನ್ ಆಯೋಜನೆ ಮಲ್ಪುನೊಟ್ಡುಗ್ ಪ್ರಧಾನಿ ಮೋದಿ ಆಡಳಿತದ 9 ವರ್ಷದ ಸಾಧನೆಲೆನ್ ಪ್ರಚುರಪಡಿಸಾವರೆಗ್ ಇಲ್ಲ ಇಲ್ಲಗ್ ಬೇಟಿ, ಮಂಡಲ ವ್ಯಾಪ್ತಿಡ್ 100 ಜನ ವೃತ್ತಿಪರೆರು ಬೊಕ್ಕ ಸಾಮಾಜಿಕ ಪ್ರಮುಖೆರೆನ ತಂಡ ರಚನೆ, ಬೂತ್ ವಾರು 100 ಜನ ಸಕ್ರಿಯ ಕಾರ್ಯಕರ್ತೆರೆನ ತಂಡ ರಚನೆ, ಮಂಡಲ ಪದಾಧಿಕಾರಿಲೆನ ಸೌಹಾರ್ದ ಕೂಟ ಆಯೋಜನೆ ಬೊಕ್ಕ ಸೋಷಿಯಲ್ ಮೀಡಿಯಾ ತಂಡೊನ್ ಸಕ್ರಿಯ ಮಲ್ಪುನವ್ ಇಂಚ ಪ್ರಮುಖ ಕಾರ್ಯ ಯೋಜನೆಲೆನ್ ಜುಲೈ ತಿಂಗೊಲುಡ್ ವ್ಯವಸ್ಥಿತವಾದ್ ಆಯೋಜನೆ ಮಲ್ಪೊಡ್ ಪಂಡೆರು.
.
ಈ ಸಂದರ್ಭದಲನಿಕಟಪೂರ್ವ ಶಾಸಕ ಕೆ.ರಘುಪತಿ ಭಟ್, ಜಿಲ್ಲಾ ಉಪಾಧ್ಯಕ್ಷರಾದ ರವಿ ಅಮೀನ್, ಶ್ರೀಶ ನಾಯಕ್ ಪೆರ್ಣಂಕಿಲ, ಜಿಲ್ಲಾ ವಕ್ತಾರ ಕೆ.ರಾಘವೇಂದ್ರ ಕಿಣಿ, ಜಿಲ್ಲಾ ಕಾರ್ಯದರ್ಶಿ ರೇಶ್ಮಾ ಉದಯ ಶೆಟ್ಟಿ, ಉಡುಪಿ ನಗರಸಭೆ ಉಪಾಧ್ಯಕ್ಷೆ ಲಕ್ಷ್ಮೀ ಮಂಜುನಾಥ್, ಸ್ಥಾಯಿ ಸಮಿತಿ ಅಧ್ಯಕ್ಷ ಶ್ರೀಶ ಭಟ್ ಕೊಡವೂರು, ಬಿಜೆಪಿ ಜಿಲ್ಲಾ ಕಾರ್ಯಾಲಯ ಕಾರ್ಯದರ್ಶಿ ಸತ್ಯಾನಂದ
by 