ಬಿಜೆಪಿ ಜಿಲ್ಲಾ ಹಿಂದುಳಿದ ವರ್ಗೊಲೆನ ಮೋರ್ಚಾ ಕಾರ್ಯಕಾರಿಣಿ ಸಭೆ..

ಬಿಜೆಪಿ ಜಿಲ್ಲಾ ಹಿಂದುಳಿದ ವರ್ಗೊಲೆನ ಮೋರ್ಚಾದ ಜಿಲ್ಲಾ ಕಾರ್ಯಕಾರಿಣಿ ಸಭೆ ಜಿಲ್ಲಾ ಒಬಿಸಿ ಮೋರ್ಚಾ ಅಧ್ಯಕ್ಷ ಸುರೇಂದ್ರ ಪಣಿಯೂರ್ ಮೆರೆನ ಅಧ್ಯಕ್ಷತೆಡ್ ಬಿಜೆಪಿ ಜಿಲ್ಲಾ ಕಛೇರಿಡ್ ನಡತುಂಡ್.

ಕಾರ್ಯಕಾರಿಣಿ ಸಭೆನ್ ಉದಿಪನ ಮಲ್ತುದ್ ಪಾತೆರಿನ ಬಿಜೆಪಿ ಜಿಲ್ಲಾಧ್ಯಕ್ಷ ಕುಯಿಲಾಡಿ ಸುರೇಶ್ ನಾಯಕ್, ಜಿಲ್ಲಾ ಒಬಿಸಿ ಮೋರ್ಚಾ ಪ್ರಸಕ್ತ ಅವಧಿಡ್ ಎಡ್ಡೆ ಕಾರ್ಯ ಚಟುವಟಿಕೆಲೆನ್ ಮಲ್ದುಂಡ್. ವಿಧಾನಸಭಾ ಚುನಾವಣೆದ ಗೇಲುಡ್ ಜಿಲ್ಲೆದ ಹಿಂದುಳಿದ ವರ್ಗೊಲೆನ ಓಟು

ನಿರ್ಣಾಯಕ ಪಾತ್ರ ಮಲ್ದುಂಡ್. ಚುನಾವಣಾ ಗೇಲುಗ್ ಶ್ರಮ ಮಲ್ದಿನ ಒಬಿಸಿ ಮೋರ್ಚಾ ಬೊಕ್ಕ ಭರ್ಜರಿ ಗೇಲುಗ್ ಕೈಜೋಡಿಸಾಯಿನ ಮಾತರೆನ್ ಅಭಿನಂದನೆ ಮಲ್ಪುವೆ. ಬರ್ಪಿನ ಜಿಲ್ಲಾ ಪಂಚಾಯತ್, ತಾಲೂಕು ಪಂಚಾಯತ್ ಬೊಕ್ಕ ಲೋಕಸಭಾ ಚುನಾವಣೆಡ್ ಬಿಜೆಪಿ ಅಭ್ಯರ್ಥಿಲೆನ್ ಮಸ್ತ್ ಓಟುದ ಅಂತರೊಡ್ ಗೆಂದಾವರೆಗ್ ಮಾತೆರ್ಲಾ ಸಂಘಟಿತೆರಾದ್ ಬೆನೊಡ್ ಪಂಡುದು ಲೆಪ್ಪು ಕೊರಿಯೆರ್.

ಉಡುಪಿ ಶಾಸಕ ಯಶ್ಪಾಲ್ ಎ. ಸುವರ್ಣ ಪಾತೆರ್ದ್, ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರಕಾರದ ಆಡಳಿತಡ್ ಹಿಂದುಳಿದ ವರ್ಗೊಲೆಗ್ ಹೆಚ್ಚ ಮಾನ್ಯತೆ ತಿಕ್ಕುದುಂಡ್.. ‘ಸಬ್ ಕೇ ಸಾಥ್ ಸಬ್ ಕಾ ವಿಕಾಸ್, ಸಬ್ ಕಾ ವಿಶ್ವಾಸ್, ಸಬ್ ಕಾ ಪ್ರಯಾಸ್’ ತತ್ವದಡಿ ಪ್ರಧಾನಿ ಮೋದಿ ನೇತೃತ್ವಡ್ ದೇಶದ ಕೊಡಿಗಡೆ ಅಭಿವೃದ್ಧಿದ ಪೊಸ ವರ್ಷ ಸುರುವಾತುಂಡ್. ಭಾರತ ಆರ್ಥಿಕತೆದ ಪ್ರಗತಿದ ವೇಗೊಡ್ ವಿಶ್ವಡೇ ಮೂಂಚೂಣಿ ಜಾಗೆನ್ ಪಡೆದುಂಡ್. ದುಂಬುದ ಲೋಕಸಭಾ ಚುನಾವಣೆಡ್ ಪಕ್ಷದ ಅಭ್ಯರ್ಥಿಲೆನ್ ಭರ್ಜರಿ ಬಹುಮತಡ್ ಗೆಂದಾವುನ ಮೂಲಕ ನರೇಂದ್ರ ಮೋದಿ ಮೆರೆನ್ ಕುಡೊರ ದೇಶದ ಪ್ರಧಾನಿ ಮಲ್ಪರೆಗ್ ಮಾತೆರ್ಲಾ ಕಂಕಣಬದ್ಧರಾದ್ ಶ್ರಮಿಸಾವೊಡಾತುಂಡ್ ಪಂಡೆರು.

ಬಿಜೆಪಿ ಜಿಲ್ಲಾ ಒಬಿಸಿ ಮೋರ್ಚಾ ಅಧ್ಯಕ್ಷ ಸುರೇಂದ್ರ ಪಣಿಯೂರು ಪ್ರಾಸ್ತಾವಿಕವಾದ್ ಪಾತೆರಿಯೆರ್.

ಕಾರ್ಯಕಾರಿಣಿ ಸಭೆಟ್ ಪಕ್ಷದ ಪ್ರಮುಖೆರು, ಒಬಿಸಿ ಮೋರ್ಚಾ ಜಿಲ್ಲಾ ಪದಾಧಿಕಾರಿಲು, ಜಿಲ್ಲಾ ಕಾರ್ಯಕಾರಿಣಿ ಸದಸ್ಯೆರು, ಒಬಿಸಿ ಮೋರ್ಚಾ ಮಂಡಲದ ಅಧ್ಯಕ್ಷೆರು ಬೊಕ್ಕ ಪ್ರಧಾನ ಕಾರ್ಯದರ್ಶಿಲು ಉಪಸ್ಥಿತರಿತ್ತೆರು.

ಒಬಿಸಿ ಮೋರ್ಚಾ ಜಿಲ್ಲಾ ಪ್ರಧಾನ ಕಾರ್ಯದರ್ಶಿಲಾಯಿನ ಸತೀಶ್ ಕುಲಾಲ್ ಕಡಿಯಾಳಿ ಸ್ವಾಗತ ಮಲ್ತುದ್, ಕಾರ್ಯಕ್ರಮ ನಿರ್ವಹಣೆ ಮಲ್ತೆರು. ಅರುಣ್ ಕುಮಾರ್ ಬಾಣ ವಂದಿಸಾಯೆರ್.